ٹرانسجینڈر ڈاکٹر زین کو گورنرپنجاب کی شاباش
اشاعت کی تاریخ: 24th, September 2025 GMT
لاہور (اُردو پوائنٹ اخبارتازہ ترین۔ 24 ستمبر2025ء) ٹرانسجینڈر ڈاکٹر زین نے ایک بار پھر اپنی خدمتِ خلق اور انسانیت سے محبت کے جذبے سے عوام کے دل جیت لئے۔ لاہور کے تھیم پارک سے لے کر علی پور اور جلالپور پیروالا تک، سیلاب متاثرین کے لئے میڈیکل کیمپ لگا کر انہوں نے ہزاروں افراد کو علاج، کھانا، کپڑے اور پناہ فراہم کی۔ ڈاکٹر زین، جو جیو پاک ہسپتال موہلنوال لاہور کے ڈائریکٹر ہیں، نے بتایا کہ گزشتہ ایک ماہ میں تھیم پارک لاہور کے 300 متاثرین کو ہسپتال کے اندر باعزت چھت فراہم کی گئی، جہاں انہیں چین کی بزنس کمیونٹی اور دی نور پراجکٹ کے تعاون سے روزانہ راشن اور مکمل میڈیکل سہولتیں مہیا کی گئیں۔
(جاری ہے)
گورنر پنجاب سردار سلیم حیدر خان نے ڈاکٹر زین کی خدمات کو سراہتے ہوئے انہیں خصوصی طور پر گورنر ہاؤس بلا کر خراجِ تحسین پیش کیاہے اور علی پور کی تحصیلوں میں ریلیف سرگرمیوں کے لئے سہولتیں فراہم کیں۔
ڈاکٹر زین کا کہنا تھا کہ صرف ایک ماہ کے دوران ہزاروں متاثرین کو طبی امداد کے ساتھ ساتھ کھانے پینے کی اشیاء اور کپڑے فراہم کئے گئے۔ اس موقع پر جیو پاک ہسپتال کے چیئرمین شاہد نذیر چودھری، چیف ایگزیکٹو عبدالشکور اور "دی نور پراجیکٹ" کے سی ای او امجد وٹو نے بھرپور تعاون فراہم کیا۔ سیلاب متاثرین نے گفتگو میں اپنی مشکلات کا ذکر کرتے ہوئے کہا کہ پینے کے صاف پانی، ادویات اور خوراک کی قلت نے انہیں شدید پریشان کیا ہوا تھا، لیکن ڈاکٹر زین اور ان کی ٹیم نے امید کی ایک نئی کرن پیدا کر دی۔ یہ پہلا موقع نہیں کہ ڈاکٹر زین نے سیلاب متاثرین کے لئے میدانِ عمل میں قدم رکھا ہو۔ اس سے قبل بھی وہ خیبرپختونخوا کے ضلع بونیر میں سیلاب کے دوران متاثرین کے لئے میڈیکل کیمپ قائم کر چکے ہیں، جہاں کے پی کے حکومت نے ان کی خدمات کو کھلے دل سے سراہا تھا۔ ماہرین اور سماجی رہنماؤں نے کہا ہے کہ ڈاکٹر زین جیسے انسانیت دوست افراد معاشرے کے لئے مشعلِ راہ ہیں، جنہوں نے اپنی زندگی دوسروں کی خدمت کے لئے وقف کر دی ہے۔.
ذریعہ: UrduPoint
کلیدی لفظ: تلاش کیجئے متاثرین کے لئے سیلاب متاثرین ڈاکٹر زین فراہم کی
پڑھیں:
ملتان، مجلس وحدت مسلمین کے زیراہتمام ایک ہزار سیلاب متاثرین میں کھانا تقسیم
ملتان سے جاری بیان کے مطابق ایم ڈبلیو ایم کے ضلعی صدر عون رضا انجم ایڈووکیٹ نے کہا ہے کہ روزانہ کی بنیاد پر مجلس وحدت مسلمین کے زیراہتمام مخیر حضرات کے تعاون سے کھانا تقسیم کیا جا رہا ہے، علاوہ ازیں ملتان سٹی، شجاع آباد اور جلالپور میں میڈیکل کیمپ بھی لگائے گئے ہیں۔ اسلام ٹائمز۔ مجلس وحدت مسلمین ضلع ملتان کی جانب سے شیر شاہ، مظفرآباد، والوٹ موڑ، بستی خلیفہ، جہان پور میں سیلاب سے متاثرہ ایک ہزار افراد میں کھانا تقسیم کیا گیا، ملتان سے جاری بیان کے مطابق ایم ڈبلیو ایم کے ضلعی صدر عون رضا انجم ایڈووکیٹ نے کہا ہے کہ روزانہ کی بنیاد پر مجلس وحدت مسلمین کے زیراہتمام مخیر حضرات کے تعاون سے کھانا تقسیم کیا جا رہا ہے، علاوہ ازیں ملتان سٹی، شجاع آباد اور جلالپور میں میڈیکل کیمپ بھی لگائے گئے ہیں جبکہ ضلع ملتان میں ساڑھے تین راشن کے بیگز تقسیم کیے گئے ہیں۔ انہوں نے مخیرین اور صاحب ثروت افراد سے سیلاب متاثرین کی امداد کی اپیل کی ہے۔
نیویارک، اقوام متحدہ کے سامنے آرتھوڈوکس یہودیوں کا نیتن یاہو کے خلاف مظاہرہ