رانی مکھرجی نے آج تک شادی کی تصاویر کیوں نہیں دکھائیں؟ اصل وجہ سامنے آگئی
اشاعت کی تاریخ: 1st, October 2025 GMT
معروف بالی ووڈ اداکارہ رانی مکھرجی اور فلمساز ادیتیا چوپڑا کی شادی کوگذشتہ گیارہ برس سے زائد عرصہ گزر چکا ہے، مگر اس دوران ان کی شادی کی کوئی تصویر منظر عام پر نہیں آئی۔ رانی مکھرجی نے ایک حالیہ انٹرویو میں اس معاملے پر کھل کر بات کی اور بتایا کہ کیوں انہوں نے اپنی شادی کی تصاویر عوامی دکھانے سے گریز کیا۔
رانی مکھر جی نے کہا کہ میرے شوہر بہت نجی شخصیت کے حامل ہیں اور میرا خیال ہے کہ وہ چاہتے تھے کہ شادی بہت نجی رہے۔ تو ظاہر ہے کہ وہ شاید کبھی بھی شادی کی تصاویر عوام کے سامنے نہیں لانا چاہیں گے۔
یہ بھی پڑھیں: رانی مکھر جی نے 5بڑی بلاک بسٹر فلموں میں کام کرنے سے انکار کیوں کیا؟
مزاحیہ انداز میں جب ان سے پوچھا گیا کہ کیا لوگ ان کی شادی کی تصاویر دیکھنے کے لیے ان کی سلور جوبلی تک انتظار کریں گے تو رانی نے ہنستے ہوئے کہا، شاید! یہ ایک اچھا خیال ہے۔
اداکارہ نے اپنی ذاتی زندگی کو پروفیشنل کیریئر سے الگ رکھنے کی بھی وضاحت کی اور کہا میری کام کی زندگی اور ذاتی زندگی بالکل مختلف ہیں۔ میں زیادہ تر موقعوں پر تب ہی سامنے آتی ہوں جب کوئی خاص وجہ ہو۔
یہ بھی پڑھیں: اداکاری شوق نہیں مجبوری تھی: رانی مکھر جی کا انکشاف
انہوں نے مزید کہا، مجھے لگتا ہے کہ ہر چیز سب کے لیے ظاہر کرنا ضروری نہیں کیونکہ آج کل ہم پہلے ہی بہت زیادہ نمائش میں ہیں۔ کچھ باتیں نجی ہونی چاہئیں تاکہ ہم اپنی ذاتی دنیا کی حفاظت کر سکیں۔ خاص طور پر اپنے خاندان اور نجی معاملات کو عوامی دباؤ سے بچانا ضروری ہے۔
ادیتیا چوپڑا اور رانی مکھرجی نے اپنی بیٹی آدِرا، جو 9 دسمبر 2015 کو پیدا ہوئی کو بھی میڈیا سے دور رکھنے کا فیصلہ کیا، تاکہ وہ ایک پرسکون اور محفوظ ماحول میں پرورش پا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ رانی مکھر جی رانی مکھر جی بیٹی رانی مکھر جی شادی.ذریعہ: WE News
کلیدی لفظ: بالی ووڈ رانی مکھر جی رانی مکھر جی بیٹی رانی مکھر جی شادی شادی کی تصاویر رانی مکھر جی رانی مکھرجی
پڑھیں:
مسٹری اسپنر ابرار احمد دولہا بننے کو تیار، شادی سے متعلق تفصیلات سامنے آگئیں
قومی کرکٹ ٹیم کے مسٹری لیگ اسپنر ابرار احمد سر پر سہرا سجانے کے لیے تیار ہیں۔
مختلف میڈیا رپورٹس میں قومی کرکٹر ابرار احمد کے خاندانی ذرائع کا حوالہ دیتے ہوئے بتایا گیا ہے کہ ان کی شادی آج چار اکتوبر کو کراچی میں ہوگی۔
سوشل میڈیا پر گردش کرنے والی خبروں کے مطابق 27 سالہ ابرار احمد کی مہندی کی تقریب گزشتہ شب منعقد ہوئی جبکہ ان کا ولیمہ چھ اکتوبر کو ہوگا۔
ابرار احمد کی جانب سے انسٹاگرام اسٹوری پر سبز شلوار قمیض پہنے تصاویر بھی شیئر کی گئیں۔
میڈیا رپورٹس کے مطابق ابرار احمد کا نکاح پہلے ہی ہوچکا ہے۔
تاہم ابرار احمد کی ہونے والی اہلیہ کے حوالے سے تاحال کوئی معلومات سامنے نہیں آسکی ہیں۔
یاد رہے کہ ابرار احمد ایشیا کپ 2025 کے فائنل میں پہنچنے والی پاکستانی ٹیم کا حصہ تھے۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ