سونا 2 دن کے وقفے کے بعد پھر مہنگا، نئی فی تولہ قیمت کتنی ہوگئی؟
اشاعت کی تاریخ: 29th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی : 2 دن کے وقفے کے بعد سونے کی قیمتیں آج ایک بار پھر بڑھ گئیں۔
بین الاقوامی بلین مارکیٹ میں آج بدھ کے روز فی اونس سونا 35 ڈالر مہنگا ہو کر 3 ہزار 975 ڈالر کی بلند سطح پر پہنچ گیا، جس کا براہِ راست اثر پاکستان کی مقامی مارکیٹوں پر بھی نظر آیا۔
پاکستان میں کراچی، لاہور، اسلام آباد اور دیگر بڑے شہروں کی صرافہ مارکیٹوں میں بھی سونا مہنگا ہوگیا۔ مارکیٹ ذرائع کے مطابق 24 قیراط فی تولہ سونا 3 ہزار 500 روپے بڑھ کر 4 لاکھ 19 ہزار 862 روپے کا ہو گیا ہے۔ اسی طرح فی 10 گرام سونا 3 ہزار روپے کے اضافے کے ساتھ 3 لاکھ 59 ہزار 963 روپے کی سطح پر پہنچ گیا ہے۔
ماہرین کے مطابق عالمی مارکیٹ میں سونے کی قیمتوں میں یہ اضافہ مختلف عوامل کی بنیاد پر ہوا ہے۔ کئی سرمایہ کار محفوظ سرمایہ کاری کے لیے ایک مرتبہ پھر سونے کی طرف توجہ دے رہے ہیں۔ مشرقِ وسطیٰ، یورپ اور ایشیائی مارکیٹوں میں جاری معاشی غیر یقینی کی فضا بھی سونے کی قیمتوں کو سہارا دے رہی ہے۔
تجزیہ کاروں کا کہنا ہے کہ اگر عالمی سطح پر یہ رجحان برقرار رہا تو آنے والے دنوں میں سونا مزید مہنگا ہو سکتا ہے۔
.
ذریعہ
ذریعہ: Jasarat News
کلیدی لفظ: سونے کی
پڑھیں:
مارکیٹوں اور دکانوں کے اوقات کار میں توسیع کی منظوری
فوٹو: فائلکفایت شعاری اقدامات کی نگرانی و عملدرآمد کمیٹی نے مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ