بابر اعظم نے سعید انور کا ریکارڈ اپنے نام کر لیا
اشاعت کی تاریخ: 14th, November 2025 GMT
data-id="863a0a8" data-element_type="widget" data-widget_type="theme-post-content.default">
پاکستان کرکٹ ٹیم کے مایہ ناز بیٹر اور سابق کپتان بابر اعظم نے ایک بار پھر اپنی شاندار بیٹنگ صلاحیتوں کا لوہا منوا دیا ہے اور لیجنڈری اوپنر سعید انور کا طویل عرصے سے قائم ریکارڈ برابر کر دیا ہے۔
سری لنکا کے خلاف راولپنڈی کرکٹ اسٹیڈیم میں کھیلے گئے ون ڈے میچ میں بابر اعظم نے اپنے کیریئر کی 20ویں سنچری اسکور کرتے ہوئے ایک بار پھر ثابت کیا کہ وہ جدید دور کے بہترین بیٹرز میں سے ایک ہیں۔
یہ سنچری بابر اعظم کے لیے خصوصی اہمیت رکھتی ہے، کیونکہ انہوں نے 807 دن بعد ون ڈے فارمیٹ میں تین عددی اسکور بنایا۔ دو سال اور دو ماہ سے زائد عرصے کی اس خاموشی کو بابر نے پُراعتماد اور کلاسیکل بیٹنگ کے ساتھ توڑا، جسے شائقین کرکٹ نے بے حد سراہا۔
بابر اعظم نے گزشتہ 10 برسوں میں ون ڈے کرکٹ میں قابلِ ذکر مستقل مزاجی کا مظاہرہ کیا ہے۔ اس دوران وہ 138 میچوں کی 135 اننگز میں 20 سنچریاں اور 37 نصف سنچریاں بنا چکے ہیں—ایک ایسا کارنامہ جو انہیں دنیا کے بہترین بیٹرز کی صف میں نمایاں مقام دیتا ہے۔
دوسری جانب سعید انور نے اپنے 14 سالہ ون ڈے کیریئر میں 247 میچوں کی 244 اننگز میں 20 سنچریاں اور 43 نصف سنچریاں اسکور کی تھیں۔ بابر اعظم کی نسبت انہوں نے زیادہ عرصے پر محیط کیریئر میں یہ سنگِ میل عبور کیا، جس سے بابر کی کارکردگی کی رفتار اور مستقل مزاجی مزید نمایاں ہو جاتی ہے۔
دلچسپ امر یہ بھی ہے کہ بابر اعظم اب تک ون ڈے کرکٹ میں صرف 5 بار بغیر رنز بنائے آؤٹ ہوئے ہیں، جب کہ سعید انور اپنے کیریئر میں 15 مرتبہ صفر پر پویلین لوٹے—یہ فرق بھی بابر اعظم کی بیٹنگ سمجھداری اور تکنیکی مضبوطی کو اجاگر کرتا ہے۔
بابر اعظم کا سعید انور کے ریکارڈ کا برابر کرنا نہ صرف پاکستانی کرکٹ کے لیے ایک اور اعزاز ہے بلکہ یہ اس بات کا بھی ثبوت ہے کہ یہ رائٹ ہینڈر اپنی نسل کے بہترین بیٹرز میں نمایاں مقام رکھتا ہے۔
ذریعہ
ذریعہ: Jasarat News
پڑھیں:
کفایت شعاری اقدامات میں بڑا ریلیف ؛ مارکیٹوں کے اوقات کار میں توسیع
سٹی 42: کفایت شعاری اقدامات میں نائب وزیر اعظم نے مارکیٹوں کے اوقات کار بڑھا کر بڑا ریلیف دےدیا
ترجمان دفتر خارجہ کے مطابقنائب وزیرِ اعظم اسحاق ڈار نے آج وزارتِ خارجہ میں کفایت شعاری اقدامات کی نگرانی اور عملدرآمد سے متعلق کمیٹی کے اجلاس کی صدارت کی
کمیٹی نے جاری کفایت شعاری اقدامات کا جائزہ لیا ۔کمیٹی نے مارکیٹوں کے اوقاتِ کار، دن کے اوقات میں اضافے اور گرمیوں کے بلند درجۂ حرارت کو مدنظر رکھتے ہوئے کاروبار بند کرنے کے اوقات میں توسیع کا فیصلہ کیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
کمیٹی کے فیصلے کے مطابق دکانیں، بازار، شاپنگ مالز اور عمومی ریٹیل کاروبار رات 9:00 بجے تک کھلے رہیں گے۔کمیٹی کے فیصلے کے مطابق ریستوران، کیفے اور کھانے پینے کے مراکز رات 11:00 بجے تک کھلے رہیں گے۔
تاہم ٹیک اوے اور ڈیلیوری سروسز ان اوقات کار سے مستثنیٰ ہوں گی۔شادی ہالز اور تقریبات کے مقامات رات 10:00 بجے تک کھلے رہیں گے۔ضروری خدمات بشمول فارمیسی، ہسپتال، پٹرول پمپس، آئی ٹی اور ٹیلی کام سے متعلق خدمات کو بھی مستثنیٰ قرار دیا گیا ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
کمیٹی نے صوبائی حکومتوں کو ہدایت کی کہ وہ وفاقی حکام کے ساتھ رابطے میں رہتے ہوئے ان ہدایات پر مؤثر عملدرآمد کو یقینی بنائیں۔کمیٹی نے ایجنڈے میں شامل دیگر معاملات اور کیسز پر بھی غور کیا اور ان کی منظوری دی۔
اجلاس میں وفاقی وزراء برائے پیٹرولیم، موسمیاتی تبدیلی، اطلاعات، اور آئی ٹی و ٹیلی کام شریک ہوئے۔اجلاس میں وزیرِ اعظم کے معاونِ خصوصی برائے خزانہ؛ نائب وزیرِ اعظم کے معاونِ خصوصی بھی موجود تھے
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
سیکریٹریز تجارت، کابینہ، پیٹرولیم، اور آئی ٹی و ٹیلی کمیونیکیشنز؛ نیز صوبائی حکومتوں کے سینئر حکام نے بھی اجلاس میں شرکت کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ