پی ایس ایل میں 2 نئی ٹیمیں شامل کرنے کا فیصلہ، گلگت اور فیصل آباد مضبوط امیدوار
اشاعت کی تاریخ: 19th, November 2025 GMT
پاکستان کرکٹ بورڈ (پی سی بی) نے پاکستان سپر لیگ (پی ایس ایل) کے آئندہ ایڈیشن کے لیے دو نئی ٹیموں کا انتخاب حتمی شکل دے دی ہے۔ نئی متوقع ٹیموں کے نام گلگت اور فیصل آباد ہوں گے۔
یہ بھی پڑھیں:ملتان سلطانز نے پاکستان کرکٹ بورڈ کے خلاف عدالت جانے کا عندیہ دے دیا
میڈیا رپورٹس کے مطابق پی سی بی نے چند دن قبل حیدرآباد، سیالکوٹ، مظفرآباد، فیصل آباد، گلگت اور راولپنڈی کو شارٹ لسٹ کیا تھا۔ اب ان میں سے 2 شہروں کا انتخاب مکمل کرلیا گیا ہے۔
یہ پیشرفت ایسے وقت میں سامنے آئی ہے جب پی سی بی نے موجودہ پی ایس ایل فرنچائزز اور کلیدی کمرشل اثاثوں کی طویل عرصے سے رکی ہوئی ویلیوایشن بھی مکمل کرلی ہے۔
ادھر پی ایس ایل انتظامیہ اور ملتان سلطانز کے درمیان معاملات تاحال حل نہیں ہوسکے، اور اطلاعات کے مطابق فرنچائز کا مالک تبدیل ہونے کا امکان ہے، جس کے لیے جلد ہی بولی کا عمل شروع کیا جائے گا۔
نئی ٹیموں کی نیلامی کے عمل کا آغاز بھی جلد متوقع ہے، جسے لیگ کی تاریخ کی اہم ترین اسٹرکچرل تبدیلیوں میں سے ایک قرار دیا جا رہا ہے۔
یہ بھی پڑھیں:وزیراعظم شہباز شریف کا سری لنکا اور زمبابوے کی کرکٹ ٹیموں کے اعزاز میں ظہرانہ
یہ پیشرفت پی ایس ایل کے سی ای او سلمان ناصر کے گزشتہ بیان سے مطابقت رکھتی ہے، جنہوں نے اکتوبر میں پریس کانفرنس کے دوران کہا تھا کہ نئی ٹیموں کے لیے نیلامی ہوگی اور بولی دینے والوں کو مختلف شہروں کی فہرست فراہم کی جائے گی جن میں سے وہ انتخاب کریں گے۔
ان کا کہنا تھا کہ پی سی بی مستقبل میں پی ایس ایل کا دائرہ کار 4 روایتی شہروں سے آگے بڑھانا چاہتا ہے۔
انہوں نے بتایا کہ پشاور اسٹیڈیم کے لیز معاملات پر بھی پیشرفت جاری ہے، اور یہ نئے منصوبوں کا حصہ ہوں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پشاور اسٹیڈیم پی ایس ایل سلمان ناصر سیالکوٹ فیصل آباد گلگت بلتستان لاہور.
ذریعہ
ذریعہ: WE News
کلیدی لفظ: پشاور اسٹیڈیم پی ایس ایل سیالکوٹ فیصل ا باد گلگت بلتستان لاہور پی ایس ایل پی سی بی کے لیے
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
بھارت سے جنگ اور افغانستان میں کارروائی خارج ازامکان نہیں، وزیردفاع