27ویں ترمیم شفاف حکمرانی کے اصولوں کیخلاف ہے، جاوید قصوری
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
لاہور(وقائع نگارخصوصی)امیر جماعت اسلامی پنجاب محمد جاوید قصوری نے 27ویں آئینی ترمیم کی منظوری کو جمہوریت، پارلیمانی نظام اور آئینِ پاکستان کے بنیادی ڈھانچے کی نفی قرار دیتے ہوئے کہا ہے کہ یہ ترمیم نہ صرف عوامی حقوق اور شفاف حکمرانی کے اصولوں کے خلاف ہے بلکہ اس سے ملک کے اندر بداعتمادی اور طاقت کی کھینچا تانی میں مزید اضافہ ہوگا۔یہ ترمیم ایسے وقت میں لائی گئی ہے جب ملک معاشی بحران، سیاسی انتشار اور ادارہ جاتی کمزور یوں کا شکار ہے، اس لیے ایسے اقدامات ملک کو استحکام دینے کے بجائے مزید غیر یقینی کی طرف دھکیل دیں گے۔ان خیالات کا اظہار انہوں نے مختلف تقریبات سے خطاب کرتے ہوئے کیا۔ ان کا کہنا تھا کہ 27ویں آئینی ترمیم کو تیزی سے منظور کروانے کا عمل پارلیمانی روایات کے منافی ہے۔ ملک پہلے ہی معاشی ابتری اور مہنگائی کے شدید دباؤ میں پسا ہوا ہے۔ لاکھوں نوجوان بے روزگاری کا سامنا کر رہے ہیں، کاروباری سرگرمیاں سکڑ رہی ہیں اور عوام اپنی بنیادی ضروریات پوری کرنے سے قاصر ہیں۔ ایسے حالات میں پارلیمنٹ کی اولین ترجیح عوام کو ریلیف دینا ہونی چاہیے تھی، مگر بدقسمتی سے نظام کو مستحکم کرنے کی بجائے ایسے آئینی تجربات کیے جا رہے ہیں جو عوامی اعتماد کو مزید مجروح کریں گے۔انہوں نے کہا کہ عالمی اداروں کی رپورٹس کے مطابق پاکستان میں معاشی شرح نمو مسلسل کم ہو رہی ہے، افراطِ زر بلند ترین سطحوں پر ہے، جب کہ 40 فیصد سے زائد عوام خطِ غربت سے نیچے زندگی گزارنے پر مجبور ہیں۔انہوں نے خبردار کیا کہ سیاسی قوتیں اگر اسی طرح ایک دوسرے کو دیوار سے لگاتی رہیں گی تو نتیجہ قومی وحدت کی کمزوری اور عوام کے ریاستی اداروں سے اعتماد کے مکمل خاتمے کی صورت میں نکلے گا۔محمد جاوید قصوری نے مزید کہا کہ ملک کو بحرانوں سے نکالنے کا حل آئین کی بالادستی، شفاف انتخابات، مضبوط مقامی حکومتوں کے قیام اور کرپشن سے پاک نظام میں ہے۔ جب تک حکمران طبقہ اپنی سوچ تبدیل نہیں کرتا، پاکستان ترقی کی راہ پر گامزن نہیں ہو سکتا۔ جماعت اسلامی پاکستان کے عوام کے ساتھ ہے اور ان کے حقوق اور آئین کی حفاظت کے لیے ہر سطح پر اپنا کردار ادا کرتی رہے گی۔
ذریعہ
ذریعہ: Jasarat News
پڑھیں:
سمندری تجارت میں بہتری، کراچی اور گوادر بندرگاہوں کی اہمیت مزید بڑھ گئی
خلیج میں جاری کشیدگی اور بحری راستوں میں رکاوٹوں کے باعث پاکستان کی سمندری تجارت میں نمایاں بہتری دیکھنے میں آ رہی ہے، جس سے کراچی(Karachi) اور گوادر(Gwadar) بندرگاہوں کی اہمیت مزید بڑھ گئی ہے۔
عرب نیوز کے مطابق ہچیسن پورٹس پاکستان کا کہنا ہے کہ نیا کارگو کئی بحری جہازوں کے ذریعے پاکستان پہنچے گا، دو جہاز پہلے ہی بندرگاہ پر آ چکے ہیں، جبکہ تیسرا جہاز جون کے پہلے ہفتے میں پہنچنے کی امید ہے۔
کراچی میں ہچیسن پورٹس ٹرمینل 4 ہزار نئے ٹرانس شپمنٹ کارگو سنبھالے گا، جس کے بعد مارچ 2026 تک مجموعی تعداد 14,300 سے بڑھ جائے گی، خلیجی خطے میں رکاوٹوں کے باعث بین الاقوامی شپنگ کمپنیاں دوسرے راستے کے طور پر پاکستان کی بندرگاہوں کو اہمیت دے رہی ہیں۔
میری ٹائم حکام کے مطابق خلیج کے بحران کے باعث نہ صرف کراچی بلکہ گوادر پورٹ کے استعمال میں بھی نمایاں اضافہ ہوا ہے، جہاں سرگرمیاں 20 فیصد سے بڑھ کر 30 فیصد تک پہنچ گئی ہیں۔
مزیدپڑھیں:دنیا بھر میں غیر قانونی طور پر مقیم بھارتی شہری مختلف ممالک کیلیے وبال جان بن گئے
حکام کا کہنا ہے کہ گوادر پورٹ کو پرکشش بنانے کے لیے برتھنگ فیس میں 25 فیصد، بین الاقوامی ٹرانس شپمنٹ کارگو چارجز میں 40 فیصد اور ٹرانزٹ کارگو چارجز میں 31 فیصد کمی کی گئی ہے، تاہم سی پیک 2.0، علاقائی تجارتی راہداریوں اور نئی سرمایہ کاری سے گوادر پورٹ کی علاقائی اہمیت میں اضافے کی امید ہے۔
کراچی اور گوادر بندرگاہوں کی بڑھتی ہوئی سرگرمیاں پاکستان کے علاقائی لاجسٹکس اور ٹرانس شپمنٹ کا اہم مقام بننے کے لیے ایک اچھا اشارہ ہیں، پاکستان کا منفرد جغرافیائی محلِ وقوع کراچی، پورٹ قاسم اور گوادر کو خطے کے ابھرتے ہوئے تجارتی اور لاجسٹکس مقامات میں تبدیل کر رہا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ