پیپلز پارٹی نے آزاد کشمیر کی وزارتِ عظمیٰ کے امیدوار کا نام فائنل کرلیا
اشاعت کی تاریخ: 29th, October 2025 GMT
فوٹو: سوشل میڈیا
آزاد جموں و کشمیر قانون ساز اسمبلی میں اِن ہاؤس تبدیلی کے سلسلے میں پاکستان پیپلز پارٹی نے آزاد کشمیر کے لیے وزیرِاعظم کے امیدوار کا نام فائنل کر لیا۔
ذرائع کا کہنا ہے کہ پیپلز پارٹی آزاد کشمیر کی قیادت اجلاس میں موجود تھی، جس میں وزارتِ عظمیٰ کے لیے 4 ناموں پر غور کیا گیا۔
سیکریٹری جنرل پیپلز پارٹی آزاد کشمیر فیصل ممتاز راٹھور کا کہنا ہے کہ مسلم لیگ ن اور پیپلزپارٹی نےعدم اعتماد کی تحریک پر دستخط کر دیے ہیں۔
ذرائع نے بتایا ہے کہ آزاد کشمیر کی وزارتِ عظمیٰ کے لیے چوہدری یاسین، لطیف اکبر، فیصل ممتاز راٹھور اور سردار یعقوب کے ناموں پر غور کیا گیا۔
ذرائع کے مطابق پیپلز پارٹی نے آزاد کشمیر میں وزارتِ عظمیٰ کے لیے چوہدری یاسین کے نام کی منظوری دے دی۔
ذرائع نے بتایا ہے کہ چوہدری یاسین کے نام کا اعلان چیئرمین پیپلز پارٹی بلاول بھٹو زرداری کی طرف سے زرداری ہاؤس میں کیا گیا۔
.ذریعہ: Jang News
کلیدی لفظ: پیپلز پارٹی پارٹی نے کے لیے
پڑھیں:
آزاد کشمیر کا نیا وزیراعظم کون ہو گا، فیصلہ کچھ گھنٹوں میں متوقع
سٹی42: آزاد کشمیر میں وزیراعظم انوار الحق کے اسمبلی میں اکثریت سے محروم ہو جانے کے باوجود استعفیٰ نہ دینے کے بعد پاکستان پیپلز پارٹی نے تحریک عدم اعتماد لانے کے لئے حتمی مشاورت کا آغاز کر دیا۔ تحریک عدم اعتماد میں وزیراعظم کے عہدہ کے امیدوار کی نشاندہی ضروری ہے، پیپلز پارٹی کی قیادت آج یہ فیصلہ کرنے کے لئے سر جوڑ کر بیٹھ گئی کہ نیا وزیراعظم کسے نامزد کیا جائے۔ آزاد کشمیر کا نیا وزیراعظم کون ہو گا، یہ فیصلہ کچھ گھنٹوں میں متوقع ہے۔
بھارتی سٹار کرکٹرICUمیں داخل، وجہ کیا بنی؟
پیپلز پارٹی کے ذمہ دار ذرائع نے بتایا ہے کہ پارٹی کی قیادت وزارت عظمیٰ کے لیے چوہدری یاسین اور چوہدری لطیف اکبر کے ناموں پر غور کر رہی ہے۔ حتمی فیصلہ آج رات ہی ہونے کا امکان ہے جس کے بعد صبح کسی وقت تحریک عدم اعتماد جمع کروا دی جائے گی۔
پارٹی قیادت نے آزاد کشمیر اسمبلی میں اپنے تمام ارکان کو اسلام آباد طلب کر لیا ہے۔ ان میں سے بیشتر ارکان پہلے ہی اسلام آباد میں موجود ہیں۔
آج شام پیپلز پارٹی کی اعلیٰ قیادت کی مشاورتی مجلس میں بلاول بھٹو زرداری اور فریال تالپور بھی شریک ہیں۔
پاکستان کے تمام ائیرپورٹس کو کیش لیس بنانے کا فیصلہ
باخبر ذرائع کے مطابق آزاد کشمیر اسمبلی کے ارکان کی اکثریت چوہدری محمد یاسین کے نام پر متفق ہے۔ بعض رہنما چوہدری لطیف اکبر کو متفقہ امیدوار کے طور پر سامنے لانے کے حامی ہیں۔
آزاد کشمیر کی وزارت عظمیٰ کس کو ملے گی، اقتدار کا ہما کس کے سر پر بیٹھے گا؛ اس کا فیصلہ چند گھنٹوں میں سامنے آنے والا ہے۔
Waseem Azmet
ایسی 3 عادات جو مدافعتی نظام کو مضبوط کرتی ہیں