سوشل میڈیا پر جھوٹی خبریں پھیلانے والا ٹی ایل پی رہنما گرفتار
اشاعت کی تاریخ: 26th, October 2025 GMT
پولیس نے سوشل میڈیا پر بے بنیاد اور اشتعال انگیز مواد پھیلانے کے الزام میں تحریک لبیک پاکستان (ٹی ایل پی) کے رہنما معاویہ کو گرفتار کر لیا۔
ڈی آئی جی عمران کشور کے مطابق، ملزم نے فیک نیوز اور گمراہ کن ویڈیوز کے ذریعے عوام کو سیکیورٹی اداروں اور حکومت کے خلاف اکسانے کی کوشش کی۔ ان کے مطابق، ملزم کی جانب سے پھیلائی گئی جھوٹی ویڈیوز سے شہریوں میں بے چینی پیدا ہوئی اورامن و امان کی صورتحال متاثر ہوئی۔
پولیس نے بتایا کہ معاویہ کے موبائل فون سے متعدد پروپیگنڈا ویڈیوز برآمد ہوئی ہیں۔ ڈی آئی جی نے کہا کہ ملزم کوشیخوپورہ سے گرفتار کر کے نامعلوم مقام پر منتقل کر دیا گیا ہے، جہاں مزید تفتیش جاری ہے۔
ان کا مزید کہنا تھا کہ جعلی ویڈیوز کے ذریعے عوام میں قانون نافذ کرنے والے اداروں اور حکومت کے خلاف نفرت پھیلانے کی کوشش کی گئی، جس پر قانون کے مطابق کارروائی کی جا رہی ہے۔
ذریعہ
ذریعہ: Daily Mumtaz
پڑھیں:
پنکی کے بعد کراچی سے ایک اور منشیات فروش خاتون گرفتار
کراچی کے علاقے گلستان جوہر سے مطلوب منشیات فروش خاتون شیریں شرینہ کو بیٹوں سمیت گرفتار کرلیا گیا۔پولیس کے مطابق شیریں شرینہ ملزمہ کو دونوں بیٹوں کے ساتھ کامران چورنگی سے گرفتار کیا گیا، ملزمہ ہیروئن، چرس اور دیگر منشیات فروخت کرتی تھی۔پولیس حکام کا کہنا ہے کہ ملزمہ چند سال قبل گرفتار ہوکر جیل گئی تھی اور دو سال پہلے واپس آئی تھی، ملزمہ شیریں عرف شیرینہ کے خلاف 35 کے قریب مقدمات درج ہیں، ایک کیس میں ملزمہ کے قبضے سےدستی بم بھی برآمد ہوا تھا۔پولیس حکام کا بتانا ہے کہ ملزمہ اپنے فلیٹ کی کھڑکی سے ڈائریکٹ ہیروئن سپلائی کرتی تھی، گرفتار ملزمہ اور ملزمان سے مذید تفتیش کی جارہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ