سرگودھا کے اسپتال میں ڈاکٹرز کی مبینہ غفلت سے خاتون جاں بحق، ورثا کا احتجاج
اشاعت کی تاریخ: 28th, December 2025 GMT
علامتی تصویر۔
سرگودھا میں مریم نواز اسپتال میں ڈاکٹرز کی مبینہ غفلت سے خاتون جاں بحق ہوگئی۔
ریسکیو ذرائع کے مطابق ورثا نے کوٹ مومن روڈ پر لاش رکھ کر احتجاج کیا اور ذمے داران کے خلاف کارروائی کا مطالبہ کیا۔
مظاہرین کے مطابق خاتون نے چند روز قبل بچی کو جنم دیا تھا، تاہم ناکافی سہولتوں اور ڈاکٹرز کی غفلت سے موت واقع ہوئی۔
دوسری جانب محکمہ صحت کے ذرائع کے مطابق قائم مقام ایم ایس اور سی او ہیلتھ کو معطل کر دیا گیا ہے۔
محکمہ صحت کے ذرائع کے مطابق خاتون کی موت کیسے ہوئی اس کی تحیققات کی جائیں گی۔
.
ذریعہ
ذریعہ: Jang News
کلیدی لفظ: کے مطابق
پڑھیں:
بانی پی ٹی آئی کی بشریٰ بی بی سے ہفتہ وار ملاقات کرادی گئی
فائل فوٹواڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
جیل ذرائع کے مطابق بانی پی ٹی آئی اور بشریٰ بی بی کی ملاقات کانفرنس روم میں کرائی گئی، جو 40 منٹ تک جاری رہی۔
جیل ذرائع کے مطابق دوران ملاقات عمران خان اور بشریٰ بی بی نے ایک دوسرے کی خیریت دریافت کی۔
دوسری طرف اڈیالہ جیل میں بانی پی ٹی آئی اور بشری بی بی سے ملاقات کے دن کے موقع پر کسی وکیل اور فیملی ممبر کی ملاقات نہ ہوسکی۔
وزیراعلیٰ خیبر پختونخوا سہیل آفریدی بھی بانی پی ٹی آئی سے اظہار یکجہتی کیلئے اڈیالہ جیل آئے تھے۔
بانی پی ٹی آئی کی تینوں بہنیں علیمہ خان، نورین نیازی اور عظمی خان اڈیالہ جیل تو پہنچیں لیکن پولیس نے انہیں فیکٹری ناکے سے آگے جانے کی اجازت نہ دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ