ظہران ممدانی: نیویارک کے متوقع میئر
اشاعت کی تاریخ: 26th, October 2025 GMT
data-id="863a0a8" data-element_type="widget" data-widget_type="theme-post-content.default">
251026-03-5
امیر محمد کلوڑ
ایک انٹرویو نے پوری دنیا کو حیران اور اپنی طرف متوجہ کردیا جب ظہران ممدانی نیویارک کے میئر بننے کے مضبوط امیدوار نے 12 ستمبر 2025 کو نیو یارک ٹائمز کو انٹرویو دیتے ہوئے کہا کہ اگر وہ نیو یارک کے میئر منتخب ہو گئے تو وہ اسرائیلی وزیر ِ اعظم بن یامین نیتن یاہو کو بین الاقوامی فوجداری عدالت (ICC) کے جاری کردہ وارنٹ کی بنیاد پر گرفتار کرائیں گے، بشرطیکہ وہ نیو یارک آئیں۔ اس کے بعد، 13 ستمبر 2025 کو نیوز ویک نے رپورٹ کیا کہ ممدانی نے اپنے اس عزم کو مزید مستحکم کرتے ہوئے کہا کہ نیو یارک سٹی کو بین الاقوامی فوجداری عدالت کے وارنٹس کا احترام کرنا چاہیے، چاہے وہ نیتن یاہو کے ہوں یا کسی اور کے۔ وہ 18 اکتوبر 1991 کو Kampala، یوگنڈا میں پیدا ہوئے۔ ان کی خاندانی جڑیں بھارت، مشرقی افریقا اور یوگنڈا کی طرف ہیں ان کے والد کا خاندان بھارت سے مشرقی افریقا گئے تھے۔ ’’ممدانی‘‘ کسی خاص لفظ سے ماخوذ نہیں، بلکہ خاندانی شناخت (clan name) کے طور پر استعمال ہوتا ہے۔ بعض روایات کے مطابق، اس کا تعلق لفظ ’’محمد‘‘ سے ماخوذ ہو کر ’’محمدانی‘ ممدانی‘‘ بن گیا، یعنی ’’محمدؐ سے نسبت رکھنے والا‘‘۔
بچپن میں یوگنڈا میں پیدائش کے بعد، وہ جلد ہی خاندان کے ساتھ مختلف مقامات پر منتقل ہوئے، اور تقریباً سات برس کی عمر میں نیویارک منتقل ہوئے۔ وہ مذہب کے لحاظ سے شیعہ اثنا عشری مسلم ہیں، اور وہ امریکی شہریت کے حامل بھی ہیں۔ ممدانی ڈیموکریٹک پارٹی کے رکن ہیں، انہوں نے کمیونٹی کے مسائل، مساوات، اور بین الاقوامی انسانی حقوق کے موضوعات پر سیاسی سرگرمیوں میں حصہ لیا ہے۔ وہ مختلف غیر منافع بخش تنظیموں اور کمیونٹی گروپوں کے ساتھ وابستہ ہیں۔
ظہران پاکستانی اور جنوبی ایشیائی نژاد امریکی کمیونٹی میں سرگرم رہ کر سماجی پروگرامز اور تقریبات کا انعقاد کرتے ہیں۔ ظہران ممدانی کی بیوی، راما دواجی، مسلم نہیں ہیں۔ وہ شامی نژاد امریکی مصورہ ہیں اور مذہبی لحاظ سے ان کا تعلق مسلم کمیونٹی سے ظاہر نہیں ہوتا۔ یہ شادی فروری 2025 میں نیو یارک سٹی ہال میں ہوئی اور ان کا تعلق مختلف ثقافتی پس منظر سے ہے، جو دونوں کی بین الاقوامی اور کثیر الثقافتی زندگی کی عکاسی کرتا ہے۔ ظہران برطانیہ کے قدیمی فٹبال کلب Arsenal کے بڑے پرستار ہیں۔ انہیں پیشہ ور کشتی بازی (پرو وریسٹلنگ) میں بھی دلچسپی ہے۔ اسکول کے زمانے وہ کرکٹ کھیلنے کے گروپ میں بھی سرگرم تھے۔
اب آتے ہیں امریکا کے سب سے بڑے شہر نیویارک کی طرف جہاں پر مسلمانوں کی آبادی 8 لاکھ کے قریب ہے اور پاکستانیوں کی تعداد بھی ایک لاکھ سے کچھ اوپر ہے میئر سٹی بننے کی پہلی شرط کہ: امریکی شہری (U.
ظہران ممدانی کی سیاسی حکمت ِ عملی کی خاص باتیں: یہ ہیں کہ وہ رہائشی، نقل و حمل، بچوں کی دیکھ بھال، اور روزمرہ زندگی کے اخراجات کو کم کرنے پر زور دے رہے ہیں۔ وہ ایک مسلم امیدوار ہیں، اور اس حیثیت سے انہیں مسلم ووٹرز اور شناختی سیاست اہمیت اختیار کر رہی ہے۔ ان کی الیکشن مہم کے اہم نکات یہ ہیں۔ ان کا یہ بھی کہنا ہے کہ کرایے کی حد بندی (Rent freeze): نیویارک میں رہائشی اخراجات بہت زیادہ ہیں، اور وہ کرایہ کو منجمد کرنے کا اختیار کرنا چاہیں گے۔ نقل و حمل: وہ بسوں کو مفت یا کم معاوضے پر چلانے کا منصوبہ رکھتے ہیں ، اس سے عوامی نقل و حمل کی برداشت بہتر ہوگی۔ بچوں کی دیکھ بھال: چھوٹے بچوں کی دیکھ بھال (child-care) کو مفت یا کم قیمت پر فراہم کرنے کا ارادہ رکھتے ہیں، تاکہ خاندانوں پر بوجھ کم ہو۔
ظہران ممدانی نے انتخابی مہم کے دوران کہا ہے کہ وہ مسلمان ہونے کی بنیاد پر نشانہ بنائے گئے ہیں۔ مزید یہ کہ ایک اور رپورٹ کے مطابق اْن کی مقابلہ جاتی مہم میں موجود حریفوں نے انہیں روکنے کے لیے تقریباً ۳ ملین ڈالر خرچ کرنے کا منصوبہ بنایا ہے۔ اگر ممدانی جیت جاتے ہیں، تو یہ پہلا مسلمان میئر ہوگا جو نیویارک شہر کے سربراہ ہوں گے ایک علامتی اور عملی دونوں سطح پر اہم تبدیلی ہوگی۔ ان کی کامیابی سے امریکی سیاست میں ترقی پسند سمت کا رجحان مزید مضبوط ہوسکتا ہے، خاص طور پر شہروں میں۔
ذریعہ
ذریعہ: Jasarat News
کلیدی لفظ: بین الاقوامی نیو یارک کے لیے
پڑھیں:
جیفری ایپسٹین سے روابط رکھنے والے ماڈلنگ اسکاؤٹ کی پیرس میں پراسرار موت
فرانسیسی حکام کے مطابق امریکی مالیاتی شخصیت اور جنسی جرائم کے مقدمات میں نامزد جیفری ایپسٹین سے روابط رکھنے والے فرانسیسی ماڈلنگ اسکاؤٹ ڈینیئل سیاد اپنے پیرس کے اپارٹمنٹ میں مردہ پائے گئے ہیں۔
69 سالہ ڈینیئل سیاد کی لاش پیر کی شب ان کے اپارٹمنٹ سے ملی، جبکہ حکام نے موت کی وجوہات معلوم کرنے کے لیے پوسٹ مارٹم کا حکم دے دیا ہے۔
یہ بھی پڑھیں: جیفری ایپسٹین کا خفیہ سوسائیڈ نوٹ منظر عام پر، موت کا وقت ’خود چننے‘ پر اظہار اطمینان
سیاد کی وکیل مینیا عرب-ٹیگرین نے امریکی نشریاتی ادارے فاکس نیوز کو بتایا کہ ان کے مؤکل کی موت دل کا دورہ پڑنے سے ہوئی۔
تاہم ان کا کہنا تھا کہ گزشتہ کئی ماہ سے جاری ذہنی دباؤ، عوامی بدنامی، طویل انتظار اور شدید اضطراب نے بھی ان کی صحت پر منفی اثرات ڈالے۔
Modeling scout Daniel Siad who introduced women to Jeffrey Epstein found dead in Paris pic.twitter.com/zMobl4buzz
— HatsOff (@HatsOffff) July 22, 2026
انہوں نے کہا کہ اگرچہ ابتدائی طور پر دل کا دورہ موت کی وجہ معلوم ہوتا ہے، تاہم حتمی رائے پوسٹ مارٹم رپورٹ آنے کے بعد ہی دی جا سکے گی۔
خبر رساں ادارے رائٹرز کے مطابق امریکی محکمہ انصاف کی جانب سے جاری کی گئی ایپسٹین فائلز میں ڈینیئل سیاد کا نام تقریباً 2 ہزار مرتبہ سامنے آیا تھا۔
رپورٹ کے مطابق ایک ای میل میں سیاد نے مبینہ طور پر ایپسٹین کو لکھا تھا کہ وہ بارسلونا میں موجود ہیں اور ان کے پاس آسٹریلیا سے تعلق رکھنے والی ایک نوجوان خاتون موجود ہے جسے وہ بارسلونا یا پیرس میں ماڈلنگ کے شعبے میں متعارف کرانا چاہتے ہیں۔
مزید پڑھیں: جیفری ایپسٹین نے ذاتی معاملات کو دباؤ کے لیے استعمال کرنے کی کوشش کی، بل گیٹس کا انکشاف
اس پر ایپسٹین نے مختصر جواب دیتے ہوئے صرف ’تصویر؟‘ لکھا تھا۔
اپریل 2009 کی ایک مبینہ ای میل میں سیاد نے براتسلاوا میں ماڈلز کی تلاش کے دوران ایک 17 سالہ سلوواک لڑکی کی تصاویر ایپسٹین کو بھیجی تھیں۔
پیرس کی پروسیکیوٹر لور بیکو کے مطابق انسانی اسمگلنگ اور فراڈ سے متعلق فروری میں شروع ہونے والی تحقیقات کے بعد اب تک کم از کم 24 خواتین ایسی سامنے آ چکی ہیں جنہوں نے ڈینیئل سیاد یا دیگر افراد کے خلاف مبینہ جرائم کے حوالے سے خود کو متاثرہ یا گواہ قرار دیا ہے۔
مزید پڑھیں: کیا سابق امریکی نائب صدر کملا ہیرس کے شوہر نے جیفری ایپسٹین کے ساتھ ہیلی کاپٹر میں سفر کیا؟
سیاد کی وکیل کا کہنا ہے کہ اگرچہ تفتیش کاروں نے ان سے متعلق تحقیقات کیں، لیکن فوری گرفتاری کے لیے کافی شواہد موجود نہیں تھے۔
’یہ بات فراموش نہیں کی جانی چاہیے کہ ڈینیئل سیاد کے خلاف کبھی مقدمہ نہیں چلایا گیا اور نہ ہی انہیں کسی عدالتی کارروائی میں باضابطہ طور پر نامزد کیا گیا۔‘
واضح رہے کہ امریکی سرمایہ کار جیفری ایپسٹین 2019 میں وفاقی تحویل کے دوران مردہ پائے گئے تھے، جبکہ ان کی موت کو سرکاری طور پر خودکشی قرار دیا گیا تھا، تاہم اس معاملے پر مختلف سوالات اور قیاس آرائیاں آج بھی جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا انسانی اسمگلنگ بارسلونا پوسٹ مارٹم جنسی جرائم جیفری ایپسٹین خودکشی ڈینیئل سیاد ماڈلنگ اسکاؤٹ
ٹی20 ورلڈ کپ 2026: پاکستان نے سپر 8 کے لیے جگہ پکی کر لی