سندھ حکومت کا دیوالی پر 2 روزہ تعطیلات کا اعلان
اشاعت کی تاریخ: 15th, October 2025 GMT
سندھ حکومت نے ہندو برادری کے مذہبی تہوار دیوالی کے موقع پر 20 اور 21 اکتوبر (پیر اور منگل) کو 2 روزہ تعطیلات کا اعلان کر دیا۔
محکمہ سروسز، جنرل ایڈمنسٹریشن اور کوآرڈینیشن کی جانب سے جاری نوٹیفکیشن کے مطابق یہ تعطیلات صرف سرکاری محکموں میں کام کرنے والی ہندو برادری کے ملازمین کے لیے ہوں گی۔
اعلان کے مطابق تمام سرکاری، نیم سرکاری اداروں، خودمختار اور بلدیاتی اداروں کے ہندو ملازمین پیر اور منگل کے روز دیوالی کی خوشیاں اپنے اہلِ خانہ کے ساتھ منائیں گے۔
نوٹیفکیشن میں کہا گیا ہے کہ اگر دی گئی تاریخوں میں کسی یونیورسٹی، کالج یا اسکول کے امتحانات مقرر ہیں تو انہیں بعد ازاں دوبارہ شیڈول کیا جائے گا۔
یہ بھی پڑھیں:بھارت میں ہندو یاتریوں کی بس حادثے کا شکار، 18 افراد ہلاک
محکمہ سروسز جنرل ایڈمنسٹریشن و کوآرڈینیشن کے چیف سیکریٹری آصف حیدر شاہ کے دستخط سے جاری نوٹیفکیشن کی نقول مختلف سرکاری محکموں اور اداروں کو کارروائی کے لیے ارسال کر دی گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تعطیل دیوالی سندھ حکومت ہندو برادری.ذریعہ: WE News
کلیدی لفظ: تعطیل دیوالی سندھ حکومت
پڑھیں:
حکومت کا ٹی ایل پی واقعے پر جعلی خبروں کیخلاف سخت ایکشن کا اعلان، مرکزی کرداروں کی فہرست تیار
حکومتِ پاکستان نے ٹی ایل پی واقعے پر جعلی خبروں کے خلاف بڑا ایکشن لینے کا اعلان کر دیا جب کہ فیک نیوز نیٹ ورک بے نقاب ہوگیا اور مرکزی کرداروں کی فہرست تیار کرلی گئی۔
ملوث افراد کے خلاف PCCIA کے تحت مقدمات درج ہوں گے، ایف آئی اے سائبر کرائم اور خصوصی یونٹس کی جانب سے فوری گرفتاریاں متوقع ہیں، ڈیپ فیک لیب ایکٹو، جعلی ویڈیوز/ آڈیوز کی فارنزک جانچ شروع کردی گئی۔
اس حوالے سے سوشل پلیٹ فارمز کو نوٹس کرکے کہا گیا کہ فیک مواد 24 گھنٹے میں ہٹایا جائے، بار بار خلاف ورزی پر اکاؤنٹس مستقل معطلی کی سفارش کی گئی۔
عوام کو وارننگ دی گئی کہ غیر مصدقہ ویڈیو/ کلپ شیئر کرنے پر بھی کارروائی ممکن ہے، ریاستی اداروں کے خلاف نفرت انگیز جھوٹ پر زیرو ٹالرنس پالیسی ہے، اوورسیز نیٹ ورک کی ٹریسنگ، سفارت خانوں کے ذریعے سخت اقدامات زیر غور ہیں۔
بیرونِ ملک ملوث افراد کی انکوائری؛ قانونی اور سفارتی کارروائی کی تیاری ہے، ریڈ نوٹس/ بین الاقوامی تعاون کے آپشنز پر مشاورت کی جا رہی ہے، چینلز اور بلاگرز کو ہدایت کی گئی ہے کہ کوئی بھی مواد نشر کرنے سے پہلے دہری تصدیق لازمی کریں۔
گمراہ کن ہیش ٹیگز اور ٹرول سیلز کے خلاف ٹارگٹڈ آپریشن کیا جائے گا، ٹرانزیکشنز کی اسکریننگ شروع کردی گئی، ہنگامی حالات میں افواہ بازی پر اضافی سزائیں لاگو ہوں گی۔
صوبائی فوکل پرسنز نامزد کردیے گئے، فوری ری ایکشن اور کاؤنٹر میسجنگ، سرکاری ہیلپ لائن 1919 پر فیک نیوز رپورٹ کریں، شناخت خفیہ رہے گی۔
مرید کے احتجاج کے دوران سوشل میڈیا پر انتشار پھیلانےوالے افراد کیخلاف کریک ڈاون جاری ہے، پولیس ذرائع نے کہا کہ مختلف شہروں میں کریک ڈاون سے 39افراد کو گرفتار کیا گیا، کارروائی لاہور،قصور،کامونکی،گوجرانوالہ اور شیخوپورہ میں کی گئی۔
مزید87شر پسندوں کے واٹس ایپ اور فیس بک اکاونٹس ٹریس کر لیے گئے، شرپسندوں کی گرفتاری کیلئے کریک ڈاون کا دوسرا مرحلہ رات سے شروع ہوگا۔
200سے زائد شرپسندوں کی فہرست مرتب کی جا چکی ہے، پولیس ذرائع نے کہا کہ گرفتاریوں کا عمل مکمل کرکے قانونی کارروائی کی جائے گی۔
رونالڈو تاریخ کے پہلے کھرب پتی فٹبالر بن گئے