بیڈمنٹن کھیلنے والا روبوٹ گنیز ورلڈ ریکارڈ قائم کرنے میں کامیاب
اشاعت کی تاریخ: 28th, December 2025 GMT
data-id="863a0a8" data-element_type="widget" data-widget_type="theme-post-content.default">
شاؤشِنگ:چین کی ایک معروف ٹیکنالوجی کمپنی کی جانب سے تیار کردہ جدید بیڈمنٹن کھیلنے والے روبوٹ نے شاندار کارکردگی کا مظاہرہ کرتے ہوئے گنیز ورلڈ ریکارڈ اپنے نام کر لیا ہے، جس نے کھیل اور ٹیکنالوجی کے امتزاج کو نئی سطح تک پہنچا دیا ہے۔
غیر ملکی میڈیا رپورٹس کے مطابق یہ منفرد کارنامہ چین کے صوبہ ژی جیانگ کے شہر شاؤشِنگ میں انجام دیا گیا، جہاں روبوٹ نے ملک کے چند بہترین بیڈمنٹن کھلاڑیوں کے خلاف مقابلہ کیا۔ اس دوران روبوٹ نے مسلسل 1,452 ریلیاں مکمل کیں اور ہر شاٹ کو کامیابی کے ساتھ واپس کیا، جو اس کی غیر معمولی صلاحیتوں کا منہ بولتا ثبوت ہے۔
گنیز ورلڈ ریکارڈ کی جانب سے تصدیق کی گئی ہے کہ یہ کامیابی موبائل روبوٹ کے ساتھ سب سے زیادہ مسلسل بیڈمنٹن کاؤنٹر ہِٹس کے زمرے میں عالمی ریکارڈ کے طور پر تسلیم کی گئی ہے۔ ریکارڈ حکام کے مطابق روبوٹ نے لگاتار 1,452 شاٹس نہایت درستگی اور توازن کے ساتھ ریٹرن کیے، جو اس سے قبل ممکن نہیں سمجھا جا رہا تھا۔
ٹیکنالوجی ماہرین کے مطابق اس کامیابی سے روبوٹکس کے میدان میں نمایاں پیش رفت ظاہر ہوتی ہے اور مستقبل میں کھیلوں کی تربیت، پیشہ ور کھلاڑیوں کی پریکٹس، تحقیق اور حتیٰ کہ تفریحی صنعت میں بھی اس طرح کے روبوٹس کے استعمال کے امکانات روشن ہو گئے ہیں۔ ماہرین کا کہنا ہے کہ آنے والے برسوں میں اس قسم کی ٹیکنالوجی کھیلوں کے انداز اور تربیتی نظام کو یکسر تبدیل کر سکتی ہے۔
چینی کمپنی نے اس کامیابی کو اپنی تحقیق اور جدت طرازی کا نتیجہ قرار دیتے ہوئے کہا ہے کہ مستقبل میں روبوٹکس کو مزید بہتر بنا کر مختلف کھیلوں میں آزمایا جائے گا، تاکہ انسان اور ٹیکنالوجی کے درمیان تعاون کے نئے در وا کیے جا سکیں۔
ذریعہ
ذریعہ: Jasarat News
کلیدی لفظ: روبوٹ نے
پڑھیں:
توشہ خانہ ریکارڈ، وزیراعظم اور اسحاق ڈار کے تحائف کی تفصیلات سامنے آگئیں
اسلام آباد(رضوان عباسی ): توشہ خانہ ریکارڈ میں وزیراعظم شہباز شریف اور نائب وزیراعظم و وزیر خارجہ سینیٹر اسحاق ڈار کو اپریل سے جون 2026 کے دوران مختلف غیر ملکی شخصیات اور وفود کی جانب سے ملنے والے سرکاری تحائف کی تفصیلات سامنے آ گئی ہیں۔
کابینہ ڈویژن کی دستاویزات کے مطابق اس عرصے میں موصول ہونے والے تمام سرکاری تحائف توشہ خانہ قواعد کے تحت کابینہ ڈویژن میں جمع کرا دیے گئے ہیں، جبکہ ان کی مالیت کے تعین (ویلیوایشن) کا عمل تاحال جاری ہے۔
دستاویزات کے مطابق وزیراعظم شہباز شریف کو مختلف ممالک کے سربراہان، اعلیٰ حکام اور سرکاری وفود کی جانب سے متعدد یادگاری تحائف پیش کیے گئے۔ ان میں شوگر باؤل، گاڑی کا فریم شدہ ماڈل، شیلڈز، قیمتی قلم، کف لنکس، ٹائی، کافی کپ اور واٹر گلاس سیٹ، چائے کے کپ اور ساسرز، آرائشی واز، ایرانی فیروزہ اِنلے دستکاری پر مشتمل پانچ پیس سیٹ، روایتی چینی اسکرول پینٹنگ، چائنا اسپیس اسٹیشن کا ماڈل اور دیگر سووینئرز شامل ہیں۔
اسی طرح نائب وزیراعظم و وزیر خارجہ سینیٹر اسحاق ڈار کو بھی مختلف ممالک کی جانب سے متعدد سرکاری تحائف دیے گئے، جن میں مصری طرز کا مجسمہ، مسجد نبوی ﷺ کا ماڈل، کف لنکس اور دیگر یادگاری اشیا شامل ہیں۔
دستاویزات میں یہ بھی بتایا گیا ہے کہ ڈپٹی چیف آف پروٹوکول محمد ارسلان میر کو ایک قیمتی ڈائمنڈ کلیکشن رسٹ واچ بطور سرکاری تحفہ موصول ہوئی، جس کی مالیت کا تعین بھی جاری ہے۔
کابینہ ڈویژن کے مطابق توشہ خانہ ریکارڈ میں شامل تمام تحائف متعلقہ قوانین اور قواعد کے مطابق وصول کیے گئے ہیں۔ حکام کا کہنا ہے کہ ویلیوایشن مکمل ہونے کے بعد توشہ خانہ رولز کے مطابق آئندہ کارروائی کی جائے گی۔
سرکاری ذرائع کے مطابق تحائف کی مالیت کا تعین مکمل ہونے کے بعد قواعد کے مطابق یہ فیصلہ کیا جائے گا کہ متعلقہ حکام ان تحائف کو اپنے پاس رکھ سکتے ہیں یا انہیں سرکاری تحویل میں برقرار رکھا جائے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی