ضابطہ اخلاق کی خلاف ورزی پر وزیراعظم کے معاون خصوصی اور انتخابی امیدوار کی طلبی
اشاعت کی تاریخ: 21st, November 2025 GMT
الیکشن کمیشن آف پاکستان نے ضمنی انتخاب این اے 185 ڈیرہ غازی خان کے سلسلے میں ضابطہ اخلاق کی خلاف ورزی پر وزیر اعظم کے معاون خصوصی حذیفہ رحمان اور امیدوار محمود قادر خان کو نوٹس جاری کرتے ہوئے اسلام آباد طلب کر لیا ہے۔ یہ معاملہ 2 نوٹسز کے بعد منظرِ عام پر آیا ہے، جن میں ایک صبح اور دوسرا شام کو جاری ہوا۔
ضابطہ اخلاق کی شق 18 کی خلاف ورزیالیکشن کمیشن کے نوٹس کے مطابق آئینِ پاکستان کے آرٹیکل 218(3) اور الیکشن ایکٹ 2017 کی دفعات 234 اور 48(c)(15) کے تحت جاری کیے گئے کوڈ آف کنڈکٹ کی شق 18 واضح طور پر پبلک آفس ہولڈرز کو انتخابی مہم میں شرکت سے روکتی ہے۔
اس شق میں صدر، وزیراعظم، وزرا، گورنرز، مشیروں، وزیراعلیٰ، میئر، ناظم اور ان کے نائبین کو انتخابی مہم میں حصہ لینے سے منع کیا گیا ہے۔
ڈی ایم او کی رپورٹڈسٹرکٹ مانیٹرنگ آفیسر نے 21 نومبر 2025 کو جمع کرائی گئی رپورٹ میں بتایا کہ حذیفہ رحمان نے بطور وزیراعظم کے معاون خصوصی این اے 185 کے امیدوار محمود قادر خان (پی ایم ایل این) کی انتخابی مہم میں حصہ لیا۔
رپورٹ کے مطابق یہ شمولیت جان بوجھ کر اور مکمل علم کے ساتھ کی گئی، جو ضابطہ اخلاق کی براہِ راست خلاف ورزی ہے۔
الیکشن کمیشن کی کارروائینوٹس میں واضح کیا گیا ہے کہ پبلک آفس ہولڈر کے ساتھ ساتھ وہ امیدوار بھی کارروائی کی زد میں آتا ہے، جس کی مہم میں خلاف ورزی کی گئی ہو۔ اسی ضابطے کے تحت دونوں فریقین کو طلب کیا گیا ہے۔
طلبی کا نوٹسالیکشن کمیشن نے حذیفہ رحمان اور امیدوار محمود قادر خان کو 24 نومبر 2025 کو صبح 11 بجے الیکشن کمیشن سیکریٹریٹ اسلام آباد میں پیش ہونے کی ہدایت کی ہے۔
یہ بھی پڑھیں:الیکشن کمیشن نے رانا ثنااللہ، طلال چوہدری، سہیل آفریدی سمیت کس کس کو طلب کیا ہے؟
دونوں سے تحریری وضاحت طلب کی گئی ہے کہ کیوں نہ ان کے خلاف الیکشن ایکٹ اور الیکشن رولز 2017 کے تحت قانونی کارروائی کی جائے، جس میں امیدوار کی نااہلی بھی شامل ہو سکتی ہے۔
دوسرا نوٹسذرائع کے مطابق یہ دوسرا نوٹس ہے جو معاون خصوصی حذیفہ رحمان کو ایک ہی دن میں جاری کیا گیا۔ پہلے نوٹس کی معلومات بھی اسی نوعیت کی خلاف ورزی سے متعلق تھیں۔
الیکشن قوانین کے مطابق، اگر کوئی پبلک آفس ہولڈر انتخابی مہم میں حصہ لے اور امیدوار کو غیرقانونی فائدہ پہنچا سکے، تو دونوں کے خلاف کارروائی لازم ہوتی ہے۔ اسی ضابطے کے تحت الیکشن کمیشن نے دونوں شخصیات کو طلب کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن حذیفہ رحمان معاون خصوصی نوٹس.
ذریعہ
ذریعہ: WE News
کلیدی لفظ: الیکشن کمیشن حذیفہ رحمان معاون خصوصی نوٹس ضابطہ اخلاق کی الیکشن کمیشن کی خلاف ورزی حذیفہ رحمان معاون خصوصی کے مطابق کیا گیا کے تحت طلب کی
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار