ہمیں جینے نہ دیا گیا تو پھر ہم آپ کو بھی نہیں رہنے دیں گے، اسد قیصر
اشاعت کی تاریخ: 29th, November 2025 GMT
پاکستان تحریک انصاف کے رہنما اور سابق اسپیکر قومی اسمبلی اسد قیصر نے کہا ہے کہ ہم آئین اور قانون پر یقین رکھنے والے لوگ ہیں، اگر ہمیں جینے نہیں دیا گیا تو پھر ہم آپ کو بھی جینے نہیں دیں گے۔
خیبرپختونخوا کے ضلع صوابی میں بس اسٹینڈ ٹوپی کی افتتاحی تقریب میں اظہار خیال کرتے ہوئے اسد قیصر نے کہا کہ ہم آئین اور قانون کو ماننے والے لوگ اور اسی پر عمل کرتے ہیں، ہم آئین و قانون کو ایک موقع اور دے رہے ہیں۔
انہوں نے کہا کہ ہمیں دیوار سے نہ لگایا جائے، اگر ہمیں جینے نہیں دیں گے تو ہم آپ کو بھی جینے نہیں دیں گے۔ عمران خان اس ملک کے سابق وزیراعظم ہیں اُن کے ساتھ ناروا سلوک کیا جارہا ہے اور ملاقات کی اجازت نہیں دی جارہی۔
اسد قیصر نے کہا کہ بانی سے ان کے خاندان اور وزیر اعلی خیبر پختونخوا کی ملاقات نہیں کروائی جا رہی جبکہ جیل مینوئل کے مطابق تمام قیدیوں کی ملاقاتیں کروائی جاتی ہیں۔
اسد قیصر نے کہا کہ افغانستان کے ساتھ جنگ نہیں بلکہ سفارت کاری کو موقع دیا جائے، جن ممالک نے امن کے لیے کوششیں شروع کی ہیں، ان سے مطالبہ ہے کہ اپنی کوششیں جاری رکھیں۔
انہوں نے کہا کہ خیبرپختونخوا میں ہم مزید جنگوں کے متحمل نہیں ہو سکتے۔ جس کے پاس تھوڑا بہت پیسہ تھا، انہوں نے اپنا کاروبار یہاں سے شفٹ کر دیا، ہمارے صوبے کے ساتھ ہمیشہ سوتیلی ماں کا سلوک کیا جارہا ہے۔
انہوں نے کہا کہ جنگ کی وجہ سے ہمارے کاروبار اور گھر اجڑ گئے، کیا پشاور کا تاجر لاہور اور کراچی کے تاجر کا مقابلہ کر سکتا ہے؟ جب تک افغانستان اور سینٹرل ایشیا کے ساتھ تجارت نہیں ہوگی، ہم لاہور اور کراچی کا مقابلہ نہیں کر سکتے۔
اُن کا کہنا تھا کہ اب ہمارے علاقے میں ایک نئی جنگ کی بنیاد رکھی جا رہی ہے، ہم جنگوں سے تنگ آچکے ہیں اور انہیں مزید کسی صورت بھی برداشت نہیں کریں گے۔
.
ذریعہ: Express News
کلیدی لفظ: اسد قیصر نے کہا جینے نہیں نے کہا کہ انہوں نے کے ساتھ دیں گے
پڑھیں:
پی ٹی آئی نے کبھی کسی صوبے پر حملہ نہیں کیا، بیرسٹر گوہر
پشاور – پاکستان تحریک انصاف (پی ٹی آئی) کے چیئرمین بیرسٹر گوہر نے پشاور میں جلسے سے خطاب کرتے ہوئے کہا کہ پارٹی نے کبھی کسی صوبے پر حملہ یا چڑھائی نہیں کی اور آئندہ بھی ایسا نہیں کرے گی۔
انہوں نے ہری پور ضمنی انتخابات کے حوالے سے اظہار مایوسی کرتے ہوئے کہا کہ دھاندلی کے باوجود ہم اپنی جدوجہد جاری رکھیں گے۔
اسی موقع پر وزیراعلیٰ خیبر پختونخوا سہیل آفریدی نے کہا کہ کچھ عناصر چاہتے ہیں کہ ملک میں آئین اور قانون کی بالادستی متاثر ہو، لیکن ہم پرامن رہیں گے اور اپنا حق کسی کو کھل کر نہیں دیں گے۔
دوسری جانب صوابی میں گفتگو کرتے ہوئے پی ٹی آئی کے رہنما اسد قیصر نے الزام لگایا کہ ہری پور انتخابات میں بدترین دھاندلی ہوئی۔
اسد قیصر نے حکومت کی معاشی پالیسیوں پر بھی تنقید کی اور بتایا کہ بے روزگاری کی شرح 7.1 فیصد تک پہنچ گئی ہے۔ انہوں نے آئی ایم ایف کے اعداد و شمار کا حوالہ دیتے ہوئے کہا کہ گزشتہ تین سال میں 5,300 ارب روپے کی کرپشن ہوئی، اور مطالبہ کیا کہ نیب اس کرپشن کی آزادانہ تحقیقات کرے۔
غزہ: اسرائیل نے مزید24 فلسطینی شہید کر دیے‘ حماس کی امریکا سے مداخلت کی اپیل،حملے امن معاہدے کی کھلی خلاف ورزی ہیں‘ پاکستان