تحقیقاتی صحافی مجاہد حسین کا بےنظیر بھٹو کی 18ویں برسی پر خصوصی انٹرویو
اشاعت کی تاریخ: 27th, December 2025 GMT
سینیئر تحقیقاتی صحافی مجاہد حسین کا کہنا تھا کہ کئی عالمی اداروں نے بے نظیر بھٹو کے قتل پر تحقیقات کی ہیں، مگر خود پیپلز پارٹی اس معاملے پر پیچھے ہٹ چکی ہے۔ اس کی بنیادی وجہ یہی ہے کہ اگر وہ ان تحقیقات کو افشا کرے گی تو اسے اسکی قیمت ادا کرنا پڑے گی، حتیٰ کہ پارٹی کی بقاء تک چیلنج ہو جائے گی۔ متعلقہ فائیلیںمجاہد حسین پاکستان کے ایک مقتدر تحقیقاتی صحافی اور مصنف ہیں، جنہیں حساس ترین موضوعات پر گہری تحقیق اور بے باک تجزیہ نگاری کے لیے جانا جاتا ہے۔ ان کی پہچان کا ایک بڑا حوالہ ان کی مشہورِ زمانہ کتاب "پنجابی طالبان" ہے، جس میں انہوں نے پاکستان کے سب سے بڑے صوبے میں موجود عسکریت پسند نیٹ ورکس، ان کی نرسریوں اور مقامی اثر و رسوخ کو دستاویزی شکل میں پیش کرکے علمی اور صحافتی حلقوں میں ہلچل مچا دی تھی۔ وہ محض سطحی رپورٹنگ کے بجائے زیرِ زمین کام کرنے والی قوتوں اور سیاسی ڈھانچوں کے باہمی تعلق کو سامنے لانے میں مہارت رکھتے ہیں۔ مجاہد حسین نے اپنی متعدد کتب، جیسے کہ بینظیر بھٹو کے قتل کی تحقیقات اور پاکستان میں دہشت گردی کے پسِ پردہ محرکات کے ذریعے ہمیشہ طاقتور حلقوں اور پیچیدہ نظاموں کو چیلنج کیا ہے۔ ان کا کام خاص طور پر ان سیاسی قتلوں اور سازشوں کے گرد گھومتا ہے، جنہوں نے پاکستان کی تاریخ کا رخ موڑا۔ ایک نڈر صحافی کے طور پر وہ حقائق کو بغیر کسی لگی لپٹی کے بیان کرنے کے عادی ہیں، یہی وجہ ہے کہ ان کی تحریروں کو پاکستان کی سیاسی تاریخ اور سکیورٹی معاملات کو سمجھنے کے لیے ایک مستند ماخذ سمجھا جاتا ہے۔ انہوں بلاسفیمی کیسز پر بھی بھرپور آواز اٹھائی ہے، متاثرہ خاندانوں کی آواز کو بلند کیا ہے، سینیئر صحافی نادر بلوچ نے مجاہد حسین سے محترمہ بےنظیر بھٹو کی اٹھارہویں برسی کے موقع پر خصوصی انٹرویو ہے، جو پیش خدمت ہے۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.
youtube.com/@ITNEWSUrduOfficial
ذریعہ
ذریعہ: Islam Times
کلیدی لفظ: مجاہد حسین
پڑھیں:
بلاول بھٹو زرداری کی فیلڈ مارشل کی امن کوششوں کیلئے دعا
گلگت: بلاول بھٹو زرداری نے کہا ہے کہ وہ دعا گو ہیں کہ جنگ کے خاتمے کے لیے فیلڈ مارشل کی کوششیں کامیاب ہوں کیونکہ خطے اور دنیا میں امن کا قیام وقت کی اہم ضرورت ہے۔
گلگت بلتستان میں انتخابی جلسے سے خطاب کرتے ہوئے بلاول بھٹو زرداری نے کہا کہ ایران میں ایک اسکول پر میزائل حملے کے نتیجے میں معصوم بچوں کی شہادت افسوسناک ہے۔ ان کا کہنا تھا کہ جنگ کا بوجھ صرف متاثرہ ممالک ہی نہیں بلکہ دنیا بھر کے عوام اٹھا رہے ہیں، اس لیے امن کی تمام کوششوں کا کامیاب ہونا ضروری ہے۔
پیپلز پارٹی کے چیئرمین نے کہا کہ ملک میں کوئی ایسا سیاستدان نہیں جس نے ان کی طرح ملک کے مختلف علاقوں کا دورہ کیا ہو۔ انہوں نے دعویٰ کیا کہ وہ گلگت بلتستان کی ہر تحصیل تک پہنچے ہیں اور عوام کے مسائل سے بخوبی آگاہ ہیں۔
انہوں نے بینظیر انکم سپورٹ پروگرام (بی آئی ایس پی) کا ذکر کرتے ہوئے کہا کہ یہ ملک کا واحد ایسا فلاحی پروگرام ہے جو براہِ راست غریب عوام تک پہنچتا ہے۔ ان کے مطابق اس پروگرام کے خلاف کی جانے والی تمام سیاسی سازشیں ناکام ہوں گی۔
بلاول بھٹو نے کہا کہ پاکستان کے دفاع کو مضبوط بنانے میں ذوالفقار علی بھٹو اور شہید بینظیر بھٹو کا تاریخی کردار رہا ہے۔ انہوں نے زور دیا کہ ملک کو دفاعی اور معاشی دونوں لحاظ سے مضبوط ہونا چاہیے اور ایسی معاشی پالیسی اختیار کی جانی چاہیے جس سے عام آدمی کو فائدہ پہنچے۔
انہوں نے گلگت بلتستان کے عوام کو یقین دلایا کہ پیپلز پارٹی مقامی لوگوں کو ان کے وسائل پر حق ملکیت دلانے کے لیے کام کرے گی۔ ان کا کہنا تھا کہ ترقیاتی منصوبوں میں مقامی آبادی کو حصہ دار بنایا جانا چاہیے تاکہ ترقی کے ثمرات سب سے پہلے مقامی لوگوں تک پہنچ سکیں۔
چیئرمین پیپلز پارٹی نے کہا کہ اگر عوام نے انتخابات میں ان کی جماعت پر اعتماد کیا تو گلگت بلتستان میں صحت، تعلیم اور دیگر بنیادی سہولیات کی فراہمی کو مزید بہتر بنایا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ