بھارتی آبی جارحیت کا مقابلہ کرکے دشمن کو شکست دیں گے،فیصل معیزخان
اشاعت کی تاریخ: 2nd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی(بزنس رپورٹر)نارتھ کراچی ایسوسی ایشن آف ٹریڈ اینڈ انڈسٹری(نکاٹی)کے صدر فیصل معیز خان نے دشمن ملک بھارت کی جانب سے پاکستان مخالف آبی جارحیت پر افسوس کا اظہار کرتے ہوئے کہا ہے کہ پاکستان کی بزنس کمیونٹی سمیت ملک بھر کے عوام بھارت کی آبی جارحیت کا ڈٹ کر مقابلہ کرتے ہوئے بھارت کو اس محاذ پر بھی شکست دیں گے۔ فیصل معیز خان نے سیلاب متاثرین سے اظہار یکجہتی کرتے ہوئے کہا کہ پاکستان مخالف دشمن بھارت کے ناپاک عزائم خاک میں مل جائیں گے اور اس کی تمام چالیں ناکام ہوں گی۔فیصل معیز خان نے سیلاب متاثرین کیلئے بہترین امدادی کاروائیوں پر پاک فوج کو خراج تحسین پیش کرتے ہوئے کہا کہ فیلڈ مارشل عاصم منیر کی جراتمندانہ قیادت میں پاکستانی قوم ا نکے شانہ بشانہ کھڑی ہے، آزمائش کی گھڑی میں افواجِ پاکستان نے عوام کی خدمت کی لازوال مثال قائم کی ہے۔ فیصل معیز خان نے کہا کہ بد ترین سیلاب سے ا سٹرکچر ،فصلوں ، لائیو سٹاک کا اربوں روپے کا نقصان ہوا ہے جبکہ زراعت سے وابستہ کاشتکاروں اور ایکسپورٹرز کا قیمتی سرمایہ سیلاب کی نذر ہوگیا جس سے کاروباری افراد کو بھی بھاری مالی نقصان اٹھانا پڑا ہے،،وفاقی حکومت زرعی سیکٹر اور ایکسپورٹرز کیلئے مراعات کا اعلان کرے اور اور رواں سال کا ٹیکس معاف کیا جائے ۔صدر نکاٹی نے کہا کہ متاثرہ خاندانوں کی فوری ضروریات کو پورا کیا جائے اورریلیف کیمپوں میں خوراک، صاف پانی اور طبی سہولیات فراہم کی جائیں،متاثرہ سڑکوں اور رابطہ پلوں کی فوری مرمت کی جائے تاکہ آمد ورفت یقینی ہوسکے ۔ انہوں نے وفاقی اور صوبائی حکومتوں سے درخواست کی کہ سیلاب سے متاثرہ علاقوں میں گرانفروشوں کی جانب سے اشیاء خوردونوش کی قیمتوں میں ہوشر با اضافے کو روکنے کے عملی اقدامات کئے جائیں کیونکہ سیلاب سے متاثرہ علاقوں میں منافع خوروں اور ذخیرہ اندوزوں نے اشیاء خوردونوش کی قیمتیں بڑھا دی ہیں جو انتہائی افسوسناک ہے،ہمیں ایک بہادر اور ایماندار قوم کی طرح اپنے ملک کے بے سہارا متاثرہ افراد کیلئے قربانی دینی ہوگی اور قوم کو بھارتی آبی جارحیت سے نمٹنے کے لئے یکجہتی کا مظاہرہ کرنا ہو گا ۔
ذریعہ: Jasarat News
کلیدی لفظ: فیصل معیز خان نے ا بی جارحیت کرتے ہوئے
پڑھیں:
وزیراعلیٰ مریم نواز کی ہدایت پر سیلاب متاثرین کا سروے تیزی سے جاری، ہر فرد کے نقصان کا ازالہ کیا جائے گا
وزیراعلیٰ پنجاب مریم نواز شریف کی ہدایت پر صوبے کے سیلاب متاثرہ علاقوں میں سروے کا عمل تیزی سے جاری ہے۔
وزیراعلیٰ نے سروے ٹیموں کو انتھک محنت پر شاباش دی اور ہدایت کی کہ شفافیت کو ہر حال میں یقینی بنایا جائے۔ انہوں نے واضح کیا کہ سیلاب سے متاثرہ کسی فرد کی حق تلفی مجھے گوارا نہیں۔
ڈی جی پی ڈی ایم اے کے مطابق فلڈ سروے 27 اضلاع میں 1602 ٹیموں پر مشتمل 10 ہزار ارکان کے ذریعے کیا جا رہا ہے جو گھر گھر جا کر متاثرین کا ڈیٹا جمع کر رہے ہیں۔
اب تک 61,016 متاثرین سیلاب کی تفصیلات حاصل کی جا چکی ہیں جبکہ 42,120 کسانوں سے فصلوں کے نقصانات کا ریکارڈ مرتب کیا گیا ہے۔
مزید پڑھیں: سیلاب اور گندم پر سیاست کرنے والوں کو جواب ملے گا، مریم اورنگزیب کا پیپلزپارٹی پر وار
سروے میں 50,421 ایکڑ متاثرہ اراضی، 18,086 مکانات اور مویشیوں سے محروم 810 افراد کا اندراج کیا گیا۔ مزید برآں 5,813 ہلاک شدہ مویشیوں کی تفصیلات بھی جمع کی گئیں۔
رپورٹ کے مطابق اربن یونٹ، لائیو اسٹاک، ایگریکلچر، ریونیو محکمے اور پاک فوج کے جوان سروے ٹیموں میں شامل ہیں۔ تصدیق کے بعد آئندہ ہفتے متاثرین کی مالی امداد کا عمل شروع کر دیا جائے گا۔
ڈی جی پی ڈی ایم اے نے کہا کہ سیلاب متاثرین کی مالی معاونت بینک آف پنجاب کے ذریعے فراہم کی جائے گی۔ وزیراعلیٰ مریم نواز شریف کے وژن کے مطابق سیلاب سے متاثرہ ہر فرد کے نقصان کا ازالہ کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سروے سیلاب متاثرین وزیراعلیٰ مریم نواز
ایشیا کپ فائنل: بھارتی کپتان کا فوٹو شوٹ میں شرکت سے انکار پر سلمان آغا کا محتاط ردعمل