ذوالفقار علی بھٹو جونیئر نے پیپلزپارٹی کیلیے نیا چیلنج کھڑا کردیا
اشاعت کی تاریخ: 3rd, October 2025 GMT
data-id="863a0a8" data-element_type="widget" data-widget_type="theme-post-content.default">
251003-08-13
کراچی (رپورٹ /واجد حسین انصار ی) سندھ میں 17سال سے برسراقتدار پاکستان پیپلز پارٹی کے لیے بھٹو خاندان سے ہی ایک نیا چیلنج پیدا ہوگیا ،ساابق وزیراعظم ذوالفقار علی بھٹو کے پوتے ذوالفقار علی بھٹو جونیئر کی نئی سیاسی جماعت میں شمولیت کے لیے پارٹی کے اہم رہنماؤں اور اندرون سندھ سے تعلق رکھنے والی اہم شخصیات نے گرین سگنل دے دیا۔ذوالفقار جونیئر سندھ میں متبادل قیادت کے طور پر سامنے آرہے ہیں اور طویل عرصے سے صوبے میں قائم پیپلز پارٹی کی سیاسی مونوپلی کو چیلنج کرنے کے لیے تیار ہیں۔ تفصیلات کے مطابق سندھ کی سیاست میں اہم پیش رفت کا امکان ہے۔طویل عرصہ سے صوبے میں حکومت کرنے والی پاکستان پیپلزپارٹی کے لیے بھٹو خاندان سے ہی ایک نیا چیلنج پیدا ہوگیا ہے۔ سابق وزیراعظم ذوالفقار علی بھٹو کے پوتے اور مرتضیٰ بھٹو کے صاحبزادے ذوالفقار علی بھٹو جونیئر جنہوںنے چند عرصہ قبل ایک نئی سیاسی جماعت کے قیام کا اعلان کیا تھا اب اس کو متحرک کرنے کے لیے سرگرم ہوگئے ہیں۔ذرائع کا کہنا ہے کہ ذوالفقار علی بھٹو جونیئر کی نئی جماعت سوشلزم کے نعرے کے ساتھ اپنا منشو ر عوام کے سامنے پیش کرے گی۔ مجوزہ جماعت پیپلزپارٹی کے پرانے نعرے روٹی کپڑا اور مکان کو ایک نئی شکل میں عوام کے سامنے لائے گی۔ذرائع کا کہنا ہے کہ ذوالفقار علی بھٹو جونیئر نے نئی جماعت کے حوالے سے اپنا ہوم ورک مکمل کرلیا ہے اور اس حوالے سے ان کو اپنی ہمشیرہ فاطمہ بھٹو کی بھی بھرپور حمایت حاصل ہے اور جماعت کے باضابطہ قیام کے وقت وہ بھی اپنے بھائی کے ساتھ موجود ہوںگی۔ذرائع کا مزید کہنا ہے کہ ذوالفقار علی بھٹو جونیئر پاکستان پیپلزپارٹی کے اہم رہنماؤں اور اندرون سندھ کی اہم شخصیات نے ان کی پارٹی میں شمولیت کے حوالے سے یقین دہانی کروادی ہے۔پیپلزپارٹی کے ایسے رہنما جو وزارت اور عہدے نہ ملنے کے باعث پارٹی قیادت سے ناراض ہیں وہ بھی ذوالفقار علی بھٹو جونیئر کا ساتھ دے سکتے ہیں۔ ذرائع کا کہنا ہے کہ ذوالفقار علی بھٹو جونیئر کا کہنا ہے کہ اگر مستقبل قریب میں سندھ میں کسی ضمنی الیکشن کا انعقاد ہوتا ہے تو ذوالفقار علی بھٹو جونیئر اس الیکشن میں حصہ لے کر باقاعدہ اپنی انتخابی سیاست کا بھی آغاز کرسکتے ہیں۔
ذریعہ
ذریعہ: Jasarat News
کلیدی لفظ: پیپلزپارٹی کے کا کہنا ہے کہ پارٹی کے ذرائع کا کے لیے
پڑھیں:
اٹلی میں 4 پاکستانیوں کو وین میں بند کرکے جلاکر قتل کردیا گیا، پاکستانی ہی قاتل نکلے، 2 ملزم گرفتار
روم ( اُردو پوائنٹ اخبارتازہ ترین۔ 02 جون2026ء ) اٹلی کے جنوبی علاقے میں 4 پاکستانی کھیت مزدوروں کو ایک منی وین کے اندر مبینہ طور پر زندہ جلا کر قتل کر دیا گیا، اطالوی پولیس نے اس وحشیانہ قتل کے الزام میں 2 پاکستانی شہریوں کو گرفتار کرلیا۔ اطالوی اخبار کوریئر ڈیلا سیرا (Corriere della Sera) کے حوالے سے رپورٹ کیا گیا ہے کہ اٹلی کے جنوبی علاقے کلابریا میں ایک پیٹرول پمپ کے قریب ایک جلی ہوئی منی وین سے چار پاکستانی کارکناں کی لاشیں برآمد ہوئی ہیں، اطالوی پولیس نے کارروائی کرتے ہوئے ان مقتولین کے قتل کے شبہے میں 2 پاکستانی باشندوں کو حراست میں لے لیا، اطالوی پولیس نے گرفتار دونوں پاکستانی ملزمان کو ریمانڈ پر لے کر ان سے تفتیش شروع کر دی تاکہ اس گینگ اور دیگر سہولت کاروں کا پتہ لگایا جا سکے۔(جاری ہے)
بتایا گیا ہے کہ یہ ہولناک واقعہ کلابریا کے ایک وسیع زرعی علاقے میں واقع گاؤں امینڈولارا کے قریب ایک پیٹرول اسٹیشن پر پیش آیا، پیٹرول پمپ پر لگے سی سی ٹی وی کیمروں کی تصاویر نے اس سفاکیت کو بے نقاب کیا، قانون نافذ کرنے والے اداروں نے فوٹیج میں دیکھا کہ دو افراد نے باہر سے منی وین کے دروازوں کو بلاک کر دیا تاکہ اندر موجود لوگ باہر نہ نکل سکیں۔ معلوم ہوا ہے کہ دروازے بند کرنے کے بعد ان افراد نے گاڑی کے اندر کوئی آتش گیر مائع پٹرول یا کیمیکل پھینکا، مائع پھینکتے ہی گاڑی میں خوفناک آگ بھڑک اٹھی اور دونوں ملزمان موقع سے فرار ہو گئے، فائر فائٹرز نے موقع پر پہنچ کر جب آگ پر قابو پایا تو گاڑی کے اندر سے چاروں پاکستانیوں کی جھلسی ہوئی لاشیں برآمد ہوئیں، مقامی پولیس چیف انتونیو بوریلی نے تصدیق کی کہ یہ یقینی طور پر قتل کا معاملہ ہے، ہمیں بس اب اس کی مزید تفصیلات اور تانے بانے معلوم کرنے ہیں۔ بتایا جارہا ہے کہ یہ علاقہ گزشتہ چند ماہ سے تارکینِ وطن کے درمیان شدید کشیدگی کا مرکز بنا ہوا تھا، اس زرعی علاقے میں غیر ملکیوں اور خاص طور پر پاکستانیوں کے درمیان کھیتوں میں کام کی تقسیم، رہائشی کاغذات اور رہائش گاہوں کے مسائل پر شدید اختلافات چل رہے ہیں، حالیہ مہینوں میں اسی علاقے کے اندر پاکستانیوں کو لے جانے والی کاروں اور منی وینز کو آگ لگانے کے 14 واقعات پہلے بھی رپورٹ ہو چکے ہیں، جن کا انجام اب اس ہولناک ڈبل مرڈر کی صورت میں سامنے آیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ