عمران خان اب سیل سے نکلیں گے، نہ ویڈیو لنک پر پیش ہوں گے، علیمہ خان
اشاعت کی تاریخ: 1st, October 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی: بانی پی ٹی آئی کی بہن علیمہ خان نے کہا ہے کہ عمران خان اب سیل سے نکلیں گے، نہ ویڈیو لنک پر پیش ہوں گے۔
کچہری کے باہر میڈیا سے گفتگو کرتے ہوئے بانی پی ٹی آئی کی بہن علیمہ خان نے دعویٰ کیا کہ عمران خان کو ویڈیو لنک ٹرائل کے نام پر دھوکے سے پیش کیا گیا۔ ان کا کہنا تھا کہ عدالت نے حاضری کے لیے جو طریقہ استعمال کیا، وہ شفاف نہیں تھا۔
علیمہ خان کے مطابق عمران خان نے بتایا کہ انہیں ایک کمرے میں لے جا کر ویڈیو لنک پر تین مرتبہ پیش کیا گیا مگر وہ خود اس کارروائی کی آواز سننے سے محروم رہے۔ عمران خان نے کہا کہ اب وہ اپنے سیل سے بالکل باہر نہیں نکلیں گے اور نہ ہی ویڈیو لنک کے ذریعے کسی سماعت میں شامل ہوں گے۔
علیمہ خان نے کہا کہ یہ غیر قانونی ٹرائل ہے اور وکلا کی موجودگی کے بغیر ان کی کوئی پیشی تسلیم نہیں کی جا سکتی۔
علیمہ خان نے مزید کہا کہ عمران خان کے خلاف نئے نئے طریقے ایجاد کیے جا رہے ہیں جو انصاف کے تقاضوں کے منافی ہیں۔ انہوں نے عدلیہ اور پراسیکیوشن پر زور دیا کہ وہ اس قسم کے اقدامات سے گریز کریں اور عمران خان کو فیئر ٹرائل کا حق دیا جائے۔ یا تو عمران خان کو باقاعدہ عدالت میں پیش کیا جائے یا پھر عدالت کا پینل اڈیالہ جیل جا کر کارروائی کرے۔
انہوں نے اس تاثر کو بھی مسترد کیا کہ عمران خان کو کسی اور مقام پر منتقل کرنے کی تیاری کی جا رہی ہے۔ علیمہ خان کا کہنا تھا کہ ایسی کوئی اطلاع نہ ان کے پاس ہے، نہ ہی وکلا کو اس بارے میں کچھ بتایا گیا ہے۔
.ذریعہ: Jasarat News
کلیدی لفظ: علیمہ خان نے عمران خان کو کہ عمران خان ویڈیو لنک
پڑھیں:
علیمہ خان کے نام موجودجائیداد کی تفصیل عدالت میں پیش، 11ویں مرتبہ ناقابل ضمانت وارنٹ جاری
علیمہ خان کے نام موجودجائیداد کی تفصیل عدالت میں پیش، 11ویں مرتبہ ناقابل ضمانت وارنٹ جاری WhatsAppFacebookTwitter 0 17 November, 2025 سب نیوز
راولپنڈی(سب نیوز)26نومبر احتجاج پر علیمہ خانم کے خلاف تھانہ صادق آباد میں درج مقدمے کی سماعت ہوئی، ملزمہ علیمہ خانم آج بھی عدالت پیش نہ ہوئی، دوبارہ وارنٹ گرفتاری جاری کردیے گئے۔
علیمہ خانم کی پنجاب میں جائیدادوں سے متعلق بورڈ آف ریونیو کی رپورٹ عدالت پیش کر دی گئی، ،عدالت میں پیش رپورٹ کے مطابق علیمہ خانم بھکر میں 51کنال،16مرلے پراپرٹی کی مالک ہیں، علیمہ خانم ضلع لاہور کے موضع میاں میر 1کنال 4مرلے،موضع نور پور کنوہق میں1کنال 1مرلہ پراپرٹی کی مالکہ ہیں۔علیمہ خانم موضع سلطان رائے ونڈ میں بھی 64کنال 14مرلے کی مالکہ ہیں، علیمہ خانم ضلع میانوالی میں 217کنال5مرلے کی مالکن ہیں، علیمہ خانم شیخوپورہ میں 4کنال،13مرلے کی مالکن ہیں، 4اضلاع میں علیمہ خانم 338کنال اراضی کی مالکن ہیں۔
پراسیکیوٹر ظہیر شاہ نے کہا کہ علیمہ خانم کی جائیداد کی تفصیلات اشتہاری دینے سے قبل منگوائی گئی،اشتہاری ہونے پر جائیداد سیز یا اٹیچ کی جا سکتی ہے، اگر ملزمہ مسلسل غیر حاضر رہی تو قانونی کی مطابق یہ کارروائی کی جا سکتی ہے۔پراسیکیوٹر ظہیر شاہ نے کہا کہ ملزمہ کے اے بی ایل میں7،یو بی ایل کے 15بینک اکاونٹ منجمند کرنے کی ہدایت بھی کر دی گئی، ملزمہ کے پہلے سے بھی 15اکاونٹ منجمند ہیں۔عدالت نے کہا کہ چیئرمین سی ڈی اے، چہف کمشنر اسلام آباد کے ناقابل ضمانت وارنٹ گرفتاری بھی جاری کردیے گئے۔
چیئرمین سی ڈی اے، چیف کمشنر اسلام آباد کے وارنٹ گرفتاری عدالتی احکامات پر عملدرآمد پر جاری کئے گئے، چیئرمین سی ڈی اے،چ یف کمشنر اسلام آباد کے ناقابل ضمانت وارنٹ گرفتاری پر آئی جی اسلام آباد کو تعمیل کرانے کی ہدایت کی گئی۔سپرداری پر گاڑی حاصل کرنے والا ایک ضامن عدالت میں پیش ہوا، دو حاضر نہ ہوئے، سماعت کے دوران استغاثہ کے گواہان عدالت موجود تھے، ملزمہ، وکلا صفائی کی عدم حاضری کے باعث شہادت ریکارڈ نہ ہو سکی۔مقدمہ کی سماعت 20نومبر جمعرات تک ملتوی کر دی گئی، مقدمہ کی سماعت اے ٹی سی جج امجد علی شاہ نے کی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرآئینی ترمیم کیخلاف آزاد عدلیہ کے حامیوں سے مل کر احتجاج کرینگے، تحریک تحفظ آئین پاکستان اگلی خبرپہلے سیکیورٹی پھر تجارت، پاکستان نے افغان سرحد غیر معینہ مدت کیلئے بند کر دی اٹھائیسویں آئینی ترمیم میں بلدیاتی نظام سے متعلق ترامیم شامل کی جائیں گی، مصطفی کمال پہلے سیکیورٹی پھر تجارت، پاکستان نے افغان سرحد غیر معینہ مدت کیلئے بند کر دی آئینی ترمیم کیخلاف آزاد عدلیہ کے حامیوں سے مل کر احتجاج کرینگے، تحریک تحفظ آئین پاکستان زیادہ آبادی غربت کا باعث بنتی ہے، ترقی کی رفتار بڑھانے کیلئے آبادی پر کنٹرول ناگزیر ہے، وزیر خزانہ خوارجی کمانڈر نوجوانوں کو بدکاری کی طرف دھکیلتے ہیں،خارجی دہشتگرد احسان اللہ کے فتن الخوارج کے حوالے سے ہوشربا انکشافات وفاقی آئینی عدالت کے 2مزید ججز جسٹس روزی خان اور جسٹس ارشد شاہ نے حلف اٹھالیاCopyright © 2025, All Rights Reserved
رابطہ کریں ہماری ٹیم
کراچی: متعدد مقدمات میں مطلوب فتنہ الخوارج کا ملزم گرفتار، اسلحہ برآمد