ایشیا کپ کا فائنل: کن ٹیموں کے پاس اب بھی موقع باقی ہے؟
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
ایشیا کپ ٹی ٹوئنٹی کے سپر فور مرحلے میں صورتحال دلچسپ ہوگئی ہے، پاکستان کی سری لنکا کے خلاف کامیابی کے بعد اب چاروں ٹیموں کے پاس فائنل میں جگہ بنانے کا موقع موجود ہے۔
ایونٹ کے اس مرحلے میں ہر ٹیم نے تین تین میچ کھیلنے ہیں جبکہ پوائنٹس ٹیبل پر اس وقت بھارت پہلے نمبر پر ہے۔ بھارت نے ایک میچ کھیل کر 2 پوائنٹس حاصل کیے ہیں، پاکستان 2 میچز کھیل کر ایک میں کامیابی کے بعد دوسرے نمبر پر ہے، بنگلا دیش تیسرے اور سری لنکا لگاتار دو میچ ہارنے کے بعد سب سے نیچے ہے۔
بنگلا دیش نے سری لنکا کو ہرا کر ایونٹ کا آغاز کیا اور 2 پوائنٹس کے ساتھ اپنے امکانات روشن رکھے ہیں۔ اگر وہ آج بھارت کو شکست دے دیتا ہے تو فائنل کی دوڑ میں واضح برتری حاصل کرسکتا ہے، تاہم اگر ہار گیا تو پاکستان کے خلاف میچ اس کے لیے سیمی فائنل جیسا ہوگا۔ بھارت دوسری جانب واحد ناقابلِ شکست ٹیم ہے اور اگر وہ آج کامیابی حاصل کر لیتا ہے تو براہ راست فائنل میں پہنچ جائے گا۔
پاکستان کے لیے حساب سادہ ہے۔ گرین شرٹس کو بھارت کی جیت کی امید کرنی ہوگی اور پھر خود کو جمعرات کو بنگلا دیش کے خلاف لازمی فتح حاصل کرنا ہوگی تاکہ فائنل میں جگہ یقینی بنائی جا سکے۔ اس وقت پاکستان کا نیٹ رن ریٹ بھی مثبت ہے، اس لیے ایک کامیابی اسے فائنل میں پہنچا سکتی ہے۔
سری لنکا کے لیے صورتحال سب سے زیادہ پیچیدہ ہے۔ دو میچ ہارنے کے بعد وہ صرف اسی صورت آگے بڑھ سکتا ہے جب باقی ٹیموں کو بڑے مارجن سے شکست دے اور بھارت کو بھی ہرائے، تاکہ نیٹ رن ریٹ کے ذریعے برتری حاصل کرسکے۔ لیکن اگر آج بھارت بنگلا دیش کو ہرا دیتا ہے تو سری لنکا کے تمام امکانات ختم ہو جائیں گے اور وہ ایونٹ سے باہر ہو جائے گا۔
ذریعہ
ذریعہ: Jasarat News
کلیدی لفظ: فائنل میں بنگلا دیش سری لنکا کے بعد
پڑھیں:
دوسرا ون ڈے: آسٹریلیا نے پاکستان کو 41 رنز سے شکست دے دی
لاہور(نیوز ڈیسک)تین ایک روزہ میچوں کی سیریز کے دوسرے میچ میں آسٹریلیا نے پاکستان کو 42 رنز سے شکست دے کر سیریز 1-1 سے برابر کردی۔
لاہور کے قذافی اسٹیڈیم میں کھیلے گئے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔
مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔
آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔
پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔
232 رنز کے ہدف کے تعاقب میں پاکستان کی پوری ٹیم 44 اوور میں 190 رنز بنا کر آؤٹ ہوگئی۔
پاکستان کی جانب سے شاداب خان نے ناٹ آؤٹ 71 رنز کی اننگ کھیلی۔ ان کے علاوہ غازی غوری نے 37 اور عرفات منہاس نے 33 رنز بنائے۔
آسٹریلیا کی جانب سے ناتھن ایلس نے 4 اور میتھیو شارٹ نے 3 کھلاڑیوں کو آؤٹ کیا۔
خیال رہےکہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
مزید پڑھیں۔سونے کی قیمت میں پھر ہوشربا اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ