اچھی جمہوریت میڈیا کی آزادی کے ساتھ کامیاب ہوتی ہے، شرجیل میمن
اشاعت کی تاریخ: 6th, December 2025 GMT
تقریب سے خطاب میں سینئر صوبائی وزیر کا کہنا تھا کہ ملک میں نفرت کی آگ پھیلائی گئی، ڈی جی آئی ایس پی آر کی پریس کانفرنس صحیح تھی، باہر سے بیٹھ کر سوشل میڈیا پر ٹرولنگ کی گئی، یہ لوگ بیرون ملک سے ٹویٹ کرتے ہیں۔ اسلام ٹائمز۔ صوبائی وزیر سندھ شرجیل انعام میمن نے کہا ہے کہ دنیا بھر میں پرنٹ میڈیا کو سخت مشکلات کا سامنا ہے۔ تفصیلات کے مطابق شرجیل میمن کا کہنا تھا کہ پہلے لوگوں کی اخباروں سے اب موبائل سے صبح ہوتی ہے، سوشل میڈیا پر خبریں چوبیس گھنٹے چھپتی ہیں، الیکٹرانک میڈیا نے اخبار کو ٹف ٹائم دیا۔ انہوں نے کہا تاہم ہم چاہتے ہیں کہ اخبار کے شعبے کو ترقی ملے، سوشل میڈیا پر بیشتر خبریں غلط ہوتی ہیں، ٹی وی پر بھی بریکنگ کے چکر میں دوڑ لگی رہتی ہے، ہماری کوشش ہے کہ اخباروں کو مضبوط کریں۔ انہوں نے کہا کہ پیپلز پارٹی نے ہمیشہ کوشش کی ہے کہ میڈیا پھلے پھولے، اچھی جمہوریت میڈیا کی آزادی کے ساتھ کامیاب ہوتی ہے، پی پی پی مشکل ادوار میں میڈیا کے ساتھ کھڑی رہی ہے۔
صوبائی وزیر کا کہنا تھا کہ کچھ ادوار میں پی پی بدترین میڈیا ٹرائل کا شکار رہی ہے، پیپلز پارٹی نے کبھی بدلہ لینے والی سیاست نہیں کی، ہر دور میں میڈیا میں مختلف اینکرز کو آف ایئر کرایا جاتا تھا۔ شرجیل میمن نے بانی پی ٹی آئی کے حوالے سے کہا کہ جھوٹ بول بول کر ملک کے خلاف بیانیہ چلایا گیا، بانی پی ٹی آئی جنرل باجوہ کو تاحیات توسیع دینے کی بات کرتا تھا۔ صوبائی وزیر نے کہا کہ ملک میں نفرت کی آگ پھیلائی گئی، ڈی جی آئی ایس پی آر کی پریس کانفرنس صحیح تھی، باہر سے بیٹھ کر سوشل میڈیا پر ٹرولنگ کی گئی، یہ لوگ بیرون ملک سے ٹویٹ کرتے ہیں۔ شرجیل میمن نے کہا کہ ملک کو نقصان پہنچانے کی یہ ناکام سازش ہے جو کامیاب نہیں ہوگی۔
ذریعہ: Islam Times
کلیدی لفظ: سوشل میڈیا پر شرجیل میمن نے کہا کہا کہ
پڑھیں:
دنانیر کا بنکاک ٹرپ! خوبصورت تصاویر نے سوشل میڈیا پر دھوم مچا دی
مشہور سوشل میڈیا سٹار اور اداکارہ دنانیر مبین نے اپنے حالیہ بنکاک ٹرپ کی دلکش تصاویر شیئر کر کے ایک بار پھر مداحوں کی توجہ اپنی جانب کھینچ لی۔اداکارہ دنانیر نے انسٹاگرام پر خوبصورت مقامات پر لی گئی تصاویر کا دلکش مجموعہ پوسٹ کیا جن میں ان کا بااعتماد انداز، پرسکون مسکراہٹ اور نیچرل لک واضح ہے۔شیئر کی گئی ہر تصاویر میں دنانیر کا سادہ مگر خوبصورت میک اَپ، نرم لہردار بال اور چہرے کی قدرتی چمک مداحوں کو بےحد پسند آئی، پوسٹ دیکھتے ہی فینز نے محبت اور تعریفوں کے ڈھیر لگا دیئے۔کسی نے انہیں خوبصورت گڑیا کہا تو کسی نے خوشی کا اظہار کرتے ہوئے لکھا کہ یہ تو ان کی سالگرہ کے مہینے کا بہترین آغاز ہے، کئی مداحوں نے ان کے انداز اور شخصیت کو سراہتے ہوئے دعاؤں سے بھی نوازا۔دوسری جانب دنانیر نے ایک اور تصویروں کا خوبصورت کیراؤسل پوسٹ کیا جس میں انہوں نے لکھا کہ "یہ گلاس وائب" ہے جس پر صارفین نے تبصرہ کیا کہ آپ پر یہ پیارے چشمے بہت دلکش لگ رہے ہیں۔واضح رہے کہ دنانیر مبین نے اپنی اداکاری، منفرد انداز اور وائرل ویڈیوز کے ذریعے کم وقت میں بے پناہ شہرت حاصل کی، نوجوانوں میں ان کی مقبولیت نے انہیں ملک کی نمایاں سوشل میڈیا سٹارز میں شامل کر دیا ہے اور انسٹاگرام سمیت مختلف پلیٹ فارمز پر لاکھوں فالوورز ان کے مداح ہیں۔
بہنیں صرف اسلیے بچی ہوئی ہیں کہ عمران خان پھر روئیں گے، میری بہنوں کو اندر کردیا، عطا تارڑ