کروشیا میں ترک فائر فائٹنگ طیارہ گر کر تباہ، پائلٹ ہلاک
اشاعت کی تاریخ: 14th, November 2025 GMT
کروشیا میں ترکیہ کا فائر فائٹنگ طیارہ حادثے کا شکار ہو کر تباہ ہوگیا، جس میں پائلٹ ہلاک ہوگیا۔ یہ واقعہ اس حادثے کے صرف 2 دن بعد پیش آیا ہے جس میں ترکیہ کے ایک فوجی طیارے کے گرنے سے 20 اہلکار جان کی بازی ہار گئے تھے۔ یہ بات ترکی کے وزیرِ جنگلات ابراہیم یماقلی نے بتائی۔
وزیر کے مطابق 2 ترک فائر فائٹنگ طیارے وطن واپس لوٹ رہے تھے کہ ایئر ٹریفک کنٹرول سے رابطہ منقطع ہوگیا۔ ان میں سے ایک طیارہ کروشیا کے ایک ایئرپورٹ پر بحفاظت اُتر گیا جبکہ دوسرا گر کر تباہ ہوگیا۔
مزید پڑھیں: ترکیہ کا فوجی طیارہ جارجیا میں گر کر تباہ، عملے کے تمام 20 اہلکار جاں بحق
وزیر نے پلیٹ فارم ’ایکس‘ پر جاری بیان میں کہا کہ طیارے کا ملبہ کروشیا کے شہر سینج کے قریب مل گیا ہے اور اس المناک حادثے میں ہلاک ہونے والے پائلٹ کے اہلِ خانہ سے تعزیت کی۔
وزارت نے پہلے بتایا تھا کہ 2 اے ٹی 802 فائر فائٹنگ طیارے بدھ کی صبح ترکیہ سے زغرب میں مقررہ مینٹیننس کے لیے روانہ ہوئے تھے، لیکن خراب موسم کے باعث انہیں مغربی شہر ریئیکا کے ایئرپورٹ پر رات گزارنا پڑی۔ جمعرات کو شام 5 بج کر 38 منٹ پر دونوں طیاروں نے دوبارہ پرواز بھری، مگر موسم کی خرابی کے باعث انہیں واپس لوٹنا پڑا۔
وزارت کے مطابق ایک طیارہ ریئیکا ایئرپورٹ پر اُتر گیا، لیکن 6 بج کر 25 منٹ پر دوسرے طیارے سے ریڈیو رابطہ ختم ہوگیا، جس کے بعد تلاش اور بچاؤ کی کارروائیاں شروع کی گئیں۔
مزید پڑھیں: ترکیہ کا فوجی کارگو طیارہ گر کر تباہ، ہلاکتوں کا خدشہ
یہ حادثہ اس وقت سامنے آیا جب ترکیہ نے چند گھنٹے قبل جارجیا میں منگل کے روز گر کر تباہ ہونے والے فوجی کارگو طیارے میں مارے جانے والے 20 اہلکاروں کی میتیں واپس لائیں۔ طیارہ آذربائیجان سے واپسی پر حادثے کا شکار ہوا تھا۔
حکام نے واقعے کی تحقیقات شروع کر دی ہیں، جبکہ احتیاطاً ترکی کے تمام C-130 کارگو طیاروں کی پروازیں معطل کر دی گئی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ترک طیارہ ترکیہ کروشیا.
ذریعہ
ذریعہ: WE News
کلیدی لفظ: ترک طیارہ ترکیہ کروشیا فائر فائٹنگ گر کر تباہ
پڑھیں:
کراچی: کیماڑی میں 6 سالہ بچی کے اغوا اور قتل میں ملوث مرکزی ملزم مبینہ پولیس مقابلے میں ہلاک
کراچی کے ساحلی علاقے کیماڑی میں پولیس نے ایک 6 سالہ بچی کے اغوا اور سفاکانہ قتل میں ملوث مرکزی ملزم کو مبینہ پولیس مقابلے کے دوران ہلاک کرنے کا دعویٰ کیا ہے۔
پولیس ترجمان کے مطابق یہ پیش رفت جیرکسن تھانے کی حدود میں پیش آئی، جہاں مبینہ ملزم کی موجودگی کی اطلاع پر پولیس پارٹی نے مبارک مسجد کے قریب چھاپہ مارا۔ پولیس کو دیکھتے ہی ملزم نے اہلکاروں پر براہِ راست فائرنگ شروع کر دی، جس پر پولیس نے بھی جوابی فائرنگ کی۔ اس تبادلے میں ملزم گولی لگنے سے شدید زخمی ہوا اور بعد میں دم توڑ گیا۔
یہ بھی پڑھیں: کمسن بچی کے قتل کیس میں مجرم کی اپیل مسترد، سزائے موت برقرار
تفتیشی حکام کا کہنا ہے کہ ملزم تک رسائی مختلف علاقوں کی سی سی ٹی وی فوٹیج کی تفصیلی جانچ پڑتال اور دیگر تکنیکی و جغرافیائی شواہد کی مدد سے ممکن ہوئی۔ اس سے قبل، معصوم بچی کی لاش منوہرہ کے قریب جھاڑیوں سے برآمد ہوئی تھی۔
پولیس سرجن ڈاکٹر سمیہ سید نے میڈیکو لیگل کا جائزہ لینے کے بعد تصدیق کی کہ بچی کو بدترین جنسی تشدد اور جسمانی تشدد کا نشانہ بنایا گیا ہے، جبکہ اس کے پورے جسم پر تشدد کے واضح نشانات موجود ہیں۔ بچی کی موت کی حتمی وجہ کا تعین فارنسک لیبارٹری کو بھیجے گئے نمونوں کی رپورٹ آنے کے بعد کیا جائے گا۔
یہ بھی پڑھیں: پشاور: 8 سالہ بچی مبینہ زیادتی کے بعد قتل، لاش ہمسائے کے صندوق سے برآمد
پولیس کے مطابق جیرکسن تھانے میں پہلے ہی بچی کے اغوا اور قتل کے حوالے سے پاکستان پینل کوڈ کی دفعات 364-A اور 302 کے تحت مقدمہ (FIR No. 265/2026) درج تھا۔ اب پولیس مقابلے کا ایک الگ کیس بھی اسی تھانے میں درج کیا جا رہا ہے اور کرائم سین کو سیل کر کے تمام سائنسی و فارنسک ثبوت تحویل میں لے لیے گئے ہیں۔
اس واقعے سے چند ہی دن قبل بھی کراچی میں 6 سالہ بچے کے اغوا، زیادتی اور قتل کے الزام میں ایک 20 سالہ نوجوان کو گرفتار کیا گیا تھا، جس کی لاش بوری میں بند کر کے ویران پلاٹ پر پھینکی گئی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پولیس مقابلہ زیادتی قتل کراچی کمسن بچی ملزم ہلاک
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا