ن لیگ کا آزاد کشمیر حکومت سے علیحدگی کا اعلان
اشاعت کی تاریخ: 21st, October 2025 GMT
شاہ غلام قادر، فائل فوٹو
مسلم لیگ (ن) نے آزادکشمیر حکومت سے علیحدگی کا اعلان کردیا ہے۔
ن لیگ آزاد کشمیر کے صدر شاہ غلام قادر نے کہا کہ مسلم لیگ ن کسی نئی حکومت کا حصہ نہیں بنے گی، کسی غیر فطری حکومت سازی کا حصہ نہیں بنے گی۔
انہوں نے کہا کہ مسلم لیگ ن اب اپوزیشن میں بیٹھے گی، جو بھی پارٹی پالیسی سے انحراف کرے گا، اس کو پارٹی کارروائی کا سامنا کرنا پڑے گا۔
ن لیگ آزاد کشمیر کے صدر نے مزید کہا کہ آزاد کشمیر میں مضبوط حکومت صرف عام انتخابات سے قائم ہو سکتی ہے۔
اُن کا کہنا تھا کہ اگر پیپلز پارٹی تحریک عدم اعتماد لاتی ہے تو یہ اُس کا جمہوری حق ہے۔
.ذریعہ: Jang News
پڑھیں:
بلوچستان، علیحدگی پسند رہنماء نے ساتھیوں سمیت ہتھیار ڈال دیئے
حکومت بلوچستان مسلح رہنماؤں کی قومی دھارے میں داخلے کو دہشتگردی کیخلاف حکومت کے سخت ایکشن اور وزیراعلیٰ بلوچستان سرفراز بگٹی کے ترقیاتی و عوام دوست وژن کا نتیجہ قرار دے رہی ہے۔ اسلام ٹائمز۔ سوئی کے علیحدگی پسند مقامی وڈیرہ نور علی چاکر نے اپنے سو ساتھیوں کے ہمراہ ہتھیار ڈال کر قومی دھارے میں شامل ہونے کا اعلان کر دیا۔ حکومت بلوچستان اسے دہشت گردی کے خلاف سخت ایکشن اور وزیراعلیٰ بلوچستان سرفراز بگٹی کے ترقیاتی و عوام دوست وژن کا نتیجہ قرار دے رہی ہے۔ ڈی جی پی آر بلوچستان کی جانب سے جاری بیان میں کہا گیا ہے کہ سوئی ٹاؤن میں علیحدگی پسند مقامی رہنماء وڈیرہ نور علی چاکرانی نے اپنے سو سے زائد ساتھیوں کے ہمراہ ہتھیار ڈال کر قومی دھارے میں شامل ہونے کا اعلان کر دیا۔ اس موقع پر انہوں نے ریاست پاکستان اور قومی پرچم کے ساتھ وفاداری کا عہد کیا اور صوبے میں امن، استحکام اور قومی یکجہتی کے فروغ کے لئے صوبائی حکومت کے اقدامات کی حمایت کا یقین دلایا۔ بیان کے مطابق آج سوئی میں وزیراعلیٰ کے بھائی آفتاب احمد بگٹی کی سربراہی میں تقریب منعقد ہوئی۔ جس میں بگٹی قوم کے عمائدین، معززین، نوجوان اور عوام کی بڑی تعداد نے شرکت کی۔
تقریب سے خطاب کرتے ہوئے آفتاب بگٹی نے ہتھیار ڈالنے والے افراد کو خوش آمدید کہا اور پیغام دیا کہ جو لوگ اب بھی پہاڑوں میں بھٹکے ہوئے ہیں اور بیرونی عناصر کے اثر و رسوخ میں ہیں، وہ واپس آ کر قومی دھارے میں شامل ہوں اور ڈیرہ بگٹی و بلوچستان کی ترقی، خوشحالی اور پرامن مستقبل کی تعمیر میں اپنا مثبت کردار ادا کریں۔ تقریب میں ٹاؤن چیئرمین سوئی عزت اللہ امان بگٹی نے اپنے خطاب میں کہا کہ یہ اقدام وزیراعلیٰ سرفراز احمد بگٹی کی عوام دوست پالیسی اور امن قائم رکھنے کے عزم کا نتیجہ ہے، اور اس سے یہ واضح ہوتا ہے کہ بلوچستان میں ہر شہری کے لیے ترقی، تحفظ اور قومی یکجہتی کو فروغ دینا بلوچستان حکومت کی اولین ترجیح ہے۔ دہشت گردوں کے خلاف حکومت کے سخت اقدامات اور عوام دوست پالیسی کے واضح ثمرات کے طور پر دیکھا جا رہا ہے اور یہ ثابت کرتا ہے کہ مضبوط قیادت، عوامی تعاون اور مستقل عزم کے ذریعے بلوچستان میں دیرپا امن اور ترقی ممکن ہے۔
بنگلہ دیش کے شہر کھلنا میں عدالت کے باہر فائرنگ سے 2 افراد ہلاک