پاکستان اور بنگلہ دیش کے تعلقات میں نئی پیش رفت، دوطرفہ تعاون کے فروغ پر اتفاق
اشاعت کی تاریخ: 24th, October 2025 GMT
بنگلہ دیش میں تعینات پاکستانی ہائی کمشنرعمران حیدر نے ڈھاکا میں بنگلہ دیش کے مشیر برائے امورِ خارجہ محمد توحید حسین سے پہلی تعارفی ملاقات کی۔
مشیرِ خارجہ نے پاکستانی ہائی کمشنر کو ان کے دورِ ذمہ داری کے دوران بنگلہ دیش کی مکمل حمایت اور تعاون کا یقین دلایا تاکہ علاقائی شراکت داریوں کو مزید مضبوط کیا جا سکے۔
ملاقات کے دوران دونوں فریقین نے دوطرفہ تعلقات میں حالیہ مثبت پیش رفت پر اطمینان کا اظہار کرتے ہوئے دونوں ممالک کے درمیان اعلیٰ سطحی وزارتی دوروں کو سراہا۔
یہ بھی پڑھیں: پاکستان بنگلہ دیش تعلقات میں بہتری کا عمل سبوتاژ کرنے کی کوششیں ناکام ہوں گی، دفتر خارجہ
اس ضمن میں پاکستان کے نائب وزیراعظم و وزیرِ خارجہ اسحاق ڈار کے دورہ بنگلہ دیش کو دونوں ممالک کے مابین تعلقات میں نئی پیش رفت قرار دیا۔
بنگلہ دیشی وزارتِ خارجہ میں ہونیوالی اس ملاقات میں انہوں نے اپریل میں ڈھاکا میں منعقد ہونے والی چھٹی سیکریٹری خارجہ سطح کی مشاورت کو بھی کامیاب قرار دیا۔
آئندہ کے لیے دونوں سفارت کاروں نے 27 اکتوبر کو ڈھاکا میں ہونے والی مشترکہ اقتصادی کمیشن کے 9ویں اجلاس کا خیر مقدم کیا، جو ایک طویل عرصے کے بعد اس فورم کی بحالی کی علامت ہے۔
مزید پڑھیں: پاکستان بنگلہ دیش کو چاول برآمد کرے گا
توحید حسین نے دوطرفہ تعاون میں مثبت پیش رفت، خصوصاً ویزہ سہولتوں میں نرمی اور دونوں ممالک کے درمیان براہِ راست فضائی رابطوں کی بحالی کو خوش آئند قرار دیا۔
دونوں جانب سے اس امر پر زور دیا گیا کہ تجارت، معیشت، ثقافت اور عوامی رابطوں جیسے شعبوں میں تعاون کو مزید وسعت دی جائے۔
یہ ملاقات پاکستان اور بنگلہ دیش کے درمیان تعلقات کے ایک نئے مرحلے کی عکاس ہے، جس کا مقصد بات چیت، معاشی تعاون اور عوامی سطح پر رابطوں کے ذریعے باہمی تعلقات کو مزید فروغ دینا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بنگلہ دیش پاکستان توحید حسین عمران حیدر مشیر برائے امورِ خارجہ ہائی کمشنر.ذریعہ: WE News
کلیدی لفظ: بنگلہ دیش پاکستان توحید حسین ہائی کمشنر تعلقات میں بنگلہ دیش پیش رفت
پڑھیں:
پاکستان اور چین کے تعلقات مزید مستحکم بنانے پر غور، وزیر خارجہ اسحاق ڈار کی زیر صدارت اجلاس
ڈپٹی وزیراعظم و وزیر خارجہ سینیٹر محمد اسحاق ڈار کی زیر صدارت اجلاس ہوا، جس میں پاکستان اور چین کے دوطرفہ تعلقات کو مزید مضبوط بنانے کے اقدامات پر غور کیا گیا۔
اجلاس میں سیاسی، اقتصادی، تجارتی اور عوامی سطح پر تعاون کو وسعت دینے سے متعلق امور پر تفصیلی تبادلۂ خیال کیا گیا۔
مزید پڑھیں: سی پیک منصوبے خطے کے رابطوں میں گیم چینجر ثابت ہوں گے، اسحاق ڈار
وزیر خارجہ اسحاق ڈار نے اس موقع پر پاکستان اور چین کے سفارتی تعلقات کے 75 سال مکمل ہونے پر ہونے والی تقریبات کی تیاریوں کا بھی جائزہ لیا۔
انہوں نے کہا کہ اس تاریخی موقع کو شایانِ شان انداز میں منایا جائے گا تاکہ دونوں ممالک کے درمیان مثالی دوستی اور باہمی اعتماد کو مزید فروغ دیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاک چین سفارتی تعلقات کے 75 سال پاکستان اور چین ڈپٹی وزیراعظم و وزیر خارجہ سینیٹر محمد اسحاق ڈار وزیر خارجہ اسحاق ڈار
دیربالا، آبادی میں داخل ہونے والے چیتے کو شہریوں نے گولیاں مار کر ہلاک کردیا