دبئی میں 2026 کا شاندار استقبال، 40 مقامات پر آتش بازی کا اہتمام
اشاعت کی تاریخ: 28th, December 2025 GMT
data-id="863a0a8" data-element_type="widget" data-widget_type="theme-post-content.default">
دبئی:دبئی حکومت نے اعلان کیا ہے کہ نئے سال 2026 کا استقبال شاندار اور یادگار آتش بازی کے ساتھ کیا جائے گا، جس کے لیے شہر بھر میں بھرپور تیاریاں جاری ہیں۔
دبئی حکومت کی جانب سے جاری بیان میں کہا گیا ہے کہ سالِ نو کے موقع پر دبئی کے 40 مختلف مقامات پر رنگا رنگ آتش بازی کا اہتمام کیا جائے گا، تاکہ شہریوں اور سیاحوں کو ایک منفرد اور دلکش تجربہ فراہم کیا جا سکے۔
سرکاری بیان کے مطابق دبئی کے مشہور مقامات برج خلیفہ، دبئی فریم، دی ورلڈ آئی لینڈز اور دبئی فیسٹیول سٹی پر خصوصی آتش بازی کا انعقاد کیا جائے گا۔ ان مقامات پر جدید ٹیکنالوجی اور دلکش روشنیوں کے ساتھ آتش بازی کے مظاہرے پیش کیے جائیں گے جو نئے سال کی خوشیوں کو دوبالا کریں گے۔ دبئی حکام کا کہنا ہے کہ ان تقریبات کو عالمی معیار کے مطابق ترتیب دیا جا رہا ہے تاکہ دنیا بھر سے آنے والے سیاح دبئی کی رنگینیوں اور ثقافتی سرگرمیوں سے لطف اندوز ہو سکیں۔
سرکاری بیان میں مزید بتایا گیا ہے کہ برج العرب، پام جمیرا، دبئی کریک، گلوبل ویلیج، السیف، حتہ اور بلیو واٹر جیسے اہم سیاحتی مقامات پر بھی آتش بازی کی جائے گی۔ ان علاقوں میں بڑی تعداد میں مقامی شہریوں اور غیر ملکی سیاحوں کی آمد متوقع ہے، جس کے پیش نظر سیکیورٹی اور ٹریفک انتظامات کو بھی حتمی شکل دی جا رہی ہے۔
دبئی حکومت کے مطابق سالِ نو کی تقریبات کے دوران عوام کی سہولت اور حفاظت کو اولین ترجیح دی جائے گی۔ پولیس، سول ڈیفنس اور دیگر ادارے الرٹ رہیں گے جبکہ ٹریفک کو رواں رکھنے کے لیے متبادل راستوں کا بھی انتظام کیا جا رہا ہے۔ شہریوں اور سیاحوں کو ہدایت کی گئی ہے کہ وہ سرکاری ہدایات پر عمل کریں اور مقررہ مقامات پر جا کر تقریبات سے لطف اندوز ہوں۔
سرکاری بیان میں یہ بھی کہا گیا ہے کہ دبئی کے علاوہ متحدہ عرب امارات کے دیگر شہروں میں بھی سالِ نو کی تقریبات کا اہتمام کیا جائے گا۔ ابوظبی، شارجہ اور راس الخیمہ میں 10 سے زائد مقامات پر شاندار آتش بازی کی جائے گی، جہاں بڑی تقریبات منعقد ہوں گی۔ ان شہروں میں بھی مقامی انتظامیہ کی جانب سے خصوصی انتظامات مکمل کیے جا رہے ہیں۔
حکام کے مطابق نئے سال کی یہ تقریبات نہ صرف تفریح کا ذریعہ ہوں گی بلکہ متحدہ عرب امارات کی ثقافتی اور سیاحتی اہمیت کو بھی اجاگر کریں گی۔ توقع کی جا رہی ہے کہ سالِ نو کے موقع پر لاکھوں سیاح دبئی اور دیگر امارات کا رخ کریں گے، جس سے سیاحت اور معیشت کو بھی فروغ ملے گا۔
ذریعہ
ذریعہ: Jasarat News
کلیدی لفظ: کیا جائے گا مقامات پر کے مطابق کیا جا
پڑھیں:
خان سر کے کوچنگ سینٹر کے باہر فائرنگ، کوچنگ سینٹر کو دو دن میں اڑانے کی دھمکی دی گئی
مقامی لوگوں کا کہنا ہے کہ پٹنہ کے مشلہ پور میں خان سر کوچنگ سینٹر کے باہر فائرنگ کی گئی جس سے علاقے میں کچھ دیر کیلئے خوف و ہراس پھیل گیا، لوگوں نے پتھراؤ کی بھی اطلاع دی۔ اسلام ٹائمز۔ پٹنہ کے کدم کنواں تھانہ علاقے میں کل دیر رات افراتفری مچ گئی، جب کچھ شرپسند عناصر معروف استاد خان سر کے کوچنگ سینٹر میں گھس گئے اور توڑ پھوڑ اور لوگوں کے ساتھ مار پیٹ کی۔ واقعے میں کوچنگ سینٹر میں موجود کئی سامان کو نقصان پہنچا جب کہ وہاں تعینات ایک گارڈ شدید زخمی ہوگیا۔ سر میں چوٹ لگنے کے بعد اسے علاج کے لئے اسپتال میں داخل کرایا گیا ہے۔ واقعہ کی اطلاع ملتے ہی پٹنہ پولیس حرکت میں آگئی۔ پٹنہ کے ایس ایس پی، کدم کنواں پولس اسٹیشن اور دیگر پولیس افسران کے ساتھ جائے وقوعہ پر پہنچے اور معاملے کی جانچ شروع کی۔ پولیس کی ٹیمیں رات گئے تک جائے وقوعہ پر موجود رہیں اور عہدیدارون کی جانب سے شواہد اکٹھے کئے گئے۔
واقعہ کے بعد جائے وقوعہ پر پہنچنے والے خان سر نے الزام لگایا کہ حال ہی میں ان کے کوچنگ انسٹی ٹیوٹ سے ہزاروں طلباء کو بہار پولیس بھرتی امتحان میں منتخب کیا گیا تھا، جس نے کچھ کمپٹیشن کرنے والے کوچنگ اداروں کو پریشان کر دیا تھا۔ انہوں نے دعویٰ کیا کہ انہیں مسلسل دھمکیاں مل رہی تھیں، جس کے نتیجے میں حملہ اور توڑ پھوڑ کی گئی۔ خان سر نے کہا کہ یہ لوگ پوچھ رہے ہیں، ہم اتنی کم فیس پر کیوں پڑھا رہے ہیں، ہمیں اتنے اچھے نتائج کیوں مل رہے ہیں۔ انہوں نے مزید کہا کہ جب ہزاروں طلباء کے نتائج آتے ہیں تو کچھ سماج دشمن عناصر کو خطرہ محسوس ہوتا ہے۔
مقامی لوگوں کا کہنا ہے کہ پٹنہ کے مشلہ پور میں خان سر کوچنگ سینٹر کے باہر فائرنگ کی گئی جس سے علاقے میں کچھ دیر کے لئے خوف و ہراس پھیل گیا۔ لوگوں نے پتھراؤ کی بھی اطلاع دی۔ حملے میں ایک سکیورٹی گارڈ زخمی ہوا ہے جسے علاج کے لئے اسپتال میں داخل کرایا گیا ہے۔ واقعہ کے بعد سے علاقے میں کشیدگی پائی جاتی ہے۔ جائے وقوعہ پر پولیس کی بھاری نفری تعینات کر دی گئی ہے۔ پٹنہ کے ایس ایس پی کارتکیہ کے شرما نے بتایا کہ ابتدائی تحقیقات سے پتہ چلا ہے کہ کچھ طلباء نے کوچنگ سینٹر پر حملہ کیا اور توڑ پھوڑ کی۔ واقعے میں ایک گارڈ زخمی ہوا، اس کا بیان قلمبند کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ