بینکاک کی مرکزی سڑک اچانک زمین میں دھنس گئی، شہری خوفزدہ
اشاعت کی تاریخ: 25th, September 2025 GMT
data-id="863a0a8" data-element_type="widget" data-widget_type="theme-post-content.default">
تھائی لینڈ کے دارالحکومت بینکاک میں ایک حیران کن واقعہ پیش آیا جہاں مرکزی سڑک کا بڑا حصہ اچانک زمین میں دھنس گیا۔
غیر ملکی میڈیا کے مطابق یہ واقعہ مقامی پولیس اسٹیشن اور واجیرا اسپتال کے سامنے پیش آیا، جس کے نتیجے میں سڑک پر تقریباً 50 میٹر (160 فٹ) چوڑا گھڑا بن گیا۔ اس حادثے کے بعد متاثرہ سڑک کو فوری طور پر ٹریفک کے لیے بند کردیا گیا۔
سوشل میڈیا پر وائرل ہونے والی ویڈیوز میں صاف دیکھا جاسکتا ہے کہ کس طرح سڑک آہستہ آہستہ دھنسنے لگی اور پھر چند لمحوں می پورا حصہ زمین میں بیٹھ گیا۔ اس دوران بجلی کے پول اکھڑ گئے جبکہ زیر زمین سیوریج اور پانی کی پائپ لائنز بھی ٹوٹ پھوٹ کا شکار ہوئیں جن سے پانی بہنے لگا۔
ابتدائی طور پر مقامی انتظامیہ نے واقعے کی ممکنہ وجہ حالیہ بارشوں اور پائپ سے پانی کے رساؤ کو قرار دیا ہے۔ حکام کا کہنا ہے کہ ماہرین صورتحال کا جائزہ لے رہے ہیں اور مزید تحقیقات کے بعد حتمی رپورٹ جاری کی جائے گی۔
یہ واقعہ نہ صرف ٹریفک کے نظام کو متاثر کر گیا بلکہ شہریوں میں بھی خوف و ہراس کا باعث بنا، تاہم حکام نے یقین دہانی کرائی ہے کہ متاثرہ مقام کی مرمت اور بحالی کے کام جلد از جلد مکمل کیے جائیں گے۔
ویب ڈیسک
شیخ یاسین
ذریعہ: Jasarat News
پڑھیں:
وائٹ ہاؤس میں صدر ٹرمپ کے قریب کھڑا مہمان اچانک گر پڑا
وائٹ ہاؤس میں امریکی صدر ڈونلڈ ٹرمپ کے سامنے مہمان اچانک گر پڑا۔
ادویات کی قیمتوں سے متعلق بریفنگ کے دوران ہیلتھ کیئر کمپنی سے وابستہ ملازم اوول آفس میں گرا۔
اس موقع پر صدر ٹرمپ اپنے قریب کھڑے شخص کے گرنے پر پریشان دکھائی دیے اور وہاں سے صحافیوں کو باہر بھیج دیا گیا۔
ٹرمپ انتظامیہ کے سینئر اہلکار ڈاکٹر مہمت عوز نے فوری طور پر متاثرہ شخص کو طبی امداد دی۔
وائٹ ہاؤس کی جانب سے بتایا گیا ہے کہ مہمان کی حالت اب بہتر ہے۔
شاہ رخ خان اپنے بچوں کو فلمی کیریئر پر مشورہ کیوں نہیں دیتے؛ اداکار نے بتادیا