سوشل میڈیا پر بے بنیاد اور پروپیگنڈا کرنے والا ٹی ایل پی کا رہنما گرفتار
اشاعت کی تاریخ: 26th, October 2025 GMT
لاہور:
سوشل میڈیا پر بے بنیاد اور پروپیگنڈا کرنے پر پولیس نے ٹی ایل پی کے رہنما کو گرفتار کر لیا۔
ڈی آئی جی عمران کشور کے مطابق ملزم معاویہ نے عوام کو فیک نیوز کے ذریعے سیکیورٹی اداروں اور حکومت کے خلاف اکسانے کی کوشش کی، ٹی ایل پی کے رہنما معاویہ نے سوشل میڈیا پر حقائق کے برعکس غلط خبریں پھیلائیں۔
انہوں نے بتایا کہ ملزم کی غلط ویڈیوز سے شہروں کا امن خراب ہوا اور عوام میں بے چینی پیدا کی گئی، ملزم کے موبائل سے متعدد پروپگنڈے پر مشتمل ویڈیوز برآمد ہوئیں۔
ڈی آئی جی عمران کشور نے مزید بتایا کہ ملزم معاویہ کو شیخوپورہ سے گرفتار کرکے نامعلوم مقام پر منتقل کر دیا گیا اور تفتیش جاری ہے۔
ڈی آئی جی کا کہنا تھا کہ جعلی ویڈیوز کے ذریعے عوام میں قانون نافذ کرنے والے اداروں اور حکومت کیخلاف نفرت پیدا کی گئی۔
.ذریعہ: Express News
پڑھیں:
کراچی: 45 ہزار روپے پر کام کرنے والا گھریلو ملازم کروڑوں روپے کے اثاثوں کا مالک نکلا مگر کیسے؟
کراچی کے علاقے ڈیفنس فیز 8 میں مقیم معمر جوڑے کے گھر میں کام کرنے والا گھریلو ملازم 45 ہزار روپے ماہانہ تنخواہ لینے کے باوجود کروڑوں روپے کے اثاثوں کا مالک نکلا۔
پولیس کے مطابق معمر جوڑے نے 8 برس قبل واجد علی نامی ملازم کو اپنے گھر میں ملازمت پر رکھا تھا۔ ملزم نے بزرگ جوڑے کا اعتماد حاصل کرکے بینک اکاؤنٹس اور لاکرز سمیت تمام مالی امور تک رسائی حاصل کر لی۔
یہ بھی پڑھیے: لمحوں میں لاکھوں کا سونا چوری، کیمرہ دیکھتا ہی رہ گیا
4 سال قبل شوہر کے انتقال کے بعد ملزم نے اکیلی رہ جانے والی خاتون کا فائدہ اٹھاتے ہوئے چوری شروع کر دی۔ تحقیقات میں انکشاف ہوا کہ واجد علی نے چوری کی رقم سے کراچی کے پوش علاقے میں فلیٹ، ہری پور اور اسلام آباد میں پلاٹس خریدے۔
ملزم نے اسی رقم سے ایک مسافر وین بھی خریدی جو اسلام آباد سے ہری پور کے درمیان چل رہی ہے۔ پولیس کے مطابق گرفتار ملزم کے 4 بینک اکاؤنٹس سے ایک کروڑ 86 لاکھ روپے کی ٹرانزکشنز کے ثبوت ملے ہیں جبکہ اس کی نشاندہی پر سوا کروڑ روپے مالیت کا سونا بھی برآمد کیا گیا ہے۔
پولیس ذرائع کے مطابق معمر خاتون کو بیرون ملک مقیم بیٹا اور بیٹی ماہانہ بھاری رقم بھیجتے تھے جس کا فائدہ اٹھاتے ہوئے ملازم نے مسلسل چوریاں کیں۔ تھانہ ساحل پولیس نے کارروائی کرتے ہوئے ملزم کو گرفتار کر لیا ہے۔
یہ بھی پڑھیے: اسلام آباد پولیس کی کارروائی،کروڑوں روپے مالیت کی چوری شدہ گاڑیاں برآمد
پولیس کے مطابق ابتدائی تفتیش کے دوران واجد علی نے اپنے جرم کا اعتراف کرتے ہوئے بتایا کہ وہ کئی سالوں سے گھر سے رقم، سونا، ڈالر اور دیگر قیمتی اشیاء چوری کرتا رہا ہے۔ ملزم نے اے ٹی ایم کارڈ اور چیک بُک کے ذریعے بھی بھاری رقوم منتقل کیں۔
برآمد شدہ سامان میں 5، 5 تولے کے 2 سونے کے بسکٹ، 2، 2 تولے کے 2 بسکٹ، ایک تولے کے 7 بسکٹ اور نقد رقم 2 لاکھ 27 ہزار روپے شامل ہیں۔ پولیس نے ملزم کے بینک اکاؤنٹس بلاک کرانے اور مزید ٹرانزکشنز کی تفصیلات حاصل کرنے کا فیصلہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چوری رقم سونا کراچی گھریلو ملازم
کسانوں کی بہتری کے لیے بھرپور اقدامات جاری ہیں، وزیراعظم