چین کا خاموش ہتھیار نایاب ارضی معدنیات ۔۔امریکہ کا اقتصادی بحران
اشاعت کی تاریخ: 21st, October 2025 GMT
پروفیسر شاداب احمد صدیقی
زمین کی گہرائیوں میں چھپی چند نایاب معدنیات عالمی طاقت کا نیا پیمانہ بن چکی ہیں۔ چین نے صنعتی حکمت عملی کی پالیسیوں سے ان پر اجارہ داری قائم کی ہے۔” اعلان نمبر 62برائے 2025′ ‘ اس حکمت عملی کا اظہار ہے ۔یہ تجارتی فیصلہ نہیں بلکہ ایک جیو اکنامک ہتھیار ہے جو ٹیکنالوجی، دفاع اور توانائی کے مستقبل کو متاثر کر سکتا ہے ۔ اب سوال یہ ہے کہ امریکہ اور اس کے اتحادی اس نازک شعبے میں کیا حکمت عملی اپنائیں گے تاکہ عالمی سپلائی چین کے خطرات کم ہوں۔ یہی فیصلہ بھی عالمی توازن بدل سکتاہے۔دنیا کی معاشی بساط پر کبھی کبھی ایسے خاموش مگر گہرے قدم اُٹھائے جاتے ہیں جو بندوقوں سے نہیں، مگر معیشتوں کو ہلا دیتے ہیں۔ چین کی وزارتِ تجارت کا”اعلان نمبر
62 بھی ایسا ہی ایک اعلان ہے جس نے امریکہ کے ساتھ جاری اقتصادی توازن کو چیلنج کر دیا ہے ۔ یہ محض ایک انتظامی اطلاع نہیں بلکہ ایک ایسا پیغام ہے جس کے مضمرات عالمی منڈیوں سے لے کر وائٹ ہاؤس تک گونج رہے ہیں۔
چین نے اس دستاویز میں نایاب معدنیات کی برآمدات پر نئی پابندیوں کی تفصیل دیتے ہوئے واضح کیا کہ اب ایسی مصنوعات جن میں اِن معدنیات کا معمولی حصہ بھی شامل ہو، اُن کی برآمد کے لیے چینی حکومت کی پیشگی منظوری لازمی ہوگی۔ یوں بیجنگ نے دنیا کو یہ یاد دہانی کرائی ہے کہ جدید ٹیکنالوجی کے میدان میں اس کی گرفت محض پیداواری نہیں بلکہ حکمت عملی کی حیثیت بھی رکھتی ہے ۔یہ وہ معدنیات ہیں جنہیں دنیا rare earth elements کہتی ہے جیسے neodymium، dysprosium، terbium، cerium، lanthanum اور yttrium۔
چین نیوڈی میم، ڈس پروزیم، ٹربیئم، سیریئم، لینتھینم اور ایٹریئم جیسی نایاب ارضی معدنیات کی عالمی رسد پر قابض ہے ۔ ان کا استعمال اسمارٹ فونز، الیکٹرک گاڑیوں، سیٹلائٹ نظام، لڑاکا طیاروں اور میزائل ٹیکنالوجی تک میں ہوتا ہے ۔ ایک محتاط اندازے کے مطابق دنیا کی 60فیصد کانکنی اور 85فیصد پروسیسنگ صرف چین میں ہوتی ہے ۔ یہ اجارہ داری بیجنگ کو ایک ایسا اقتصادی ہتھیار دیتی ہے جس کی طاقت بندوقوں سے کہیں زیادہ خطرناک ہے ۔یہ قدم اُس وقت اُٹھایا گیا جب امریکہ اور چین کے درمیان تجارتی تعلقات ایک بار پھر غیر یقینی کیفیت میں ہیں۔ ڈونلڈ ٹرمپ اپنی انتخابی مہم میں ایک بار پھر Make America Great Again کے نعرے کے ساتھ چین کے خلاف سخت مؤقف اختیار کر چکے ہیں۔ وہ چین پر الزام لگاتے ہیں کہ وہ امریکی مصنوعات کے لیے غیر منصفانہ رکاوٹیں کھڑی کرتا ہے اور اپنی کرنسی کو مصنوعی طور پر کمزور رکھ کر برآمدات کو سستا بناتا ہے ۔ لیکن چین کا یہ نیا قدم دراصل ٹرمپ کو اُن کی پرانی چال یاد دلاتا ہے ۔ جب 2018میں انہوں نے چینی مصنوعات پر 360بلین ڈالر کے ٹیرف عائد کیے تھے ۔ اُس وقت چین نے خاموشی سے اپنی معدنی طاقت کو محفوظ رکھا تھا، مگر اب کی بار وہ اسے بطور پیغام استعمال کر رہا ہے ۔ماہرین معیشت کا کہنا ہے کہ یہ فیصلہ صرف تجارتی نہیں بلکہ جیو پولیٹیکل (geo-political)نوعیت کا ہے ، یعنی طاقت کے توازن میں ایک ذہین اور غیر عسکری وار۔ امریکہ کی دفاعی صنعت کو اگر ان نایاب معدنیات کی رسد میں معمولی بھی خلل آ جائے تو اس کے اثرات فوری طور پر F-35لڑاکا طیاروں، میزائل سسٹمز اور الیکٹرانک جنگی آلات پر پڑ سکتے ہیں۔ یہی وہ نکتہ ہے جسے مغربی تجزیہ کار ”Trump’s strategic vulnerability” یعنی ”ٹرمپ کی اسٹریٹجک کمزوری” کہہ رہے ہیں۔
یہ حقیقت بھی قابلِ غور ہے کہ امریکہ اپنی زمین میں موجود نایاب معدنیات کی کانکنی کو ماحولیاتی خدشات کے باعث محدود رکھتا ہے ۔ چین نے اس خلا کو بھر کر دنیا کے لیے ایک لازمی ذریعہ بننے کی پوزیشن حاصل کر لی ہے ۔ World Bankکے مطابق دنیا میں استعمال ہونے والی ہر 10میں سے 9ٹیکنالوجیز کسی نہ کسی درجے پر چینی نایاب معدنیات پر انحصار کرتی ہیں۔ یہی انحصار آج چین کا سب سے بڑا ہتھیار ہے ۔ٹرمپ کے قریبی تجزیہ نگاروں کا کہنا ہے کہ یہ فیصلہ ان کی انتخابی مہم پر بھی اثر ڈال سکتا ہے کیونکہ امریکی عوام کے لیے مہنگائی، الیکٹرونکس کی قیمتوں میں اضافہ، اور دفاعی اخراجات کا بوجھ ایک نئی بحث چھیڑ دے گا۔ وہ شاید دوبارہ وہی تجارتی جارحانہ پالیسیاں اختیار کریں جن سے پہلے بھی عالمی منڈی میں ہلچل مچی تھی۔ مگر اب کی بار چین کا جواب نہ صرف تیز ہے بلکہ سوچی سمجھی معاشی حکمت عملی کے تحت ہے ۔
چین نے اس اعلان کے ساتھ ہی ایک اور خاموش مگر اہم قدم بھی اُٹھایا.
درحقیقت چین نے یہ باور کرا دیا ہے کہ مستقبل کی جنگیں بندوق سے نہیں بلکہ معدنیات سے لڑی جائیں گی۔ یہ وہ جنگ ہے جس میں طاقت اُس کے ہاتھ ہوگی جو زمین کی تہوں کو سمجھتا ہو، نہ کہ آسمان کی بلندیوں کو۔ اور یہی وہ مقام ہے جہاں ڈونلڈ ٹرمپ کی سیاسی حکمت شاید پہلی بار معاشی حقیقت سے ٹکرا رہی ہے ۔اب عالمی منظرنامے میں ضرورت اس بات کی ہے کہ بڑے ممالک باہمی انحصار کو تسلیم کریں، نہ کہ اسے ہتھیار بنائیں۔ نایاب معدنیات پر چین کی گرفت اگر عالمی تعاون کے بجائے سیاسی دباؤ میں تبدیل ہو گئی تو اس کے اثرات صرف امریکہ تک محدود نہیں رہیں گے بلکہ پوری عالمی سپلائی چین کو ہلا دیں گے ۔ اس صورتحال میں بہتر یہی ہے کہ اقتصادی مذاکرات کو جنگ کا نہیں، مفاہمت کا راستہ بنایا جائے ۔ چین اگر اپنے وسائل کے استعمال میں شفافیت بڑھائے اور امریکہ ماحولیاتی خدشات کے باوجود اپنی معدنی تحقیق میں سرمایہ کاری کرے ، تو ایک توازن ممکن ہے ۔ بصورتِ دیگر دنیا ایک ایسے دور میں داخل ہو سکتی ہے جہاں معدنی طاقت، معاشی استحکام اور سیاسی خودمختاری ایک دوسرے سے جُڑے ہوئے ہوں اور یہی وہ لمحہ ہے جس کے لیے عالمی برادری کو دانش مندی، مکالمہ اور اشتراکِ عمل کے راستے اپنانے ہوں گے تاکہ نایاب معدنیات انسانوں کی ترقی کا ذریعہ رہیں، ان کے درمیان تقسیم کا نہیں۔
٭٭٭٭
ذریعہ: Juraat
کلیدی لفظ: نایاب معدنیات کی حکمت عملی نہیں بلکہ کے ساتھ چین نے چین کے چین کا کے لیے
پڑھیں:
ٹنڈو جام: ڈکیتیوں کی واردات میں اضافہ، پولیس خاموش تماشائی بن گئی
data-id="863a0a8" data-element_type="widget" data-widget_type="theme-post-content.default">
251020-11-12
ٹنڈوآدم (نمائندہ جسارت)ٹنڈوآدم میں چوری ، ڈکیتی ، رہزنی اور لوٹ مار کی وارداتوں میں کمی نہیں آسکی، تاجر و شہری سخت پریشان تفصیلات کے مطابق ٹنڈوآدم سٹی تھانے کی حد میں نامعلوم چوروں نے چانیہ پاڑے سید سٹی کے برابر محمد حسین پیالہ ہوٹل کے مالک محمد عمر انصاری کے گھر میں داخل ہوکر سونا ، چاندی ، موبائل ، نقدی ، کپڑے اور دیگر سامان چوری کرکے فرار ہوگئے اطلاع ملنے سٹی پولیس نے جائے واردات کا معائنہ کیا اور تفصیلات معلوم کیں اور این درج کرلی تاہم کوئی گرفتاری عمل میں نہیں آسکی واضح رہے کہ ٹنڈوآدم شہر میں گذشتہ کئی روز سے سٹی تھانے کی حد میں مسلسل وارداتیں ہورہی ہیں شہری لاکھوں روپے مالیت کے موبائل ، نقدی ، سونا ، چاندی ،زیور ، موٹر سائیکلوں سے محروم ہوچکے ہیں مگر پولیس ملزمان کو گرفتار میں ناکام دکھائی دے رہی ہے پولیس کی ناقص کارکردگی کی وجہ سے تاجر و شہری سخت پریشان ہیں تاجر و شہریوں اور سول سوسائٹی نے آئی جی سندھ ، ڈی آئی جی شہید بینظیرآباد اور ایس ایس پی سانگھڑ سے چوروں ڈکیتوں اور رہزنوں کی فوری گرفتاری اور مسروقہ سامان کی واپسی کا مطالبہ کرتے ہوئے کہا ہیکہ کوئی متحرک عوام کی جان و مال کی حفاظت کو یقینی بنانے والا ایس ایچ او سٹی تھانے پر تعینات کیا جائے۔
القسام بریگیڈز کا شیڈو یونٹ کیسے کام کرتا ہے