ایس پی عدیل اکبر،محض ایک دن قبل معروف ماہر نفسیات سے رجوع کیا ، موت کوئی حادثہ تھی یا خودکشی
اشاعت کی تاریخ: 27th, October 2025 GMT
اسلام آباد(ممتاز نیوز) اسلام آباد پولیس کے ایس پی عدیل اکبر کی خود کشی کے معاملے پر تازہ ترین معلومات کے مطابق واقع سے محض ایک دن قبل معروف ماہر نفسیات سے رجوع کیا ، ڈاکٹر کے مطابق ایس پی عدیل اکبر ڈپریشن کا شکار تھےاور انہیں فوری طور پر ہسپتال میں داخل ہونے کا مشورہ دیا مگر وہ اپنی اہلیہ کے ہمراہ ہسپتال سے واپس چلے گئے ۔ معروف سینئر صحافی و کالم نویس محمد بلا ل غوری نے اپنے تازہ کالم میں اس واقع سے متعلق اہم انکشافات کئے ہیں۔
اسلام آ باد پولیس کے نوجوان افسر عدیل اکبر کی موت کوئی حادثہ تھی، خودکشی یا پھر قتل جب تک تفتیش مکمل نہ ہو جائےاس بارے ابھی کچھ کہنا قبل از وقت ہو گا ۔22اکتوبر2025ء کی شام یعنی خودکشی سے محض ایک دن پہلے انہوںنے ایک معروف ماہر نفسیات سے رجوع کیا۔ڈاکٹر حافظ سلطان محمد جو اسسٹنٹ پروفیسر اور کنسلٹنٹ سائیکاٹرسٹ ہیں انہوںنے ایس پی عدیل کی موت کے چند گھنٹوں بعد اپنے سوشل میڈیا اکاؤنٹ پر ایک پوسٹ شیئر کی جس میں بتایا کہ گزشتہ شب عدیل ان کے پاس علاج کیلئے آئے تو انہوںنے بتایا کہ وہ ڈپریشن کے باعث شدید خطرات سے دوچار ہیں اور انہیں فوری طورپر پمز کے پرائیویٹ روم میں داخل ہوجانا چاہئے۔وہ سیڑھیاں اُتر کر نیچے گئے اور اپنی بیوی کے ساتھ واپس آکر بتایا کہ وہ اپنی قوت ِارادی کے بل بوتے پر ڈپریشن کے اس مرض پر قابو پالیں گے۔ڈاکٹر نے ان کی اہلیہ سے کہا کہ کسی بھی قسم کے ہتھیار اور بلیڈ وغیرہ ان کی پہنچ سے دور رکھیں،قسمت کے فیصلے دیکھیں کہ 24گھنٹوں سے بھی کم وقت میں یہ واقعہ پیش آگیا۔اس پوسٹ کے بعد ڈاکٹر حافظ سلطان محمد پر اس حوالے سے تنقید ہونے لگی کہ انہوںنے اپنے مریض سے متعلق معلومات شیئر کرکے پیشہ ورانہ اخلاقیات اور اصولوں کی خلاف ورزی کی چنانچہ ڈاکٹر سلطان نے کچھ دیر بعد ہی یہ پوسٹ ڈیلیٹ کردی۔مگر ان کی پوسٹ سے یہ حقیقت واضح ہوچکی ہے کہ ایس پی عدیل اکبرڈپریشن کے مرض میں اس حد تک جا چکے تھے جہاں کسی بھی کمزور لمحے میں خود کشی کی جاسکتی ہے۔جو لوگ یہ سوال کررہے ہیں کہ ایک پولیس افسر کیسے خود کشی کرسکتا ہے ،انہیں شاید معلوم نہیں کہ ڈپریشن ایک ایسا خوفناک مرض ہے جو نہ انسان کا عہدہ دیکھتا ہے اور نہ ہی سماجی حیثیت اور یہ اس نوعیت کا کوئی پہلا واقعہ نہیں بلکہ اسے قبل اعلیٰ عہدوں پر تعینات لاتعداد سول سرونٹس خودکشی کرچکے ہیں۔شاید آپ کو یاد ہو کہ 28نومبر 2023ء کو ملٹری کنٹونمنٹ بورڈ کے چیف ایگریکٹو آفیسر بلال پاشا نے اپنی سرکاری رہائشگاہ میں خود کو گولی مار کر زندگی سے نجات حاصل کرلی تھی۔ جنوری 2022ء میں اسی طرح کا ایک واقعہ تب پیش آیا جب ایڈیشنل کمشنر ریویونیو عمران رضا عباسی نے لاہور میں پھندہ لیکر خودکشی کرلی۔ جنوری2020ء میں ایس پی ابرار حسین نیکوکارہ، جو روات میں پولیس ٹریننگ اسکول کے پرنسپل کے طور پر تعینات تھے، نے سروس پسٹل سے خود کشی کر لی۔ اسی طرح مارچ 2018ء میں ڈپٹی کمشنر گوجرانوالہ سہیل ٹیپو کی پنکھے سے جھولتی لاش برآمد ہوئی۔ڈی پی او ننکانہ شہزاد وحید ،اکاؤنٹس گروپ کی نبیحہ چوہدری اور پھر جولائی 2016ء میں اے آئی جی اسلام آباد اشعر حمید پولیس لائنز ہیڈ کوارٹر h-11میں مردہ پائے گئے۔ان سول سرونٹس کی زندگی بظاہر تو بہت پرکشش محسوس ہوتی ہے مگر یہ لوگ نہ صرف شدید ترین ذہنی دباؤ کا شکار ہوتے ہیں بلکہ چھٹی نہ ملنے کی وجہ سے صورتحال مزید گھمبیر ہوجاتی ہے ۔گھریلو پریشانیاں ،اعلیٰ حکام کی سرزنش ،پانے کا خمار ،کھونے کا آزار ،شوق ِکمال ،خوف ِزوال ،زہر کی مانند رگوں میں اُترتا چلا جاتا ہے اور بظاہر صحت مند دکھائی دینےوالا باوقار انسان کب ڈپریشن کی دلدل میں دھنس جاتا ہے ۔
معروف صحافی محمد بلا ل غوری کے حوالے سے اسلام آ باد پولیس کے نوجوان افسر عدیل اکبر کی موت نے پورے معاشرے کو جھنجھوڑ کر رکھ دیا ہے ۔ 23اکتوبر 2025ء کا دن تھا دوپہر کے وقت انہوں نے اسلام آباد حاجی کیمپ کا دورہ کیا اور وہاں سیکورٹی انتظامات کا جائزہ لیا ۔تقریباً ساڑھے چار بجے جب وہ اسلام آباد کی شاہراہ دستور سے دفترجارہے تھے تو گاڑی میں انہو ں نے مبینہ طور پر خود کو گولی مارکر زندگی کا خاتمہ کرلیا۔GCUلاہور کے گریجویٹ عدیل اکبر نہایت قابل اور ذہین نوجوان تھے ،انہوںنے دو بار سی ایس ایس کا امتحان پاس کیا ۔پہلی بار آفس مینجمنٹ گروپ ملا تو انہوںنے دوبارہ طبع آزمائی کا فیصلہ کیا تاکہ پولیس سروس کو جوائن کرسکیں۔ آخرکار2017ء میں سی ایس ایس کے امتحان میں دوسری پوزیشن حاصل کی تو 46ویں کامن گروپ کے ذریعے پولیس افسر بھرتی ہوئے ۔ان کی افسوسناک موت کے حوالے سے ایک دعویٰ یہ ہےکہ امریکہ میں ماسٹرز کیلئے عدیل اکبر کو فل برائٹ اسکالر شپ ملا تھا مگر اسلام آباد پولیس کی طرف سے چھٹی نہیں دی گئی ،اس لئے وہ ڈپریشن میں تھے۔اگر آپ امریکی اسکالر شپ کے حوالے سے زیر گردش لیٹر کو بغور دیکھیں تو معلوم ہوتا ہے کہ انہوںنے اگلے برس امریکہ جانا تھا تو پھر فوری طور پر چھٹی نہ ملنے کی بات ناقابل فہم ہے ۔ہاں البتہ ایس پی عدیل اکبر کو ڈینگی بخار ہوا تو انہوںنے 20اکتوبرسے22اکتوبر تک میڈیکل لیو کی درخواست دی جو منظور نہیں کی گئی ۔بعض لوگ یہ سوال اُٹھا رہے ہیں کہ ایس پی عدیل اکبر نے گاڑی میں اپنے ماتحت سے ایس ایم جی لیکر خودکو گولی ماری تو کسی نے روکنے کی کوشش کیوں نہیں کی؟لہٰذا یہ خودکشی نہیں قتل کی واردات ہے۔حقیقت یہ ہے کہ ایس پی عدیل اکبر نے پوچھا کہ گاڑی میں کون کون سا ہتھیار ہے،دکھائیں؟اس پر اہلکار نے میگزین اُتار کر ایس ایم جی پکڑائی تو انہوں نے کہا میگزین بھی دو،جب عدیل اکبر نے گن لوڈ کی تو ان کے ماتحت یہی سمجھے کہ وہ اسے چیک کرنا چاہ رہے ہیں۔ماتحت پولیس اہلکار کو کیا معلوم تھاکہ وہ پلک جھپکنے میں خود پر گولی چلالیں گے۔خودکشی کی وجوہات کے تناظر میںیہ بھی کہا جارہا ہے کہ ایس پی عدیل اکبر کے تمام کورس میٹ اگلے رینک میں پروموٹ ہوگئے اور انہیں ترقی نہیں دی گئی ،لہٰذا وہ مایوس اور نااُمید تھے ۔ مگر میں یہ بات سمجھ سے باہر ہےکہ اس قدر اہم منصب پر براجمان شخص اس قدر کمزور اعصاب کا مالک ہوسکتا ہے کہ معمولی سی بات پر خودکشی کرلے ۔ دستیاب معلومات اور تفصیلات کے مطابق خودکشی کا فیصلہ کسی اضطراری ردعمل کا نتیجہ نہیں تھا بلکہ عدیل اکبر طویل عرصہ سے ڈپریشن کا شکار تھے ۔ ان کے سوشل میڈیا ،بالخصوص گزشتہ چند برس کی ٹویٹس کابغور جائزہ لیا جائے تو ان کے ذہنی تناؤ کا اندازہ ہوتاہے۔مثال کے طورپر28اپریل 2022ء کو انہوںنے یہ شعر پوسٹ کیا’’قید کرتا ہوں حسرتیں دل میں ،پھر انہیں خودکشی سکھاتا ہوں‘‘۔14جولائی 2023ء کو لکھا”آپ کی غلامی کابوجھ ہم نہ اُٹھائیں گے،آبرو سے مرنے کا فیصلہ ہمارا ہے‘‘۔عدیل اکبر اس صورتحال سے نکلنے کی کوشش بھی کررہے تھے ۔
ذریعہ: Daily Mumtaz
کلیدی لفظ: اسلام ا باد باد پولیس حوالے سے
پڑھیں:
ایس پی اسلام آباد کی پراسرارموت، متوفی عدیل اکبر کے آپریٹر کا بیان ریکارڈ کرلیا گیا، اہم انکشافات
ایس پی اسلام آباد کی پراسرارموت، متوفی عدیل اکبر کے آپریٹر کا بیان ریکارڈ کرلیا گیا، اہم انکشافات WhatsAppFacebookTwitter 0 25 October, 2025 سب نیوز
اسلام آباد(آئی پی ایس ) وفاقی پولیس کے ایس پی کی پراسرارموت کے معاملے کی تحقیقات جاری ہیں جب کہ مرحوم ایس پی عدیل اکبر کے آپریٹر نے اپنا ابتدائی بیان تحقیقاتی ٹیم کو ریکارڈ کروا دیا۔ذرائع نے کہا کہ ایس پی عدیل اکبر نے ہتھیار کیوں مانگا اور انہیں کیوں دیا گیا،تفتیش جاری ہے، عدیل اکبر کو موبائل فون پر آنے والی کال سے متعلق بھی تحقیقات جاری ہے۔
ذرائع کے مطابق آپریٹر نے بیان دیا کہ عدیل اکبر اپنی پروموشن سے متعلق اسٹیبلشمنٹ ڈویڑن ملنے جا رہے تھے، ایس پی عدیل اکبر کو فون کال چار بج کر 23 منٹ پر آئی تھی، عدیل اکبر نے ڈرائیور کو دفتر خارجہ جانے کا کہا، عدیل اکبر دستاویزات کی تصدیق کے لیے دفتر خارجہ گئے اور کچھ دیر بعد واپس آگئے۔ آپریٹر نے اپنے بیان میں کہا کہ ایک اور کال آئی جس کے بعد نجی ہوٹل کے سامنے ایس پی عدیل اکبر نے مجھ سے گن مانگی، میں نے میگزین نکال کر گن عدیل اکبر کو دی، عدیل اکبر نے سیکیورٹی چیکنگ کے دوران پوچھا یہ گن چلتی بھی ہے کہ نہیں۔آپریٹر کے مطابق عدیل اکبر نے کہا کہ میگزین مجھے دو اس میں کتنی گولیاں ہیں، میگزین عدیل اکبر کے حوالے کی اور کہا کہ اس میں 50 گولیاں ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرحکومت کا گندم خریداری کا منصوبہ تیار ، 6 اعشاریہ25ملین میٹرک ٹن گندم خریدی جائیگی حکومت کا گندم خریداری کا منصوبہ تیار ، 6 اعشاریہ25ملین میٹرک ٹن گندم خریدی جائیگی پنجاب بھر میں دفعہ 144کے نفاذ میں 8یوم کی توسیع،نوٹیفکیشن جاری ٹی ایل پی پابندی کے باوجود انتخابات لڑنے کی اہل، الیکشن کمیشن کی فہرست میں بدستور شامل محسن نقوی سے پولینڈ کے نائب وزیر داخلہ کی ملاقات، دوطرفہ تعلقات پر گفتگو وزیر داخلہ محسن نقوی نے ڈپلومیٹک انکلیو میں پیڈل ٹینس کورٹ و فٹنس ایرینا کا افتتاح کر دیا سی ڈی اے کے ون ونڈو ڈائریکٹوریٹ میں باقاعدہ طور پر کیش لیس نظام نافذ العملCopyright © 2025, All Rights Reserved
رابطہ کریں ہماری ٹیم
مودی کے دور میں مسلمانوں کے خلاف نفرت انگیز جرائم میں خوفناک اضافہ، مذہبی ہم آہنگی خطرے میں