سرگودھا: پولیس نے ہنی ٹریپ گینگ کی 3 خواتین کو گرفتار کرلیا
اشاعت کی تاریخ: 17th, November 2025 GMT
سرگودھا میں فیکٹری ایریا پولیس نے ہنی ٹریپ گینگ کی 3 خواتین کو گرفتار کرلیا۔
پولیس کے مطابق ملزمان شہری کی غیر اخلاقی ویڈیو بنا کر بلیک میل کرنے میں ملوث ہیں۔
پولیس کا مزید کہنا ہے کہ گینگ کی دیگر 7 خواتین کی گرفتاری کے لیے چھاپے مارے جا رہے ہیں۔
.
ذریعہ: Jang News
پڑھیں:
قومی کرکٹر نسیم شاہ کے گھر پر فائرنگ کا واقعہ، 3 ملزمان گرفتار
قومی کرکٹ ٹیم کے فاسٹ بولر نسیم شاہ کے گھر پر رواں ماہ لوئر دیر کے علاقے میاڑ میں ہونے والی فائرنگ کے معاملے میں پولیس نے 3 مشتبہ افراد کو گرفتار کرلیا۔
یہ واقعہ 10 نومبر کی علی الصبح پیش آیا جب نامعلوم افراد نے قریباً ڈیڑھ بجے کے قریب کرکٹر کے گھر کے مرکزی دروازے پر فائرنگ کی۔ حملے میں دروازوں، کھڑکیوں اور دیواروں پر گولیوں کے نشانات پڑ گئے، تاہم حملہ آور فوری طور پر فرار ہو گئے تھے اور نسیم شاہ کے اہل خانہ خوش قسمتی سے محفوظ رہے۔
مزید پڑھیں: قومی کرکٹر نسیم شاہ کے گھر پر نامعلوم افراد کی فائرنگ، مقدمہ درج
پولیس کے مطابق اس کیس کی تفتیش کے لیے ایک خصوصی ٹیم تشکیل دی گئی تھی جس کی سربراہی ایس پی انویسٹی گیشنز راشد احمد خان کر رہے تھے، جبکہ ٹیم میں ایس ڈی پی او جندول سرکل علیم خان، ایس ایچ او میاڑ ادریس خان اور سی آئی او حیات محمد خان بھی شامل تھے۔
مختلف سی سی ٹی وی ویڈیوز اور دیگر شواہد کا جائزہ لینے کے بعد پولیس نے بتایا کہ نسیم شاہ کے والد ظفر شاہ کی درج کردہ نامزدگی کی روشنی میں تینوں افراد کی شناخت ممکن ہوئی، جنہیں بعد ازاں گرفتار کر لیا گیا۔
تحقیقات کے دوران ملزمان نے اعترافِ جرم بھی کر لیا ہے، جبکہ پولیس کے مطابق حملے کا محرک مقامی خاندانوں کے درمیان زمین کے جھگڑے سے منسلک ہے۔
ایک پولیس اہلکار نے بتایا کہ واقعے سے چند دن قبل زمین کے مسئلے پر تناؤ بڑھ گیا تھا، اور حملے کے دن مخالف گروہ نے مبینہ طور پر اس وقت فائرنگ کی جب دوسرا فریق تنازع والی زمین پر گندم کاشت کر رہا تھا۔ چونکہ نسیم شاہ کی والدہ کے رشتہ دار انہی فریقین میں سے ایک سے تعلق رکھتے ہیں، اسی مناسبت سے ان کے گھر کو نشانہ بنایا گیا۔
مزید پڑھیں: چاولوں سے بھری پلیٹ کے ساتھ 7 اپ، فاسٹ بولر نسیم شاہ پر کڑی تنقید
حکام کا کہنا ہے کہ معاملے کی مزید تفتیش جاری ہے اور کسی بھی ناخوشگوار صورتحال سے بچنے کے لیے کرکٹر کے گھر کے اطراف سیکیورٹی میں اضافہ کر دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews فائرنگ کا واقعہ قومی کرکٹر ملزمان گرفتار نسیم شاہ وی نیوز
انفرادی ٹیکس دہندگان کیلیے آن لائن ریٹرن، ودہولڈنگ اسٹیٹمنٹ لازمی قرار، نوٹیفکیشن بھی جاری