بائنانس کی اعلیٰ قیادت کا پاکستان دورہ، وزیراعظم اور آرمی چیف سے اہم ملاقاتیں
اشاعت کی تاریخ: 6th, December 2025 GMT
بین الاقوامی کرپٹو ایکسچینج کمپنی بائنانس کی سینئر قیادت نے پاکستان کا دورہ کیا، جس دوران وفد نے وزیراعظم شہباز شریف اور چیف آف ڈیفنس اسٹاف فیلڈ مارشل عاصم منیر سے ملاقاتیں کیں۔ ملاقاتوں میں ڈیجیٹل اثاثہ جات کے قواعد و ضوابط کو مؤثر اور مضبوط بنانے پر اتفاق کیا گیا۔
بائنانس کے وفد کی قیادت گلوبل سی ای او رچرڈ ٹینگ کر رہے تھے، اور وفد کے ہمراہ چیئرمین پاکستان ورچوئل ایسٹ ریگولیٹری اتھارٹی (PVARA) بلال بن ثاقب بھی موجود تھے، جنہوں نے وفد کو اپنے ادارے کی ذمہ داریوں، کارکردگی اور ڈیجیٹل اثاثوں کی ریگولیشن میں پیش رفت پر بریفنگ دی۔
بائنانس دنیا کی سب سے بڑی کرپٹو ایکسچینج کمپنیوں میں شمار ہوتی ہے اور عالمی سطح پر ڈیجیٹل ٹریڈنگ پلیٹ فارم کے طور پر سرگرم ہے۔ ملاقات کے دوران دونوں فریقین نے پاکستان میں کرپٹو مارکیٹ کی ترقی اور ضابطہ کاری کے حوالے سے مستقبل کے اقدامات پر بات چیت کی۔
ذریعہ: Daily Mumtaz
پڑھیں:
بلوچستان: بیرونِ ملک دہشت گرد قیادت کیخلاف گھیرا تنگ، بڑے کریک ڈاؤن کی منظوری
بلوچستان حکومت نے دہشتگردی کی کارروائیوں میں ملوث بیرونِ ملک بیٹھے کالعدم تنظیموں کے سربراہان، کمانڈرز اور 300 سے زائد دہشتگردوں کے خلاف بڑے پیمانے پر کارروائی کا فیصلہ کرلیا ہے۔
وزیرِاعلیٰ بلوچستان میر سرفراز بگٹی کی زیر صدارت صوبائی سطح کے ایک اعلیٰ اجلاس میں دہشت گرد نیٹ ورکس کے مکمل خاتمے کے لیے سخت اور غیرمعمولی اقدامات کی منظوری دی گئی۔
اجلاس میں حکام نے کالعدم بی ایل اے، بی ایل ایف، یو بی اے، بی آر جی اور لشکر بلوچستان کے رہنماؤں کے مقامی سہولت کاروں سے روابط، کال ریکارڈنگز اور دیگر شواہد پر تفصیلی بریفنگ دی۔
یہ بھی پڑھیں:بلوچستان میں 2 کارروائیوں کے دوران 18 بھارتی سرپرست دہشتگرد ہلاک
وزیرِاعلیٰ نے متعلقہ اداروں کو ہدایت کی کہ درج مقدمات کی پروسیکیوشن تیز کی جائے اور وفاقی وزارتِ داخلہ و وزارتِ خارجہ کی مدد سے انٹرپول کے ذریعے ریڈ نوٹسز جاری کرنے کی کارروائی کو فوری طور پر آگے بڑھایا جائے۔
وزیرِاعلیٰ نے کہا کہ دہشت گردی میں ملوث اندرون و بیرون ملک ہرعنصر کے خلاف مؤثراور فیصلہ کن کارروائی ناگزیر ہوچکی ہے۔
’بلوچستان کی سرزمین پر خون بہانے والوں کو دنیا کے کسی کونے میں چھپنے نہیں دیں گے۔‘
مزید پڑھیں: شہریوں کے معمولات زندگی میں رکاوٹ ڈالنے پر سخت کارروائی ہوگی، محکمہ داخلہ بلوچستان کا انتباہ
انہوں نے مزید کہا کہ سیاسی لبادہ اوڑھے کالعدم تنظیموں کے بیرون ملک بیٹھے سربراہان اور کمانڈرز کا اصل چہرہ دنیا کے سامنے لانا ریاست کی ذمہ داری ہے۔
اجلاس میں انسدادِ دہشت گردی کے نئے قوانین کے تحت کارروائیاں تیز کرنے، محکمہ داخلہ کے تحت قائم پروونشل ایکشن پلان سیل کو مزید متحرک کرنے اور تمام دہشت گرد تنظیموں کے رہنماؤں اور سہولت کاروں کی مکمل فہرست مرتب کرنے کی ہدایات بھی جاری کی گئیں۔
وزیرِاعلیٰ نے کہا کہ دستیاب شواہد کو ریکارڈ کا حصہ بنا کر وفاقی حکومت کی مدد سے ہر بین الاقوامی فورم پر پیش کیا جائے گا تاکہ عالمی سطح پر مؤثر قانونی کارروائی کی جاسکے۔
مزید پڑھیں: سیاست میں ملوث سرکاری ملازم کے خلاف بیڈا ایکٹ کے تحت کارروائی ہوگی، وزیراعلیٰ بلوچستان
انہوں نے واضح کیا کہ ریاست کی رٹ کو چیلنج کرنے والے عناصر کے خلاف آپریشن اب فیصلہ کن مرحلے میں داخل ہوچکا ہے۔
وزیرِاعلیٰ میر سرفراز بگٹی نے اپنے عزم کا اظہار کرتے ہوئے کہا کہ بلوچستان مزید کسی غیر ملکی ایجنڈے کا شکار نہیں ہوگا۔
’ریاست دشمنوں کے خلاف زیرو ٹالرنس کی پالیسی اختیار کی جائے گی اور آخری سہولت کار تک پیچھا کیا جائے گا۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انٹرپول بلوچستان بی ایل اے دہشتگردی ریڈ نوٹس زیرو ٹالرنس سرفراز بگٹی کالعدم تنظیم وزارت خارجہ وزارت داخلہ وزیر اعلی
انڈر 17 ایشین کپ کوالیفائر: پاکستان نے گوام کیخلاف تاریخی فتح حاصل کرلی