پنجاب ماس انٹرنیشنل تھیٹر فیسٹیول: تاریخ کا سنہری باب!
اشاعت کی تاریخ: 16th, October 2025 GMT
ہفتہ رفتہ صوبائی درالحکومت میں ادب و ثقافت اور فنون لطیفہ کے حوالے سے بڑا بھرپور رہا بلکہ اب تو فن و ثقافت سے بھرے فیسٹیولز محکمہ اطلاعا ت وثقافت پنجاب، لاہور کی مستقل سرگرمیاں بن چکے ہیں۔
اداروں کی اصل کامیابی کا پیمانہ یہی ہوتا ہے کہ وہ افراد قوم میں کارگزاری کا جذبہ پید اکریں اور اسے برؤے کار لائیں۔ محکمہ اطلاعات وثقافت پنجاب ایک معتبراور سرگرم وزیر عظمیٰ بخاری (صوبائی وزیر اطلاعات وثقافت پنجاب) کی سربراہی میں اپنے مقتدرہ ادبی وثقافتی اور اطلاعاعتی محکمہ ہونے کی حیثیت خو د کو منوا چکا ہے۔
یہ بھی پڑھیں: الحمرا میں نئے عہد کی جدوجہد!
پنجاب ماس انٹرنیشنل تھیٹر فیسٹیول کا کامیاب انعقاد خوشی اور اطمینان کا باعث ہے کہ اہل نظر محکمہ اطلاعات وثقافت کی کارکردگی کو مثال کے درجے میں رکھ رہے ہیں اور اس کے لیے تحسین کے کلمات ادا کر رہے ہیں۔
اس کارگردگی میں جہاں ایک طرف پنجاب کی سی ایم محترمہ مریم نواز صاحبہ کی ادب و ثقافت میں خصوصی دلچسپی کا گہر ا عمل دخل ہے وہاں صوبائی وزیر اطلاعات وثقافت عظمیٰ بخاری اور اس کے محکمہ سے منسلک ادارہ لاہور آرٹس کونسل الحمرا اور اہل ادب وفن کی معاونت بھی شامل ہے۔
رنگ و صوت اور لفظوں ہی سے اس دنیا میں رونق ہے۔ رعنائی ہے۔ جمال وزیبائی ہے۔ چہل پہل اور رنگا رنگی ہے۔ پنجاب ماس انٹرنیشنل تھیٹر فیسٹیول اس کہانی کا ایک خوبصورت باب تھا جو پاکستان کے دل اورعلم و ادب کے گہوارے لاہور میں 6 روز تک جاری رہا۔ اس 6 روزہ فیسٹیول کی افتتاحی تقریب کے مہمان خصوصی سیکریٹری اطلاعات وثقافت پنجاب طاہر رضا ہمدانی تھے۔
افتتاحی تقریب میں صدارتی کلمات میں انہوں نے کہا کہ حکومت پنجاب صوبے میں عام آدمی کی زندگی کو بہتر سہولتوں کی فراہمی کے لئے کی جانے والی مساعی کے ساتھ ساتھ ایک ایسا معاشرہ تشکیل دینے کے کوشاں ہے جس میں ہماری ادبی و ثقافتی روایت بہ طریق احسن فروغ پا سکیں۔
مزید پڑھیے: ہمیں شکووں کے قفس مکیں نہیں ہونا
کلمات خیر مقدم میں طاہر رضا ہمدانی نے کہا کہ مجھے امید ہے کہ یہ 6 روزہ تھیٹر فیسٹیول پاکستان سمیت دُنیا بھر سے آئے آرٹسٹوں کو آپس میں کام کرنے کا موقع فراہم کرنے گا، اس طرح پنجاب کی روح کو تقویت ملے گی، ادب وثقافت معاشرہ کی مضبوط اور توانا آواز بنے گا، اس شناخت کو اُجا گر کے لیے ہم عالمی سطح پر پنجاب کا نام روشن کر سیکیں گے۔
افتتاحی تقریب میں ملک کے مایہ ناز اور ویٹرن صحافی سہیل وڑائچ، ایگز یکٹوڈائریکٹر الحمرا محمد محبوب عالم چوہدری، نامور ادیبہ صوفیہ بیدار نے بھی شرکت اور خطاب کیا۔
سربراہ الحمرا محمدمحبوب عالم چوہدری نے اپنے تاثرات میں کہا کہ اس فیسٹیول کے انعقاد پر محکمہ اطلاعا ت وثقافت پنجاب بلاشبہ خراج تحسین کا مستحق ہے،خدا کرے الحمرا آرٹس کونسل لاہور کی محفلیں یوں ہی جگمگاتی رہیں، یہ خوبصورت شامیں بار بار آئیں، سچ تو یہ ہے کہ الحمرا کی پوری ٹیم قابل مبارکباد ہے، انکے ساتھ رضوان اشرف اور عامر نواز بھی نہایت فعال اور اچھے منتظم ہیں۔
تھیٹر اور زبان وادب تو بڑی طویل المیعاد چیزیں ہوتی ہیں۔ زمانوں پر محیط ہوتی ہیں۔ ادوار پر محیط ہوتی ہیں۔ ایک مکالمہ صدیوں تک زندہ رہتا ہے۔ ادب کا اثر دیرپا ہوتا ہے۔
جہاں تک پنجاب ماس انٹرنیشنل تھیٹر فیسٹیول کا تعلق تھا، اس میں مکالمہ کو نئی سمت ملی ہے، نیا جذبہ ملا ہے، تھیٹر ہو یا ادب ہو، اس کے سوتے تخلیق سے پھوٹتے ہیں، سوچ سے پنپتے ہیں، آگاہی سے تقویت پاتے ہیں۔
ہم سب نے یہ دیکھا کہ کس طرح 6 روزہ پنجاب ماس انٹرنیشنل تھیٹر فیسٹیول نے فن وادب کو اطمینان بخشا، آسودگی عطا کی۔ فیسٹیول میں ہونے والے گفتگو کی نشستوں نے معاشرہ کو معتدل رویوں سے نوازا ہے۔
ہماری پنجاب کی روایات،اقدار، رسم و ریت کی عکاسی کی۔ فوک کی ترویج و ترقی کو نئے رخ پر ڈالا۔ لاہور آرٹس کونسل الحمرا، ماس فاؤنڈیشن اور ولاسٹی مارکیٹنگ اینڈ کمیونی کیشن کی اس مشترکہ کاوش کو دیکھنے کے لیے پاکستان بھر سے ہزاروں لوگ آئے۔
سوشل میڈیا کے پلیٹ فارم سے ایک متحرک ٹیم کی محنت کے بدولت لاکھوں کی تعداد میں لوگوں کو دُنیا سے اس فیسٹیول کی گہما گہمی سے لطف اٹھا یا۔
تھیٹر فیسٹیول میں پاکستان سمیت دُنیا کے سات ممالک سے آرٹسٹوں نے شرکت کرکے اپنے فن کا مظاہرہ کیا۔ فیسٹیول میں 5 بین الاقومی پرفارمنسز، نو نیشنل پرفارمنسز، 4 تھیٹر ورکشاپس، 5 پینل ڈسکشن کے علاوہ دیگر سرگرمیاں شامل تھیں۔ 11اکتوبر کو ماس فاؤنڈیشن نے اپنا کھیل’دی زیرو لائن‘، الحمرا اور اجوکا کی مشترکہ پیشکش ’یہ عورتیں کہاں گئیں‘ پیش کیا، چین کی تھیٹر کمپنی لینڈ اسٹیجنگ کا کھیل‘ Ugly Dad’ بھی تقریبات کے پہلے روز کا حصہ تھا۔
12اکتوبر کو ماس فاؤنڈیشن ڈرامہ ’پرماشر سنگھ‘ اور فرانس کا لاولگا اپنا ڈرامہ ‘Monsieur Et Makame O’ پیش کیا۔
13اکتوبر کو جی سی ڈرامیٹک کلب اینڈ تھیٹر ری پبلک پاکستان نے اپنا کھیل ’تو کون‘ دیکھنے والوں کی نذر کیا۔ اسی روز یونان کے تھیٹر گروپ TerrArte نے اپنا ڈرامہ ‘Ekthesis’ سے ناظرین سے داد سمیٹی۔
فیسٹیول میں بھرپور آب وتاب کے ساتھ 14اکتوبر کو 2 کھیل پیش کیے گئے جس میں یو سی پی ڈرامیٹک سوسائٹی پاکستان نے اپنا کھیل ‘The Knot’ حاضرین کے ذوق کی نذر کیا۔ اسی روز کیریٹو گروپ، پاکستان کاکھیل ‘Youlida’ فیسٹیول کو چار چاند لگا گیا۔
مزید پڑھیں: ترقی کی منازل طے کرتا پنجاب!
اس طرح فیسٹیول کے اختتامی روز کو 2 کھیل بین الاقومی فیسٹیول کا حصہ بنے۔ پنجاب یونیورسٹی کے ناٹک گروپ نے بامعنی کھیل ’کہو مجھ سے محبت ہے‘ کو اسٹیج کیا۔DramaEd,Pakistan اپنا کھیل ‘RED’،جبکہ A joint Venture Of Courage Theatre Tunisia and Trinity School Lahore,Pakistan اپنا کھیل ’Shadow Of War’ لے کر آئے۔
فیسٹیول کی سبب لاہور کی فضاؤں پر سحر طاری رہا، کہیں اسٹیج پر زندہ کہانیاں سانس لیتی رہیں تو کہیں مکالموں کی صورت فکری روشنی بکھر رہی اور کہیں ورکشاپس میں نوجوان اپنے خوابوں کو فن کی شکل دیتے رہے۔
فیسٹیول کا مقصد پنجاب کی عظیم الشان سرزمین کے ثقافتی حسن کو اُجاگر کرنا تھا۔ پنجاب کی یہ عظیم سرزمین جہاں صبح کی پہلی کرن گندم کے سنہری خوشوں کو چومتی ہے تو وہاں شام کی ہوامیں سرائیکی لوک گیتوں کی گونج سنائی دیتی ہے۔
پنجاب میں تھیٹر کی جڑیں لو ک داستانوں، قصوں و کہانیوں اور صوفیانہ روایتوں میں پیوست ہیں۔اس دھرتی نے ایسے فنکار پیدا کیے جنہوں نے مکالمہ کو آرٹ بنایا۔
فیسٹیول میں مکالموں کے سیشنز کا انعقاد بھی کیا گیا۔ زبان وادب، فن وثقافت، سماجی تبدیلیاں، فوک روایات، قصہ گوئی، فلم، پروفارمنگ آرٹس کے موضوعات پر اہم سیشنز ہوئے۔
پینل گفتگو کے ایک سیشن ’تھیٹر اور مدرلینگویج‘ میں وسیم عباس اور سلمان شاہد گفتگو کی،نشست کو علی عثمان باجوہ ماڈریٹ کیا۔’سوشل چینج تھرو تھیٹر اینڈ چیلنجز‘ معروف مفکریں نے اپنے خیالات کے پرت کھولے، پروفیسر ڈاکٹر احمد بلال نشست کی نظامت کی ذمہ داری نبھائی۔
یہ بھی پڑھیے: خواتین کے کردار کو تسلیم کرنے کا حلف!
فیسٹیول کی اہم ادبی وثقافتی مکالمہ ’سوسائٹی اینڈ پرفارمنگ آرٹس‘ میں نامور ادیب اصغر ندیم سید، نوید شہزاد عدیل ہاشمی نے گفتگو کی۔ پنجاب کے فوک تھیٹر کے اہم موضوع پرشاہد ندیم رابعہ حسن سے ہم کلام ہونگے۔ ’تھیٹر،فلم اور قصہ گوئی‘ میں سید نور، عظمیٰ نے گفتگو کی۔نشست کو رابعہ حسن ماڈریٹ کیا۔
پاکستان میں فن وثقافت کے فروغ اور ترقی کے لیے جن اداروں نے بڑھ چڑھ کر کام کیا،ان میں لاہور آرٹس کونسل الحمرا کا حصہ نمایاں ہے، الحمرا کی تمام تر فنی و ثقافتی سرگرمیوں کے تسلسل میں حکومت پنجاب کی سرپرستی کابنیادی کردار ہے، جس پر ہم محکمہ اطلاعات وثقافت، حکومت پنجاب کے شکر گزار ہیں۔
ادارے کا کالم نگار کی رائے کے ساتھ متفق ہونا ضروری نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ: WE News
کلیدی لفظ: الحمرا لاہور ا رٹس کونسل محکمہ اطلاعا ت وثقافت پنجاب اطلاعات وثقافت وثقافت پنجاب فیسٹیول میں آرٹس کونسل فیسٹیول کی فیسٹیول کا اپنا کھیل پنجاب کی گفتگو کی نے اپنا کے ساتھ کے لیے
پڑھیں:
افغانستان بھارت و اسرائیل کے ہاتھوں کھیل رہا ہے، فیصل کنڈی
پشاور:(نیوزڈیسک)گورنر خیبرپختونخوا فیصل کریم کنڈی نے افغان حکومت کے اقدامات پر تشویش کا اظہار کرتے ہوئے کہا ہے کہ افغانستان اس وقت بھارت اور اسرائیل کے ہاتھوں میں کھیل رہا ہے۔
خیبرپختونخوا کے علاقے ترکئی، جلبئی اور دیگر مقامات پر بجلی گرڈ اسٹیشن اور دیگر منصوبوں کی افتتاحی تقریب سے خطاب کرتے ہوئےگورنر فیصل کریم کنڈی نے افغان مہاجرین کی پاکستان سے انخلا کے حوالے سے واضح کرتے ہوئے کہا کہ افغانستان کے باشندے بے شک عالمی قوانین کے مطابق ویزے پر تجارت اور سیاحت کے لیے پاکستان آ اور جا سکتے ہیں لیکن ویزے کے بغیر غیر قانونی طور پر قیام نہیں کر سکتے ہیں۔
انہوں نے کہا کہ جس طرح پاکستانی دنیا کے ہر ملک میں ویزے پر آتے جاتے ہیں اسی طرح قانون افغان باشندوں کے لیے بھی ہے، وہ ہمارے بہن بھائی ہیں ہمیشہ پاکستان میں بطور مہاجرین قیام ان کی خوب مہمان نوازی کی ہے۔
ان کا کہنا تھا کہ آج افغانستان اسرائیل اور بھارت کے ہاتھوں کھیل رہا ہے اور وہاں کی سرزمین دہشت گردی کے لیے استعمال ہورہی ہے اور خیبرپختونخوا کے مختلف علاقوں میں سیکیورٹی فورسز نے امن کے لیے جام شہادت نوش کی۔
گورنر کے پی نے کہا کہ جب پاکستان میں امن ہو گا تو ملک میں ترقی اور خوش حالی ہوگی، خیبرپختونخوا سمیت پورے ملک میں امن لانے کے لیے ہم پرعزم ہیں۔
پاکستان تحریک انصاف (پی ٹی آئی) قیادت کی جانب سے ہری پور ضمنی انتخابات میں دھاندلی کے الزامات غلط قرار دیتے ہوئے انہوں نے کہا کہ ان پولنگ اسٹیشنوں میں ڈیوٹی کرنے والے تو صوبائی حکومت کے محکموں صحت، تعلیم اور دیگر کے ملازمین ہی تھے تو پھر الیکشن میں دھاندلی کہاں سے ہوئی۔
ان کا کہنا تھا کہ پی ٹی آئی کا الیکشن کمیشن جانا اچھی بات ہے اسی طرح پی ٹی آئی سمیت اپوزیشن کا پر امن احتجاج ان کا حق ہے۔
انہوں نے کہا کہ پنچاب میں بھی پی پی پی کے امیدواروں نے پریس کانفرنس اور شکوہ کرکے کہا کہ وہ دھاندلی کے خلاف ثبوتوں کے ساتھ الیکشن کمیشن کے پاس جائیں گے، پی پی پی ہمیشہ سے یہ کہتے ہوئے چلی آرہی ہے کہ ملک میں عام انتخابات شفاف، آزادانہ اور غیر جانب درانہ ہونے چاہئیں تاکہ عوام اپنے پسند کے نمائندے منتخب کر سکیں۔
فیصل کریم کندی نے کہا کہ اپوزیشن 27 ویں ترمیم پر جو اعتراض کررہی ہے تو آج، کل اور کسی کی حکومت آکر اس کے بعد اور ترامیم کرے گی۔
گورنر نے اس امر پر افسوس کا اظہار کیا کہ وہ جہاں بھی جاتے ہیں تو لوگ سڑکوں، روڈز اور پلوں کی تعمیر کا مطالبہ کرتے ہیں حالانکہ یہ صوبائی حکومت کے کام ہیں، مجھے صوابی میں کسی بھی جگہ ڈبل روڈ نظر نہیں آیا، ہم پر گیس اور بجلی مرکز کے محکمے قرار دینے والوں کی پی ٹی آئی اس صوبے پر مسلسل 13 برسوں سے حکومت کررہی ہے مگر اب تک کچھ نہیں کیا۔
انہوں نے کہا کہ ہم کہہ رہے تھے کہ پی ٹی آئی وعدوں کے مطابق صوابی سمیت پورا خیبرپختونخوا سوئٹزرلینڈ بن جائے گا لیکن وہاں اب تک کھنڈرات ہیں۔
فیصل کریم کنڈی نے کہا کہ بجلی اور گیس کی لوڈ شیڈنگ کے خاتمے کے علاوہ پاسپورٹ اور شناختی کارڈز سمیت جو وفاق کے ادارے ہیں مسائل حل کریں گے، اگرچہ مرکز میں مسلم لیگ (ن) کی حکومت ہے اور پی پی پی اتحادی ہے اور میں وقتاً فوقتاً وزیراعظم شہباز شریف کے علاوہ صوبے کے مسائل حل کرنے کے لیے وفاقی وزرا سے ملتا رہتا ہوں۔
! ہینڈ بیگزا‘‘ کا انتخاب سوچ سمجھ کر کریں