بنگلہ دیش: ’نیشنل سٹیزن پارٹی‘ کی تنقید پر جماعت اسلامی میں غم و غصہ، بیان کو گمراہ کن قرار دے دیا
اشاعت کی تاریخ: 7th, December 2025 GMT
بنگلہ دیش جماعتِ اسلامی نے نیشنل سٹیزن پارٹی (این سی پی) کے رہنما اختر حسین کے حالیہ بیان کی شدید مذمت کرتے ہوئے اسے جھوٹا، من گھڑت اور گمراہ کن قرار دیا ہے۔
یہ ردِعمل جماعت اسلامی کے اسسٹنٹ سیکریٹری جنرل ایڈووکیٹ زبیر نے مرکزی شعبہ نشرواشاعت کے پلیٹ فارم سے جاری کیا۔
مزید پڑھیں: بنگلہ دیش: جماعت اسلامی اور اتحادیوں کا ریفرنڈم میں اصلاحات کی حمایت کا اعلان
بیان کے مطابق اختر حسین نے 6 دسمبر کو ایک پروگرام کے دوران جماعتِ اسلامی پر مسلح سیاست اور ہتھیاروں کی مشقیں کروانے کا الزام لگایا تھا۔
ایڈووکیٹ زبیر نے ان الزامات کو یکسر بے بنیاد قرار دیتے ہوئے کہاکہ جماعتِ اسلامی ایک ذمہ دار، پُرامن اور منظم سیاسی جماعت ہے جو بنگلہ دیش میں قانون کی حکمرانی، امن، نظم اور جمہوری اقدار کی پابند ہے۔
انہوں نے کہاکہ ہماری تاریخ اور سیاسی کردار ان بے سروپا الزامات کی ہرگز تائید نہیں کرتے۔ یہ ریمارکس مکمل طور پر بےبنیاد، من گھڑت اور سیاسی مقاصد کے تحت دیے گئے ہیں۔
انہوں نے مزید کہاکہ حالیہ عوامی بغاوت کے بعد جماعتِ اسلامی نے ملک میں سیاسی استحکام برقرار رکھنے کے لیے بردباری اور صبر کا مظاہرہ کیا ہے۔
’بنگلہ دیش کے عوام بخوبی جانتے ہیں کہ جماعت تشدد یا غیر قانونی سرگرمیوں پر یقین نہیں رکھتی۔ ایک بڑے سیاسی رہنما کی جانب سے ایسے گمراہ کن بیانات دینا نہایت افسوسناک اور غیر منطقی ہے۔ یہ صرف سستی سیاست کی عکاسی کرتا ہے۔‘
ایڈووکیٹ زبیر نے امید ظاہر کی کہ اختر حسین اپنا بے بنیاد بیان واپس لیں گے اور ذمہ داری کا مظاہرہ کریں گے۔
مزید پڑھیں: بنگلہ دیش: جماعتِ اسلامی خواتین ونگ کا کارکنان کے ساتھ ہراسانی کے واقعات پر شدید احتجاج
انہوں نے خبردار کیا کہ انتشار پھیلانے والی، اشتعال انگیز اور جھوٹی باتیں قوم کے لیے مفید نہیں ہوتیں۔ ’کوئی بھی جھوٹے بیانات کے ذریعے عوام کو گمراہ نہیں کر سکتا۔‘
بیان میں میڈیا، سیاسی حلقوں اور عوام سے اپیل کی گئی ہے کہ ایسے گمراہ کن پروپیگنڈے اور غلط معلومات سے ہوشیار رہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اختر حسین بنگلہ دیش جماعت اسلامی نیشنل سٹیزن پارٹی وی نیوز.
ذریعہ
ذریعہ: WE News
کلیدی لفظ: بنگلہ دیش جماعت اسلامی نیشنل سٹیزن پارٹی وی نیوز جماعت اسلامی بنگلہ دیش گمراہ کن
پڑھیں:
ٹرمپ کے وار پاورز محدود؛ امریکی پارلیمان نے ایران جنگ روکنے کی قرارداد منظور کرلی
امریکی ایوانِ نمائندگان نے صدر ڈونلڈ ٹرمپ کو ایران کے ساتھ جاری فوجی تنازع سے امریکی افواج واپس بلانے کی ہدایت دینے والی وار پاورز قرارداد دوبارہ منظور کرلی۔
عالمی خبر رساں ادارے کے مطابق یہ قرارداد اپوزیشن جماعت ڈیموکریٹ کی رکنِ کانگریس پرامیلا جے پال کی جانب سے پیش کی گئی جس کے حق میں 214 جب کہ مخالفت میں 208 ووٹ پڑے۔
رائے شماری میں اپوزیشن جماعت ڈیموکریٹ کے تمام اراکین نے قرارداد کی حمایت کی جب کہ حکمراں جماعت ریپبلکن کے 5 ارکان نے بھی پارٹی پالیسی کے برعکس ووٹ دیتے ہوئے قرارداد کے حق میں رائے دی۔
خیال رہے کہ یہ دوسری بار ہے کہ ایوانِ نمائندگان نے اسی نوعیت کی قرارداد منظور کی ہے۔ گزشتہ ماہ بھی ایوان نے ایسی ہی ایک قرارداد منظور کی تھی جسے بعد میں سینیٹ نے بھی منظور کر لیا تھا۔
اگرچہ قرارداد کی منظوری سیاسی لحاظ سے اہم سمجھی جا رہی ہے تاہم اس کی قانونی حیثیت محدود ہے۔ ٹرمپ انتظامیہ کا مؤقف ہے کہ اس قسم کی وار پاورز قراردادیں آئین سے مطابقت نہیں رکھتیں اور صدر بطور کمانڈر اِن چیف قومی سلامتی کے معاملات میں فوجی فیصلے کرنے کا اختیار رکھتے ہیں۔
ووٹنگ سے قبل ہونے والی بحث میں ایوانِ خارجہ امور کمیٹی کے سرکردہ ڈیموکریٹ رکن گریگ میکس نے کہا کہ صدر ٹرمپ نے کانگریس کی پیشگی منظوری کے بغیر ایران کے خلاف فوجی کارروائی کر کے امریکی قانون اور آئینی تقاضوں کی خلاف ورزی کی ہے۔
یہ قرارداد ایسے وقت منظور ہوئی جب یمن کے حوثیوں کے بحیرہ احمر میں سعودی آئل ٹینکرز پر حملوں کے بعد عالمی منڈی میں خام تیل کی قیمتیں 100 ڈالر فی بیرل سے تجاوز کرچکی ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار