پالیسی سازی میں معمر افراد کی آراء مدنظر رکھنا ضروری، گوتیرش
اشاعت کی تاریخ: 2nd, October 2025 GMT
اسلام آباد (اُردو پوائنٹ ۔ UN اردو۔ 02 اکتوبر 2025ء) اقوام متحدہ کے سیکرٹری جنرل انتونیو گوتیرش نے پالیسی سازی میں معمر افراد کی آرا مدنظر رکھنے، عمر کے معاملے میں امتیازی سلوک کے خاتمے اور مشمولہ معاشرے تعمیر کرنے کی ضرورت پر زور دیتے ہوئے کہا ہے کہ معمر افراد تبدیلی کے طاقتور عامل ہیں۔
معمر افراد کے عالمی دن پر اپنے پیغام میں انہوں نے کہا ہے کہ 1995 میں 60 سال سے زیادہ عمر کے لوگوں کی عالمگیر آبادی 541 ملین تھی جو 2050 تک 2.
ان کا کہنا ہے کہ یہ آبادیاتی حوالے سے ایک بڑی تبدیلی ہے جس کے معیشتوں، طبی نظام اور سماجی ہم آہنگی پر دور رس اثرات ہوں گے۔
(جاری ہے)
معمر افراد کے حقوق کا مکمل احترام یقینی بنانا، ان کی عزت نفس کو برقرار رکھنا اور ان کی خدمات و تجربات کو تسلیم کرنا ضروری ہے۔ تمام معاشرے اور تمام عمر کے افراد معمر لوگوں کی دانائی سے فائدہ اٹھاتے ہیں۔ یہ لوگ غیریقینی حالات سے نمٹنے، تنازعات کو حل کرنے اور بین نسلی یکجہتی قائم کرنے کے لیے اہم اسباق دے سکتے ہیں۔یہ دن ہر سال یکم اکتوبر کو منایا جاتا ہے اور اس کا آغاز اقوام متحدہ کی جنرل اسمبلی نے 1990 میں کیا تھا۔
بین النسلی رابطوں کا فروغامسال اس دن کا بنیادی موضوع 'مقامی و بین الاقوامی اقدامات کے لیے معمر افراد کا قائدانہ کردار: ہماری امنگیں، ہماری بہبود، ہمارے حقوق' ہے۔ اس موقع پر اقوام متحدہ کے ہیڈکوارٹر میں ایک خصوصی تقریب کا انعقاد کیا گیا جس کا مقصد معمر افراد کے حقوق اور تبدیل ہوتے ہوئے آبادیاتی منظرنامے سے متعلق آگاہی پیدا کرنا اور معمر لوگوں کے لیے جامع سماجی و معاشی مواقع کو فروغ دینا تھا۔
اس تقریب کی مہمان خصوصی کولمبیا یونیورسٹی کے سکول آف سوشل ورک کی پروفیسر اور ڈین ایمیریٹس جینیٹ تاکامورا تھیں جو سابق امریکی صدر بل کلنٹن کے دور حکومت میں عمررسیدگی سے متعلق امور کی وزیر کے طور پر خدمات انجام دے چکی ہیں۔
تقریب سے خطاب کرتے ہوئے ان کا کہنا تھا کہ اس دن کا موضوع سائنس، تعلیم اور عوامی پالیسی میں پیش رفت کی عکاسی کرتا اور یہ بات بھی اجاگر کرتا ہے کہ معمر افراد میں یہ صلاحیت موجود ہے کہ وہ اپنے مکمل کردار کے ساتھ ایک بہتر اجتماعی مستقبل کے حصول میں بھرپور شرکت کریں۔
انہوں نے شرکا پر زور دیا کہ نسلوں کے درمیان رابطوں اور شمولیت کو مضبوط کرنا ہوگا تاکہ ایک ایسی عالمی سماجی تحریک کی جانب پیش قدمی ہو سکے جس میں ہر عمر کے افراد شامل ہوں۔ سب سے موثر سماجی تحاریک وہی ہوتی ہیں جو مختلف طبقات اور گروہوں کو اپنی جانب کھینچتی ہیں اور ان کو شامل کرتی ہیں۔ نوجوانوں کو عمر رسیدہ افراد کے شراکت دار اور معاون کے طور پر تسلیم کرنا ہوگا کیونکہ یہی وہ نسل ہے جو مستقبل میں عالمی قیادت سنبھالے گی۔
'یو این ایف پی اے' کی اپیلاس دن کے موقع پر اقوام متحدہ کے فنڈ برائے آبادی (یو این ایف پی اے) نے عرب ممالک میں معمر افراد کی حمایت کے لیے فوری اقدام کی اپیل جاری کی جہاں بڑی تعداد میں ان لوگوں کو مختلف مسائل کا سامنا ہے جن میں پینشن نظام کی خامیاں، صحت کی ناکافی سہولیات اور عمر کی بنیاد پر امتیازی سلوک شامل ہیں۔
ادارے نے اس عزم کا اظہار کیا ہے کہ وہ خاص طور پر ایسے ممالک میں معمر افراد کے حقوق اور فلاح کے تحفظ کو یقینی بنانے کے لیے سرگرم ہے جو بحرانوں سے متاثر ہیں اور جہاں معمر افراد سب سے زیادہ کمزور طبقے میں شامل ہوتے ہیں۔ ادارے نے حکومتوں اور معاشروں سے اپیل کی ہے کہ وہ معمر افراد کی صحت اور ان کے حقوق پر سرمایہ کاری کے لیے باہم مل کر کام کریں۔
ذریعہ: UrduPoint
کلیدی لفظ: تلاش کیجئے میں معمر افراد کی معمر افراد کے اقوام متحدہ کے حقوق عمر کے کے لیے
پڑھیں:
سینیٹ میں جو بھی آئین سازی ہوتی ہے، باہمی اتفاق رائے سے کرتا ہوں، یوسف رضا گیلانی
پشاور (اُردو پوائنٹ اخبارتازہ ترین - این این آئی۔ 02 اکتوبر2025ء)قائم مقام صدرِ پاکستان یوسف رضا گیلانی نے کہا ہے کہ سینیٹ میں جو بھی آئین سازی ہوتی ہے، باہمی اتفاق رائے سے کرتا ہوں۔(جاری ہے)
میڈیا سے گفتگو کرتے ہوئے یوسف رضا گیلانی نے کہا کہ خارجہ پالیسی وفاق کا معاملہ ہے، بلاول بھٹو زرداری نے بطور وزیر خارجہ اچھی کارکردگی دکھائی، وہ جوان لیڈر ہیں، فارن منسٹری میں مثر کام کیا ہے۔
یوسف رضا گیلانی نے کہا کہ ملک کو آگے لے جانے کے لیے مل کر کام کرنا ہوگا، ہم نے آئینی ترامیم کر کے پارلیمنٹ کو مضبوط کیا۔انہوں نے کہا کہ ہم آئین کے مطابق چلیں گے تو اس میں کوئی تضاد نہیں ہوگا، امن و امان کی صورتحال پر سوچنا ہماری اجتماعی ذمہ داری ہے، پاکستان برسوں سے افغان پناہ گزینوں کی میزبانی کر رہا ہے۔
اٹلی میں معرکہ حق انٹرنیشنل سیمینار کا انعقاد، افواجِ پاکستان سے والہانہ اظہارِ محبت