پاکستان اور ملائیشیا کے درمیان معاہدوں اور مفاہمی یادداشت پر دستخط ، وزیر خارجہ اسحاق ڈار نے ’’ایکس ‘‘ پر میسیج شیئر کر دیا
اشاعت کی تاریخ: 6th, October 2025 GMT
کوالالمپور ( ڈیلی پاکستان آن لائن ) پاکستان اور ملائیشیا نے 6 معاہدوں پر دستخط کیے جن کا مقصد دونوں ممالک کے درمیان تعاون کو مضبوط بنانا ہے۔ یہ معاہدے مختلف شعبوں جیسے تعلیم، حلال سرٹیفیکیشن، سیاحت، اعلیٰ تعلیم، بدعنوانی کے خلاف اقدامات اور چھوٹے و درمیانے کاروباری اداروں کے فروغ کے لیے کیے گئے ہیں۔
پاکستان اور ملائیشیا نے سفارت کاروں کی تربیت کے شعبے میں تعاون کے لیے انسٹی ٹیوٹ آف ڈپلومیسی اینڈ فارن ریلیشنز اور فارن سروس اکیڈمی آف پاکستان کے درمیان مفاہمی یادداشت پر دستخط کیے۔ ان دستاویزات کا تبادلہ نائب وزیر اعظم اور وزیر خارجہ اسحاق ڈار اور ملائیشیا کے وزیر خارجہ حاجی محمد بن حاجی حسن نے کیا۔
اصل ٹارگٹ پیپلز پارٹی نہیں شہباز شریف ہیں، مریم نواز کے فیورٹ لوگ ان کے خلاف پراپیگنڈہ کر رہے ہیں، حامد میر
ملائیشیا اور پاکستان کی حکومتوں کے درمیان اعلیٰ تعلیم کے شعبے میں تعاون کے لیے مفاہمت نامے پر بھی دستخط کیے گئے، ان دستاویزات کا تبادلہ نائب وزیر اعظم اسحاق ڈار اور ملائیشیا کے اعلیٰ تعلیم کے وزیر ڈاکٹر زمبری عبدالقادر نے کیا۔
پاکستان کے وزیر خارجہ نے ’’ایکس ‘‘ پر میسیج بھی شیئر کیا جس میں لکھا کہ ’’ملائیشیا اور پاکستان کے وزرائے اعظم کی قیادت میں وفود کی سطح پر ہونے والی ملاقاتوں کے بعد دونوں ممالک کی طرف سے باضابطہ ایم او یو کا تبادلہ ہوا‘‘۔
’’ گرمجوش اور منفرد انداز میں ملاقات ، مسکراہٹوں، خلوص اور برادرانہ جذبے سے بھرپور لمحہ‘‘ویڈیو وائرل
After today’s restricted as well as delegation level meetings under the leadership of Prime Ministers of Malaysia and Pakistan, formal signed MoU was exchanged between my brother Foreign Minister, Dato’ Seri Utama Haji Mohamad bin Haji Hasan, of Malaysia and myself on behalf of… pic.
اسی طرح ملائیشیا کے وزیرِ سیاحت ٹیونگ کنگ سنگ اور پاکستان کے وزیرِ اطلاعات و نشریات عطا اللہ تارڑ نے دونوں حکومتوں کے درمیان سیاحت کے شعبے میں تعاون کے لیے ایم او یو کی دستاویزات کا تبادلہ کیا۔
دونوں فریقوں نے حلال سرٹیفیکیشن پر ایک ایم او یو پر بھی دستخط کیے اور متعلقہ دستاویزات کا تبادلہ وزیراعظم کے محکمہ (مذہبی امور) کے وزیر ڈاکٹر حاجی محمد نعیم بن حاجی مختار اور وزیر تجارت جام کمال خان نے کیا۔
کراچی میں تاجروں کو بھتے کی پرچیاں گولیوں کے ساتھ بھیجی جا رہی ہیں، کراچی چیمبر آف کامرس
اسی طرح دونوں ممالک نے بدعنوانی کے خلاف تعاون اور روک تھام کو بڑھانے کے لیے ایم او یو پر بھی دستخط کیے۔ دستاویزات ملائیشیا کے اینٹی کرپشن کمیشن کے چیف کمشنر اعظم بن باکی اور پاکستان کے نیشنل اکاؤنٹیبلٹی بیورو کے ڈپٹی چیئرمین سہیل ناصر کے درمیان تبادلہ کی گئیں۔
چھٹا معاہدہ پاکستان کی اسمال اینڈ میڈیم انٹرپرائزز ڈیولپمنٹ اتھارٹی (سمیڈا) اور ملائیشیا کی اسمال اینڈ میڈیم انٹرپرائزز کارپوریشن کے درمیان تعاون کو بڑھانے کے لیے کیا گیا۔ دستاویزات ایس ایم ای کارپوریشن ملائیشیا کے چیف ایگزیکٹو آفیسر رِزال بن داتو نائنی اور وزیراعظم کے خصوصی معاون سید طارق فاطمی کے درمیان تبادلہ کی گئیں۔
علی گڑھ مسلم یونیورسٹی کے تاریخی سرسید ہال کی مخدوش حالت،عمارت کھنڈرات کا منظر پیش کرنے لگی ، سوشل میڈیا پر ویڈیو وائرل
مزید :
ذریعہ
ذریعہ: Daily Pakistan
کلیدی لفظ: دستاویزات کا تبادلہ اور ملائیشیا اور پاکستان ملائیشیا کے پاکستان کے دستخط کیے کے درمیان ایم او یو کے وزیر کے لیے
پڑھیں:
دکانیں، بازار، شاپنگ مالز اور عمومی ریٹیل کاروبار رات 9 بجے تک کھلے رکھنے کی اجازت دینے کا فیصلہ
اسلام آباد (ڈیلی پاکستان آن لائن)نائب وزیرِاعظم اسحاق ڈار کی زیرِ صدارت کفایت شعاری اقدامات کی نگرانی اور عملدرآمد کمیٹی کا اہم اجلاس ہوا جس دوران دکانوں اور کاروباری مراکز کے اوقاتِ کار میں توسیع کا بڑا فیصلہ ہو گیا، دن کے طویل دورانیے اور شدید گرمی کے پیشِ نظر اب ملک بھر میں دکانیں، بازار اور شاپنگ مالز رات نو بجے تک کھلے رہ سکیں گے۔
کمیٹی کے فیصلے کے مطابق ریٹیل کاروبار اور شاپنگ مالز کو رات نو بجے تک جبکہ ریسٹورنٹس، کیفے اور کھانے پینے کے مراکز کو رات گیارہ بجے تک کھلے رکھنے کی اجازت ہوگی۔ دوسری جانب، شادی ہالز اور تقریبات کے مقامات پر یہ ریلیف لاگو نہیں ہوگا اور وہ بدستور رات دس بجے بند کر دیئے جائیں گے۔ اجلاس میں واضح کیا گیا کہ فارمیسیز، اسپتال، پٹرول پمپس، آئی ٹی اور ٹیلی کام سے متعلق خدمات اوقاتِ کار کی اس پابندی سے مکمل طور پر مستثنیٰ ہوں گی۔ اسحاق ڈار کی جانب سے تمام صوبوں کو ہدایت کی گئی ہے کہ وہ وفاقی حکام کے ساتھ قریبی رابطے میں رہتے ہوئے نئی ہدایات پر سختی سے عملدرآمد یقینی بنائیں۔
وزیر خارجہ سینیٹر اسحاق ڈار سے بیلجیئم میں پاکستان کے سفیررحیم حیات قریشی کی اہم ملاقات
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ