آسٹریلیا کی دوسری فتح: انگلینڈ کو 8 وکٹوں سے شکست، ایشیز میں 0-2 برتری
اشاعت کی تاریخ: 7th, December 2025 GMT
آسٹریلیا نے ایشیز سیریز کے دوسرے ڈے نائٹ ٹیسٹ میں انگلینڈ کو 8 وکٹوں سے شکست دے کر 5 میچوں کی سیریز میں 0-2 کی برتری حاصل کرلی ہے۔
میزبان ٹیم کی اس پوزیشن کو نہایت مضبوط اور انگلینڈ کے لیے خطرے کی گھنٹی قرار دیا جا رہا ہے۔
یہ بھی پڑھیں: ’پچ‘ سے متعلق نامناسب تبصرہ، عثمان خواجہ کیخلاف ’کوڈ آف کنڈکٹ‘ کے تحت کارروائی کا امکان
میچ کے چوتھے روز انگلینڈ نے اپنی دوسری اننگز 134 رنز 6 کھلاڑی آؤٹ سے دوبارہ شروع کی، جبکہ وہ اب بھی 43 رنز کے خسارے میں تھا۔
Dominant in Brisbane! ????????
Australia cruise to a convincing win over England to go 2-0 up in the Ashes 2025/26 ????????
ENG – 334 & 241
AUS – 511 & 69/2 #Ashes #AUSvENG pic.
— ThePapare (@ThePapareSports) December 7, 2025
کپتان بین اسٹوکس نے مزاحمت کرتے ہوئے 50 رنز کی اننگز کھیلی اور ول جیکس نے بھی 41 رنز بنا کر اہم کردار ادا کیا۔
دونوں بلے بازوں کی بدولت انگلینڈ آسٹریلیا کو محض 65 رنز کا ہدف دینے میں کامیاب ہوا۔
جواب میں آسٹریلیا نے مطلوبہ ہدف بآسانی 2 وکٹوں کے نقصان پر حاصل کرلیا۔
مزید پڑھیں: آسٹریلوی اسپنر نیتھن لیون نے ’سانگ ماسٹر‘ کا کردار ایلکس کیری کے سپرد کردیا
تجربہ کار اسٹیو اسمتھ نے چھکا لگا کر میچ کا اختتام کیا اور ٹیم کو شاندار فتح دلاتے ہوئے انگلش کیمپ میں تشویش کی فضا گہری کر دی۔
ایشیز سیریز روایتی حریفوں آسٹریلیا اور انگلینڈ کے درمیان دنیا کی قدیم ترین اور سخت ترین ٹیسٹ کرکٹ رقابت سمجھی جاتی ہے۔
مزید پڑھیں:وسیم اکرم اب بھی سب سے عظیم، آسٹریلوی فاسٹ بولر مچل اسٹارک کی عاجزی
اس سیریز کے پہلے ٹیسٹ میں بھی آسٹریلیا نے عمدہ کارکردگی دکھاتے ہوئے کامیابی حاصل کی تھی، جس کے بعد اب 0-2 کی برتری نے انگلش ٹیم پر شدید دباؤ بڑھا دیا ہے۔
انگلینڈ کو اگر سیریز میں واپسی کرنی ہے تو 17 دسمبر سے ایڈیلیڈ میں شروع ہونے والا تیسرا ٹیسٹ ان کے لیے فیصلہ کن حیثیت رکھتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا اسٹیو اسمتھ انگلینڈ ایڈیلیڈ ایشیز سیریز بین اسٹوکس ٹیسٹ کرکٹ
ذریعہ
ذریعہ: WE News
کلیدی لفظ: ا سٹریلیا اسٹیو اسمتھ انگلینڈ ایڈیلیڈ ایشیز سیریز بین اسٹوکس ٹیسٹ کرکٹ
پڑھیں:
گلاسگو کی فضاؤں میں دیو ہیکل ڈریگن کی پرواز، وائرل ویڈیوز نے سب کو دنگ کردیا
اگر آپ نے اب تک صرف فلموں اور ٹی وی سیریز میں آسمان پر اڑتے ہوئے ڈریگن دیکھے ہیں تو اسکاٹ لینڈ کے شہر گلاسگو میں حقیقت سے قریب ایک ایسا ہی حیرت انگیز منظر لوگوں کی آنکھوں کے سامنے آگیا۔ شہر کی فضاؤں میں ’’ہاؤس آف دی ڈریگن‘‘ کا مشہور ڈریگن سائریکس (Syrax) پرواز کرتا دکھائی دیا، جس نے دیکھنے والوں کو حیرت میں مبتلا کردیا۔
2026 کامن ویلتھ گیمز کی افتتاحی تقریب سے قبل گلاسگو کے دریائے کلائیڈ، ایس ای سی آرماڈیلو اور او وی او ہائیڈرو کے اوپر آٹھ میٹر طویل دیو ہیکل ڈریگن نے فضائی چکر لگائے۔ ایسا محسوس ہو رہا تھا جیسے مشہور فینٹسی سیریز کا منظر حقیقت میں تبدیل ہوگیا ہو۔
یہ فلائنگ ماڈل دراصل ’ایچ بی او‘ کی مقبول سیریز ’ہاؤس آف دی ڈریگن‘ میں رینیرا ٹارگرین کے ڈریگن سائریکس کی ہوبہو نقل ہے، جسے سیریز میں استعمال ہونے والے تھری ڈی اسکینز کی مدد سے انتہائی حقیقت پسندانہ انداز میں تیار کیا گیا۔
View this post on Instagramاس منفرد شاہکار کی تیاری میں 14 ماہرین نے مسلسل تین ماہ تک کام کیا اور تقریباً 3 ہزار گھنٹے صرف کیے۔ صرف 13 کلوگرام وزنی اس ڈریگن کو کاربن فائبر، ایلومینیم اور خصوصی فوم سے بنایا گیا، جبکہ اس کے پروں، سر اور دم سمیت 23 متحرک حصے اسے زندہ مخلوق جیسی حرکات کرنے کے قابل بناتے ہیں۔ اس کی ٹانگوں میں نصب جدید پروپلشن سسٹم نے اسے حقیقی پرواز ممکن بنانے میں اہم کردار ادا کیا۔
منتظمین کے مطابق یہ دنیا کا اپنی نوعیت کا سب سے بڑا اڑنے والا ڈریگن ماڈل ہے، جسے خاص طور پر گلاسگو 2026 کامن ویلتھ گیمز کے استقبال اور کھیلوں، جدید ٹیکنالوجی اور فینٹسی کی دنیا کو ایک ساتھ پیش کرنے کے لیے تیار کیا گیا۔
https://www.facebook.com/stvnews/videos/syrax-the-dragon-of-rhaenyra-targaryen-played-by-emma-darcy-has-been-spotted-fly/28747469711519864/واضح رہے کہ 23 جولائی سے شروع ہونے والے کامن ویلتھ گیمز کی تمام مقابلے برطانیہ اور آئرلینڈ میں ایچ بی او میکس پر براہِ راست نشر کیے جائیں گے، جبکہ نشریاتی کوریج ٹی این ٹی اسپورٹس فراہم کرے گا۔ منتظمین کا کہنا ہے کہ اس بار شائقین کو جدید ٹیکنالوجی، خصوصی چینلز اور کھیلوں کے ماہرین کی بڑی ٹیم کے ساتھ ایک منفرد اور پہلے سے مختلف نشریاتی تجربہ فراہم کیا جائے گا۔
https://www.facebook.com/stvnews/videos/did-you-see-a-dragon-flying-over-glasgowa-dragon-from-game-of-thrones-prequel-ho/2166414303916270/
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار