شنگھائی گلوبل ایوارڈ 2025: مدینہ منورہ کو پائیدار شہری ترقی میں نمایاں مقام
اشاعت کی تاریخ: 14th, November 2025 GMT
مدینہ منورہ نے عالمی سطح پر ایک اور سنگِ میل عبور کرتے ہوئے شنگھائی گلوبل ایوارڈ 2025 میں پائیدار شہروں کی اعلیٰ کیٹیگری میں نمایاں مقام حاصل کرلیا ہے۔
یہ بھی پڑھیں:مدینہ منورہ اور ریاض یونیسکو کے تخلیقی شہروں کی فہرست میں شامل
یہ ایوارڈ اقوام متحدہ کے انسانی آبادکاری کے پروگرام UN-Habitat اور شنگھائی میونسپلٹی کے اشتراک سے دیا جاتا ہے، جو دنیا بھر میں شہری ترقی اور ماحول دوست اقدامات کے بہترین نمونوں کو سراہتا ہے۔
ایوارڈ کے فیصلے میں مدینہ منورہ کے اُس شہری ماڈل کو بنیاد بنایا گیا جس کا محور انسان اور ماحول کے درمیان ہم آہنگ توازن قائم کرنا ہے۔
اس میں جدید پبلک ٹرانسپورٹ (حافلات المدینہ)، اسمارٹ سٹی اسٹریٹجی، (مثارہ) گرین ڈیٹا پلیٹ فارم، اور وادی عقیق کی ماحولیاتی بحالی جیسے منصوبے شامل ہیں جنہوں نے شہر کی پائیدار ترقی کو عالمی معیار کے قریب تر کر دیا ہے۔
یہ بھی پڑھیں:مدینہ منورہ کا عالمی اعزاز، یونیسکو کے ’کریئیٹو سٹیز نیٹ ورک‘ میں شمولیت
مدینہ ریجن ڈویلپمنٹ اتھارٹی کا کہنا ہے کہ یہ اعزاز سعودی وژن 2030 کے تحت شہری ترقی، ڈیجیٹل تبدیلی، اور ماحول کے تحفظ کے اہداف کی کامیاب پیش رفت کا ثبوت ہے۔
عالمی اداروں کی جانب سے اس اعتراف نے مدینہ منورہ کو اُن شہروں کی صف میں شامل کر دیا ہے جو مستقبل کی شہری زندگی کا ماڈل بن رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
شنگھائی گلوبل ایوارڈ مدینہ مدینہ ریجن ڈویلپمنٹ اتھارٹی.
ذریعہ
ذریعہ: WE News
کلیدی لفظ: مدینہ ریجن ڈویلپمنٹ اتھارٹی
پڑھیں:
امریکا ایران غیر یقینی صورتحال: عالمی منڈی میں تیل کی قیمتیں بلند سطح پر برقرار
امریکا اور ایران کے درمیان جنگ بندی اور مذاکرات سے متعلق غیر یقینی صورتحال کے باعث عالمی منڈی میں تیل کی قیمتیں بلند سطح پر برقرار رہیں۔
منگل کے روز برینٹ خام تیل 95.04 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) 91.99 ڈالر فی بیرل پر ٹریڈ ہوا۔ دونوں بینچ مارکس گزشتہ سیشن میں 5 فیصد سے زائد اضافے کے بعد مستحکم رہے۔
سرمایہ کاروں کی توجہ خاص طور پر آبنائے ہرمز کی ممکنہ بحالی اور مشرق وسطیٰ کی کشیدگی پر مرکوز ہے۔ امریکی صدر نے کہا ہے کہ ایران کے ساتھ مذاکرات جاری ہیں اور جلد کسی معاہدے کی امید ہے تاہم ایرانی میڈیا کے مطابق بات چیت میں تعطل بھی سامنے آیا ہے۔
ماہرین کا کہنا ہے کہ تیل کی قیمتوں میں موجود اتار چڑھاؤ کا دارومدار امریکا-ایران مذاکرات اور خطے کی صورتحال پر ہے۔ دوسری جانب لبنان میں حزب اللہ اور اسرائیل کے درمیان جزوی جنگ بندی کو کشیدگی کم کرنے کی محدود کوشش قرار دیا جا رہا ہے۔
یاد رہے کہ خلیجی علاقے میں کشیدگی کے باعث تیل اور ایل این جی کی عالمی ترسیل متاثر ہوئی جس سے قیمتوں میں نمایاں اضافہ دیکھنے میں آیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ