’غزہ میں نسل کشی بند کرو‘، یورپ کے مختلف شہروں میں ہزاروں افراد کا احتجاج، لندن میں گرفتاریاں
اشاعت کی تاریخ: 4th, October 2025 GMT
یورپ کے متعدد بڑے شہروں میں غزہ میں اسرائیل کے مظالم کے خلاف عوامی ردِعمل شدت اختیار کر گیا ہے، جہاں اٹلی، اسپین اور پرتگال سمیت مختلف ممالک کے شہری مراکز میں ہزاروں افراد سڑکوں پر نکل کر احتجاج کر رہے ہیں، جبکہ لندن میں احتجاج کرنے پر انتظامیہ نے گرفتاریاں عمل میں لائی ہیں۔
غیرملکی میڈیا رپورٹس کے مطابق اسپین کے شہروں بارسلونا اور میڈرڈ میں احتجاجی مظاہرے کئی ہفتے پہلے ہی طے کیے جا چکے تھے، جبکہ روم اور لزبن میں مظاہروں کی کال اس وقت دی گئی جب اسرائیلی فورسز نے غزہ کے لیے امداد لے جانے والی ’گلوبل صمود فلوٹیلا‘ کو روک کر اس میں سوار 450 سے زیادہ کارکنوں کو حراست میں لے لیا۔
یہ بھی پڑھیں: ’گلوبل صمود فلوٹیلا‘ کے خلاف کسی پرتشدد اقدام سے گریز کیا جائے، پاکستان سمیت 16 مسلم ممالک کا انتباہ
گرفتار ہونے والوں میں 40 سے زیادہ ہسپانوی شہری بھی شامل ہیں، جن میں بارسلونا کے سابق میئر بھی شامل ہیں۔
اٹلی میں اس سے قبل 3 اکتوبر کو ایک روزہ ملک گیر ہڑتال کے دوران 2 ملین سے زیادہ افراد نے غزہ کے عوام سے اظہار یکجہتی کیا تھا۔
اسپین میں حالیہ ہفتوں میں فلسطینی کاز کے لیے حمایت میں نمایاں اضافہ دیکھا گیا ہے، جبکہ اسپین کی حکومت نے اسرائیلی وزیراعظم بنیامین نیتن یاہو کے خلاف سفارتی دباؤ بڑھا دیا ہے۔
گزشتہ ماہ اسپین میں ایک اسرائیلی سائیکلنگ ٹیم کی موجودگی پر شدید احتجاج ہوا، جس کے باعث ’ولاٹا سائیکلنگ ایونٹ‘ کو متعدد بار روکا گیا۔ اسپین کے وزیراعظم پیڈرو سانچیز نے اسرائیل کی کارروائیوں کو نسل کشی قرار دیتے ہوئے بین الاقوامی کھیلوں میں تمام اسرائیلی ٹیموں پر پابندی کا مطالبہ کیا تھا۔
یہ مظاہرے ایسے وقت میں ہو رہے ہیں جب حماس نے امریکی صدر ڈونلڈ ٹرمپ کی امن تجویز کے کچھ نکات کو تسلیم کرنے کا عندیہ دیا ہے تاکہ 2 سالہ جنگ کا خاتمہ کیا جا سکے۔ اس تنازعے میں اب تک 66 ہزار سے زیادہ افراد شہید اور غزہ شدید تباہی کا شکار ہو چکا ہے۔
بارسلونا کے بلدیاتی ادارے کے مطابق پولیس کا کہنا ہے کہ حالیہ احتجاجی مظاہرے میں 70 ہزار سے زیادہ افراد شریک ہوئے۔ بارسلونا کی معروف مرکزی شاہراہ پاسئیگ دے گراسیا عوام سے بھر گئی، جہاں فیملیز، خواتین، بچے اور بزرگ بڑی تعداد میں شریک تھے۔ بیشتر مظاہرین فلسطینی پرچم تھامے ہوئے تھے یا فلسطین کے حق میں ٹی شرٹس زیب تن کیے ہوئے تھے۔
مظاہرین کے ہاتھوں میں موجود بینرز پر تحریر تھا: ’غزہ مجھے تکلیف دیتا ہے‘، ’نسل کشی بند کرو‘ اور ’فلوٹیلا کو مت روکو‘۔
ادھر روم میں بھی مظاہرے جاری ہیں، جو کہ تین فلسطینی تنظیموں نے مقامی یونینز اور طلبہ کے تعاون سے منظم کیے ہیں۔ مظاہرین ’پورٹا سان پاؤلو‘ سے مارچ کا آغاز کر کے ’سان جیووانی‘ تک جائیں گے۔ سرکاری ادارے ’رائی‘ کے مطابق پولیس کا کہنا ہے کہ مظاہرے میں ہزاروں افراد کی شرکت متوقع ہے۔
لندن میں گرفتاریاںلندن میں بھی فلسطین ایکشن گروپ کے حق میں احتجاج جاری ہے، حالانکہ پولیس نے مانچسٹر کی ایک یہودی عبادت گاہ پر ہونے والے حملے کے بعد مظاہرے کو مؤخر کرنے کی درخواست کی تھی۔ اس واقعے میں 2 افراد ہلاک ہوئے تھے۔
ہفتے کے روز لندن کے معروف علاقے ٹرافلگر اسکوائر میں ہونے والے مظاہرے کے دوران پولیس نے کم از کم 175 افراد کو گرفتار کیا۔ اہلکار مظاہرین کو زبردستی اٹھا کر لے جا رہے تھے، جبکہ متعدد کارکن زمین پر بیٹھے ہاتھوں میں پوسٹرز لیے فلسطین ایکشن کے حق میں نعرے لکھ رہے تھے۔ دیگر مظاہرین پولیس کے خلاف ’شرم کرو‘ کے نعرے لگا رہے تھے۔
مظاہرے کے منتظمین نے پولیس اور حکومت کی جانب سے مظاہرہ منسوخ کرنے کی اپیل کو مسترد کر دیا تھا۔ یہ احتجاج پہلے ہی فلسطین ایکشن گروپ پر انسداد دہشت گردی قوانین کے تحت پابندی کے خلاف شیڈول کیا گیا تھا۔
آئرلینڈ کے دارالحکومت ڈبلن میں بھی مقامی میڈیا کے مطابق ہزاروں افراد سڑکوں پر نکل آئے ہیں تاکہ اسرائیل کی غزہ پر دو سالہ جنگ کے خلاف احتجاج کر سکیں۔ مظاہرین نے آئرش حکومت سے اسرائیل پر پابندیاں عائد کرنے کا مطالبہ کیا۔
یہ بھی پڑھیں: ’غزہ کو بھوکا مت مارو‘: کاسمیٹکس برانڈ لش کا انوکھا احتجاج
یہ مظاہرہ اس وقت شدت اختیار کر گیا جب اسرائیلی فورسز نے ’گلوبل صمود فلوٹیلا‘ کو روک کر دیگر سینکڑوں افراد کے ساتھ ساتھ 16 آئرش شہریوں کو بھی حراست میں لے لیا۔
یونان کے دارالحکومت ایتھنز میں بھی 4 اکتوبر کی دوپہر ایک بڑا احتجاج ریکارڈ کیا گیا، جس میں عوام کی بڑی تعداد نے شرکت کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ٹرمپ امن منصوبہ حماس غزہ مظالم لندن میں گرفتاریاں وی نیوز یورپ میں احتجاج.
ذریعہ
ذریعہ: WE News
کلیدی لفظ: غزہ مظالم لندن میں گرفتاریاں وی نیوز یورپ میں احتجاج ہزاروں افراد سے زیادہ کے مطابق میں بھی کے خلاف
پڑھیں:
مون سون کا طاقتور سپیل جاری، مختلف علاقوں میں آج بھی بارشوں کی پیشگوئی
صوبائی دارالحکومت سمیت پنجاب کے مختلف اضلاع میں مون سون کا طاقتور سپیل جاری ہے، جبکہ محکمہ موسمیات نے آج بھی وقفے وقفے سے بارش کی پیش گوئی کردی، مون سون بارشوں کے باعث حبس اور گرمی کی شدت میں نمایاں کمی آ گئی ہے۔محکمہ موسمیات کے مطابق آئندہ 24 گھنٹوں کے دوران کم سے کم درجہ حرارت 27 اور زیادہ سے زیادہ 32 ڈگری سینٹی گریڈ رہنے کا امکان ہے، شہر کا موجودہ درجہ حرارت 28 ڈگری سینٹی گریڈ ریکارڈ کیا گیا، جبکہ ہوا کی رفتار 11 کلومیٹر فی گھنٹہ اور ہوا میں نمی کا تناسب 83 فیصد رہا۔محکمہ موسمیات نے آج جمعہ کے روز پنجاب، اسلام آباد، خیبرپختونخوا، شمال مشرقی بلوچستان، آزاد کشمیر اور گلگت بلتستان کے مختلف علاقوں میں گرج چمک کے ساتھ بارش اور چند مقامات پر موسلادھار بارش کی پیش گوئی کی ہے۔محکمہ موسمیات کے مطابق بحیرہ عرب اور خلیج بنگال سے آنے والی مون سون ہوائیں ملک کے بالائی علاقوں پر اثرانداز ہیں، جبکہ مغربی ہواؤں کا ایک سلسلہ بھی موسم کو متاثر کر رہا ہے، اس کے باعث بالائی اور وسطی علاقوں میں بارشوں کا امکان برقرار رہے گا۔پیشگوئی کے مطابق اسلام آباد، راولپنڈی، لاہور، گوجرانوالہ، سیالکوٹ، نارووال، شیخوپورہ، فیصل آباد، سرگودھا، مری، گلیات، جہلم، اٹک اور چکوال سمیت پنجاب کے مختلف اضلاع میں وقفے وقفے سے بارش متوقع ہے، خیبرپختونخوا کے پشاور، مردان، صوابی، نوشہرہ، ایبٹ آباد، مانسہرہ، سوات، دیر، چترال، کوہستان اور دیگر بالائی علاقوں میں بھی گرج چمک کے ساتھ بارش کا امکان ظاہر کیا گیا ہے۔آزاد کشمیر اور گلگت بلتستان میں بھی بارش کا سلسلہ جاری رہنے کی توقع ہے، جبکہ شمال مشرقی بلوچستان کے کوئٹہ، زیارت، ژوب، موسیٰ خیل، بارکھان اور ملحقہ علاقوں میں کہیں کہیں بارش ہو سکتی ہے، سندھ کے بالائی اور جنوب مشرقی علاقوں میں چند مقامات پر بارش کا امکان ہے، تاہم صوبے کے بیشتر علاقوں میں موسم گرم اور مرطوب رہے گا۔محکمہ موسمیات نے خبردار کیا ہے کہ بعض علاقوں میں شدید بارش کے باعث شہری علاقوں میں اربن فلڈنگ، برساتی ندی نالوں میں طغیانی اور پہاڑی علاقوں میں لینڈ سلائیڈنگ کا خطرہ موجود ہے۔ متعلقہ اداروں کو پیشگی اقدامات کرنے جبکہ شہریوں، بالخصوص سیاحوں اور پہاڑی علاقوں کا سفر کرنے والوں کو احتیاط برتنے کی ہدایت کی گئی ہے۔ادھر قومی و صوبائی ڈیزاسٹر مینجمنٹ اداروں نے بھی مقامی انتظامیہ کو الرٹ رہنے کی ہدایت کی ہے تاکہ کسی بھی ہنگامی صورتحال سے بروقت نمٹا جا سکے۔ شہریوں سے کہا گیا ہے کہ تیز بارش، آندھی یا گرج چمک کے دوران غیر ضروری سفر سے گریز کریں اور موسم سے متعلق سرکاری ہدایات پر عمل کریں۔
بھارت سے جنگ اور افغانستان میں کارروائی خارج ازامکان نہیں، وزیردفاع