مریم نواز کی سادگی اور خدمت سیلاب متاثرین کے دلوں میں گھر کر گئی
اشاعت کی تاریخ: 26th, September 2025 GMT
پنجاب میں حالیہ سیلاب نے متعدد اضلاع کو بری طرح متاثر کیا ہے، جہاں لاکھوں افراد بے گھر ہو گئے اور اربوں روپے کا نقصان ہوا۔ اس تباہی کے دوران وزیراعلیٰ پنجاب مریم نواز شریف نے عوام کی خدمت کو اپنی اولین ترجیح قرار دیتے ہوئے متاثرہ علاقوں کے کئی دورے کیے۔
میں اس وقت اپنی خوشی کا اظہار ہی نہیں کرپارہی اور مجھے یقین نہیں آرہا کہ میرے سامنے مریم نواز صاحبہ موجود ہونگی۔#ElectroBusInDGKhan pic.
— PMLN (@pmln_org) September 25, 2025
وہ نہ صرف ریلیف کیمپوں کا جائزہ لے رہی ہیں بلکہ متاثرین کے ساتھ براہِ راست بیٹھ کر ان کے دکھ درد میں شریک بھی ہو رہی ہیں۔
سوشل میڈیا پر ان کی طرزِ زندگی، لباس، جیولری، ہیڈ بیگ اور جوتوں پر تنقید کے باوجود مریم نواز نے عوام کی خدمت میں کوئی کسر نہ چھوڑی اور سیلاب متاثرین کو یہ احساس دلایا کہ وہ ان میں سے ایک ہیں۔
متاثرین کے درمیان گھل مل جانامریم نواز نے سیلاب زدہ اضلاع میں بار بار دورے کیے اور ریلیف آپریشنز کا ذاتی طور پر جائزہ لیا۔ ان دوروں میں وہ سادہ لباس، سر پر دوپٹہ اوڑھے اور عام جوتوں میں نظر آئیں۔
یہ بھی پڑھیں:کیا مریم نواز کا بیگ پاکستانی ڈیڑھ کروڑ روپے کا ہے؟ سوشل میڈیا پر نئی بحث چھڑ گئی
انہوں نے متاثرین کے ساتھ بیٹھ کر کھانا کھایا، کھانا بانٹا، بہاولنگر میں دیہی خواتین کے ساتھ کپڑے سیے اور کشیدہ کاری کی مہارت دکھائی۔
انہوں نے بچوں کو گود میں اٹھا کر ماں جیسا پیار دیا، فلڈ ریلیف کیمپ میں پیدا ہونے والے بچوں کے والدین سے ملاقات کی اور عارضی کلاس رومز میں بچوں سے ملی۔ مریم نواز کا کہنا تھا کہ ’مجھے خوشی ہوتی ہے اپنی عوام کی خدمت کر کے، میں تو آئی ہی عوام کی خدمت کرنے ہوں‘۔
یہ چادر مجھے ڈیرہ غازی خان کے ایک گاؤں سے ایک بزرگ ماں نے اپنے ہاتھوں سے بنا کر بھیجی اور کہا کہ مریم کو دے دینا اور کہنا میں نے بہت پیار سے اس پر کڑھائی کی ہے۔ یہی محبتیں مجھ پر قرض ہیں۔ pic.twitter.com/D2toUK0gnf
— Maryam Nawaz Sharif (@MaryamNSharif) September 25, 2025
سیلاب متاثرین اس بات پر خوش ہوئے کہ نواز شریف کی بیٹی بھی عام خواتین کی طرح سلائی کڑھائی جانتی ہیں۔
ریلیف کیمپوں میں موجود لوگوں نے یہ دیکھ کر بھی مسرت کا اظہار کیا کہ مریم نواز وہی کھانا کھا رہی ہیں جو عوام میں تقسیم ہو رہا تھا۔ ان کا یہ طرزِ عمل متاثرین کے دلوں کو چھو گیا۔
سادہ زندگی پر اصرارصوبائی وزیر اطلاعات عظمیٰ بخاری نے کچھ عرصہ قبل کہا تھا کہ مریم نواز لان کا 7 سے 8 سو روپے والا سوٹ پہنتی ہیں اور جوتے بھی عام لوکل مارکیٹ سے خریدتی ہیں۔ ان کے مطابق مریم نواز کو سادہ کپڑے پسند ہیں اور وہ زیادہ تر سادہ لباس ہی پہنتی ہیں۔
اگرچہ وہ برانڈڈ کپڑے بھی استعمال کرتی ہیں، مگر اب زیادہ تر سادہ کپڑوں کو ترجیح دیتی ہیں۔
عظمیٰ بخاری کے مطابق، مریم نواز کیا پہن رہی ہیں اس کے لیے انہیں کسی کی اجازت کی ضرورت نہیں۔ ان پر مہنگے کپڑوں اور جوتوں کی تنقید بالکل غلط ہے کیونکہ وہ ہمیشہ سادہ لباس میں عوام کے درمیان نظر آتی ہیں۔
خدمت، فیشن سے بڑھ کرمریم نواز کی توجہ عوام کی خدمت پر ہے، نہ کہ فیشن پر۔ یہی سادگی اور عوام کے ساتھ قربت ان کی شخصیت کو سیلاب متاثرین کے دلوں میں جگہ دلا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برانڈ پنجاب خدمت سیلاب سیلاز زدگان عظمیٰ بخاری فیش مریم سادگی مرین نواز وزیر اعلیٰ پنجابذریعہ: WE News
کلیدی لفظ: سیلاب سیلاز زدگان فیش مریم سادگی مرین نواز وزیر اعلی پنجاب سیلاب متاثرین عوام کی خدمت متاثرین کے مریم نواز رہی ہیں کے ساتھ
پڑھیں:
ٹورزم، ماحولیات بہتری کیلئے خاطر خواہ کام کئے، سموگ میں کمی کے اقدامات دنیا تسلیم کر رہی ہے: مریم نواز
لاہور+ گوجرانوالہ (نیوز رپورٹر+ نوائے وقت رپورٹ+ نمائندہ خصوصی) مریم نواز نے برازیل کوپ 30 اجلاس میں شرکت کے لئے جاتے ہوئے لندن میں مختصر قیام کیا۔ وزیراعلیٰ مریم نواز شریف نے لندن میں میڈیا سے گفتگو کرتے ہوئے کہا کہ پہلی مرتبہ پنجاب کوپ30 میں بطور مبصر کی حیثیت سے نہیں بلکہ باقاعدہ طور پر شریک ہورہا ہے۔ ستھرا پنجاب دنیا کا منظم ویسٹ مینجمنٹ پروگرام ہے۔ پنجاب میں ای موبلٹی شروع ہوچکا ہے، الیکٹرک بسیں اور الیکٹرک بائیک لائے ہیں۔ وزیراعلیٰ مریم نواز شریف نے کہا کہ ٹرانسپورٹ کو بتدریج گرین انرجی پر شفٹ کیا جارہا ہے۔ ٹورازم، وائلڈ لائف اور ماحولیات میں بہتری کے لئے خاطرخواہ کام کیے ہیں۔ سموگ میں کمی اور خاتمے کے لئے اقدامات کو دنیا تسلیم کررہی ہے۔ برازیل کے شہر بیلم میں کوپ 30 اجلاس میں اپنے پراجیکٹ پیش کیے جائیں گے۔ ایک سوال کے جواب میں وزیراعلیٰ مریم نواز شریف نے کہا کہ شہباز شریف نے میری ٹریننگ کی اور ان ہی کی نقش قدم پر چل رہی ہوں اور وہی میرے مینٹور ہیں۔ پنجاب کے عوام کی طرف سے جو محبت اور پیار ملا کبھی سوچ بھی نہیں سکتی تھی۔ اللہ تعالیٰ کا شکر ہے کہ مجھے وزارت اعلیٰ میں کوئی مشکل نہیں آئی۔ گورنمنٹ میں ٹیم کی طرح کام کررہے ہیں، اس سے عوام میں پذیرائی مل رہی ہے۔ مریم نواز سکول اینڈ ریسورس سنٹر فار آٹزم کے بورڈ آف ڈائریکٹرز کا معاون خصوصی وزیراعلیٰ برائے سپیشل ایجوکیشن ثانیہ عاشق کی سربراہی میں پہلا اجلاس منعقد ہوا۔ اجلاس میں آٹسٹک بچوں کی فلاح اور بحالی کے اہم اور تاریخی فیصلے کیے گئے۔ وزیراعلیٰ مریم نواز شریف کی ہدایت پر مریم نواز سکول اینڈ ریسورس سنٹر فار آٹزم میں آٹزم ٹیچر ٹریننگ اور ریسرچ ریسورس سنٹر قائم کیا جائے گا۔ بورڈ اجلاس میں آٹزم سکول میں بچوں کو فری یونیفارم، فری سکول میل کے فیصلے کی توثیق کی گئی۔ بتایا گیا ہے کہ وزیراعلیٰ پنجاب مریم نواز شریف کے ویژن کے مطابق آٹسٹک معصوم بچوں کی فری تھراپی، فری بکس، فری پک اینڈ ڈراپ اور کھانا دیا جائے گا۔ مریم نواز سکول اینڈ ریسورس سنٹر فارآٹزم پاکستان کا پہلا سٹیٹ آف دی آرٹ سرکاری ادارہ جس میں آٹسٹک بچوں کو عالمی معیار کی تعلیم اور تھراپی اب بالکل مفت دی جائے گی۔ سکول میں پک اینڈ ڈراپ کی سہولت بھی حکومت کی جانب سے بالکل فری دستیاب ہو گی۔ اوپن جم، سینڈ تھراپی (SandTherapy)، سینسوری گارڈن (SensoryGarden) اور واکنگ ٹریک کی سہولت بھی فری ہوگی۔ بورڈ اجلاس میں مریم نواز سکول اینڈ ریسورس سنٹر فار آٹزم میں داخلوں اور سٹاف بھرتی کا عمل فوری شروع کرنے کا بھی فیصلہ کیا گیا۔ بورڈ آف ڈائریکٹرز نے وزیراعلی مریم نواز شریف کے وژن کو خراج تحسین کیا اور مریم نواز سکول فار آٹزم کے قیام پر اظہار تشکر کیا۔ بورڈ آف ڈائریکٹرز نے اجلاس میں جدید ترین آٹزم سکول اور عالمی معیار کی سروسز ایک چھت تلے فراہم کرنے کا بھی فیصلہ کیا۔ پاکستان میں آٹسٹک بچوں کے لئے پہلے سرکاری آٹزم سکول میں تعلیم اور بحالی کی خدمات بالکل مفت فراہم کرنے کے فیصلے کی توثیق کی گئی۔ ایوننگ شفٹ میں سیلف فنانسنگ پر آٹسٹک بچوں کو تھراپی سروسز کی سہولت بھی دی جائے گی۔ سیکرٹری سپیشلائزڈ ہیلتھ، سیکرٹری پرائمری اینڈ سیکنڈری ہیلتھ اور سیکرٹری ایجوکیشن نے اجلاس میں شرکت کی۔ سیکرٹری فنانس اور سیکرٹری ہائیر ایجوکیشن بھی بذریعہ ویڈیولنک اجلاس میں شریک ہوئے۔ مریم نواز کا لندن پہنچنے پر صدر پاکستان مسلم لیگ (ن) برطانیہ احسن ڈار کی جانب سے پرتپاک استقبال کیا گیا۔
پاکستان درست سمت میں گامزن، پائیدار ترقی کے لیے ڈھانچہ جاتی اصلاحات اور ڈیجیٹائزیشن ناگزیر، وزیرِ خزانہ محمد اورنگزیب