ترقیاتی منصوبوں میں کوالٹی اور معیار پر سمجھوتا نہیں ہوگا، احسن اقبال
اشاعت کی تاریخ: 28th, December 2025 GMT
data-id="863a0a8" data-element_type="widget" data-widget_type="theme-post-content.default">
نارروال/ اسلام آباد (صباح نیوز) وفاقی وزیر پلاننگ اینڈ ڈیولپمنٹ احسن اقبال نے کہا ہے کہ ترقیاتی منصوبوں میں معیار اور کوالٹی اولین ترجیح ہے، ضلع نارووال میں جاری ترقیاتی منصوبوں میں کوالٹی اور معیار پر کسی قسم کا سمجھوتا نہیں کیا جائے گا۔ ایم ایل-ون کراچی–روہڑی سیکشن پر کام کا آغاز 2026 میں متوقع ہے۔ انہوں نے ہدایت کی کہ سکھر حیدرآباد موٹروے کو 3 سال میں مکمل کیا جائے اور اسے سب سے زیادہ ترجیحی منصوبہ قرار دیا جائے۔ تفصیلات کے مطابق ڈپٹی کمشنر آفس میں چیئرمین بیت المال پنجاب خواجہ محمد وسیم کی زیرصدارت ڈسٹرکٹ کوآرڈینیشن کمیٹی کے اجلاس میں گفتگو کرتے ہوئے احسن اقبال کا کہنا تھا کہ جب ضلع نارووال میں ترقیاتی منصوبوں کے فنڈز میں سے ہماری قیادت کمیشن وصول نہیں کرتی تو پھر ان پروجیکٹس کے معیار اور کوالٹی پر کسی طرح کمپرومائز کیا جاسکتا ہے، اس لییے تمام تر ترقیاتی منصوبوں میں معیار اور کوالٹی کو اولین ترجیح دی جانی چاہیے۔اجلاس میں ضلع نارووال کی حدود میں محکمہ ایریگیشن فلڈ بند ڈویژن،محکمہ بلڈنگ اور ہائی ویز کیجانب سے جاری ترقیاتی اسکیموں پر تفصیلی گفتگو کی گئی۔
ذریعہ
ذریعہ: Jasarat News
کلیدی لفظ: ترقیاتی منصوبوں میں
پڑھیں:
سرکاری ملازمین پنشن میں اضافہ، خیبرپختونخوا حکومت کا بڑا ریلیف اعلان
پشاور: سرکاری ملازمین پنشن میں اضافہ کے حوالے سے خیبرپختونخوا حکومت نے اہم فیصلہ کرتے ہوئے صوبے کے پنشنرز کی نیٹ پنشن میں 7 فیصد اضافے کی منظوری دے دی ہے۔ اس فیصلے کا اطلاق یکم جولائی 2026 سے ہوگا، جبکہ اس حوالے سے محکمہ خزانہ نے باضابطہ نوٹیفکیشن بھی جاری کر دیا ہے۔
جاری کردہ اعلامیے کے مطابق یہ اضافہ 30 جون 2026 تک وصول کی جانے والی نیٹ پنشن کی بنیاد پر دیا جائے گا۔ حکومت کے اس اقدام سے لاکھوں ریٹائرڈ سرکاری ملازمین اور ان کے اہل خانہ کو مہنگائی کے موجودہ دور میں مالی سہارا ملنے کی امید ہے۔
نوٹیفکیشن میں واضح کیا گیا ہے کہ یکم جولائی 2026 یا اس کے بعد ریٹائر ہونے والے سرکاری ملازمین بھی اس 7 فیصد اضافے سے مستفید ہوں گے۔ اسی طرح فیملی پنشن حاصل کرنے والے افراد اور کمپیشنٹ الاؤنس لینے والے مستحقین پر بھی یہ اضافہ یکساں طور پر لاگو ہوگا۔
محکمہ خزانہ کے مطابق بیرون ملک مقیم وہ پنشنرز بھی، جو خیبرپختونخوا حکومت کی پنشن کے اہل ہیں، مقررہ قواعد و ضوابط کے تحت اس اضافے سے فائدہ اٹھا سکیں گے۔
حکومت نے یہ بھی واضح کیا ہے کہ یہ اضافہ پہلے سے دی جانے والی کسی بھی خصوصی اضافی پنشن پر لاگو نہیں ہوگا، بلکہ صرف بنیادی نیٹ پنشن کی بنیاد پر ادا کیا جائے گا۔
ماہرین کے مطابق سرکاری ملازمین پنشن میں اضافہ کا یہ فیصلہ بڑھتی مہنگائی کے پیش نظر ریٹائرڈ ملازمین کے لیے اہم ریلیف ثابت ہوگا اور ان کے ماہانہ اخراجات پورے کرنے میں مدد فراہم کرے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار