ن لیگ کا آزاد کشمیر حکومت سے علیحدگی کا اعلان
اشاعت کی تاریخ: 21st, October 2025 GMT
شاہ غلام قادر، فائل فوٹو
مسلم لیگ (ن) نے آزادکشمیر حکومت سے علیحدگی کا اعلان کردیا ہے۔
ن لیگ آزاد کشمیر کے صدر شاہ غلام قادر نے کہا کہ مسلم لیگ ن کسی نئی حکومت کا حصہ نہیں بنے گی، کسی غیر فطری حکومت سازی کا حصہ نہیں بنے گی۔
انہوں نے کہا کہ مسلم لیگ ن اب اپوزیشن میں بیٹھے گی، جو بھی پارٹی پالیسی سے انحراف کرے گا، اس کو پارٹی کارروائی کا سامنا کرنا پڑے گا۔
ن لیگ آزاد کشمیر کے صدر نے مزید کہا کہ آزاد کشمیر میں مضبوط حکومت صرف عام انتخابات سے قائم ہو سکتی ہے۔
اُن کا کہنا تھا کہ اگر پیپلز پارٹی تحریک عدم اعتماد لاتی ہے تو یہ اُس کا جمہوری حق ہے۔
.ذریعہ: Jang News
پڑھیں:
آزاد کشمیر حکومت کا مستقبل کیا ہوگا؟ بڑی خبر آ گئی
آزاد کشمیر کی موجودہ حکومت کے مستقبل کو لے کر اہم سیاسی پیش رفت سامنے آئی ہے۔ پیپلز پارٹی اس حکومت سے علیحدگی اختیار کرے گی یا کوئی اور راستہ اپنایا جائے گا، اس بارے میں حتمی فیصلہ رواں ہفتے متوقع ہے۔
اے آر وائی نیوز کے مطابق، پیپلز پارٹی کی سینٹرل ایگزیکٹو کمیٹی نے صدر مملکت آصف علی زرداری کو آزاد کشمیر حکومت سے متعلق فیصلہ کرنے کا اختیار دے دیا ہے۔ ذرائع کا کہنا ہے کہ اس منظوری کے بعد آصف زرداری پی پی آزاد کشمیر پارلیمانی پارٹی سے مشاورت کریں گے اور جلد ہی صدر مملکت سے ملاقات کا امکان ہے۔
ملاقات اور مشاورت کے بعد ہی آزاد کشمیر حکومت کے حوالے سے کوئی حتمی فیصلہ کیا جائے گا۔ اطلاعات کے مطابق پیپلز پارٹی کی آزاد کشمیر پارلیمانی پارٹی نے حکومت سے علیحدگی کی سفارش کی ہے اور اس حوالے سے آصف زرداری اور فریال تالپور سے ملاقاتیں بھی ہو چکی ہیں۔ کہا جا رہا ہے کہ صدر مملکت اس معاملے میں ان ہاؤس تبدیلی کی منظوری دے سکتے ہیں۔
سینٹرل ایگزیکٹو کمیٹی کے اجلاس میں ممبران نے کہا کہ پیپلز پارٹی ماضی میں بھی آزاد کشمیر میں حکومت بنا سکتی تھی، مگر انہیں موقع نہیں دیا گیا۔ اگر اس وقت پیپلز پارٹی کی حکومت ہوتی تو آزاد کشمیر کے حالات بہتر ہوتے۔
واضح رہے کہ آزاد کشمیر میں پیپلز پارٹی اور پاکستان مسلم لیگ ن کی مخلوط حکومت قائم ہے، جس میں وزیراعظم کا عہدہ ن لیگ کے چوہدری انوار الحق کے پاس ہے۔ اس حکومت کے دوران کئی بار پرتشدد مظاہرے بھی ہوئے ہیں، جو سیاسی عدم استحکام کی علامت ہیں۔
پنجاب حکومت کا انتہا پسندی میں ملوث جماعت پر پابندی کی سفارش کا فیصلہ