’یہ الائنس اللہ نے فطری طور پر بنایا‘، طاہر اشرفی کا ملا ملٹری الائنس کی بات کرنے والوں کو جواب
اشاعت کی تاریخ: 28th, December 2025 GMT
چیئرمین پاکستان علما کونسل حافظ طاہر محمود اشرفی نے کہا ہے کہ جو لوگ ملا ملٹری الائنس پر سوال اٹھاتے ہیں وہ جان لیں کہ یہ اتحاد اللہ کی جانب سے فطری طور پر قائم کیا گیا ہے۔
جھنگ میں پریس کانفرنس کرتے ہوئے حافظ طاہر اشرفی نے کہاکہ موجودہ حالات میں پاکستان کو سب سے زیادہ داخلی استحکام کی ضرورت ہے۔
مُلا ملٹری الائنس کی بات کرنے والے سن لیں اللہ نے یہ الائنس فطری طور پر بنایا ہے، حافظ طاہر اشرفی
آپریشن بنیان المرصوص میں کامیابی مؤرخ صدیوں تک لکھتا رہےگا، دنیا نے ہمیشہ اسلامی ممالک پر میزائل گرتے دیکھے، پہلی بار دنیا نے پاکستانی میزائل بھارت پر گرتے دیکھے۔ @TahirAshrafi
— Aamir Saeed Abbasi (@AmirSaeedAbbasi) December 28, 2025
انہوں نے کہا کہ آپریشن ’بنیان مرصوص‘ میں حاصل ہونے والی کامیابی ایسی ہے جسے مؤرخین آنے والی صدیوں تک یاد رکھیں گے۔
انہوں نے کہاکہ دنیا ماضی میں ہمیشہ اسلامی ممالک پر میزائل حملے ہوتے دیکھتی رہی، تاہم یہ پہلا موقع تھا کہ عالمی سطح پر پاکستانی میزائل بھارت کی جانب جاتے ہوئے دیکھے گئے۔
چیئرمین پاکستان علما کونسل نے دہشتگردی کے حوالے سے بات کرتے ہوئے کہاکہ پاکستان میں ہونے والے قریباً 70 فیصد دہشتگرد حملوں میں افغان شہریوں کا ہاتھ ہوتا ہے۔
ان کا کہنا تھا کہ پاک فوج اور پوری قوم مل کر دہشتگردی کا مکمل خاتمہ کریں گے، اور اگر پاکستان اپنے سے 6 گنا بڑے ملک کو شکست دے سکتا ہے تو دہشتگردی کو بھی شکست دینا ناممکن نہیں۔
انہوں نے سیاسی صورتحال پر گفتگو کرتے ہوئے کہاکہ وزیراعظم کی جانب سے پاکستان تحریک انصاف کو مذاکرات کی پیشکش کی گئی ہے، جسے قبول کر لینا چاہیے۔
مزید پڑھیں: غیر ملکی تنقید سے پریشان ہونے کی ضرورت نہیں، پاکستان میں مضبوط مذہبی ہم آہنگی قائم ہے، مولانا طاہر اشرفی
حافظ طاہر محمود اشرفی نے کہا کہ مولانا فضل الرحمان ماضی میں بھی مسلم لیگ (ن) کے اتحادی رہے ہیں اور آئندہ بھی سیاسی تعاون جاری رہنے کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جواب طاہر اشرفی فطری اتحاد ملا ملٹری الائنس وی نیوز.
ذریعہ
ذریعہ: WE News
کلیدی لفظ: جواب طاہر اشرفی فطری اتحاد ملا ملٹری الائنس وی نیوز ملٹری الائنس طاہر اشرفی حافظ طاہر
پڑھیں:
پنجاب حکومت کے اقدامات دھرے کے دھرے رہ گئے‘بارشوں نے تباہی مچادی
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) پنجاب حکومت کے اقدامات دھرے کے دھرے رہ گئے‘حکومتی دعوﺅں کے برعکس حالیہ بارشوں میں پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے‘کرنٹ لگنے سے 3 اور آسمانی بجلی گرنے سے 2 افرادجاں بحق ہوئے‘ بارش کے پانی میں ڈوبنے سے ایک شخص جاں بحق ہوا جبکہ 38 مکانات متاثر ہوئے.(جاری ہے)
پراونشل ڈیزاسٹر مینجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کی ہے ترجمان پی ڈی ایم اے پنجاب کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے. ادھرمحکمہ موسمیات نے ملک بھر میں موسلا دھار بارش کی پیش گوئی کر تے ہوئے نشیبی علاقے زیر آب اور لینڈ سلائیڈنگ کے خدشات ظاہر کیئے ہیں رپورٹ میں بتایا گیا ہے کہ پورے ملک میں تیز ہواﺅں اور گرج چمک کے ساتھ بیشتر مقامات پر وقفے وقفے سے بارش کا امکان ہے. صوبائی دارلحکومت لاہور میں آج ہونے والی بارش سے واپڈا ٹاﺅن‘ جوہر ٹاﺅن‘ گلبرگ اور ڈیفنس ‘ او پی ایف سوسائٹی‘ ایل ڈی اے ایونیو‘ فیصل ٹاﺅن‘ماڈل ٹاﺅن‘علامہ اقبال ٹاﺅن‘مسلم ٹاﺅن‘گارڈن ٹاﺅن‘سبزہ زار‘ملتان روڈسمیت شہر بھر میں تیزبارش سے شہر کی مرکزی شاہرائیں ندیوں کا منظرپیش کرتی رہیں جبکہ شہر کے نشیبی علاقوں میں پانی گھر میں داخل ہوگیا. شمالی لاہوراور اندرون شہر میں بھی بارش کی پانی کی وجہ سے معمولات زندگی شدید متاثرہوئے . محکمہ موسمیات کے مطابق آئندہ چند گھنٹوں کے دوران بھی مزید بارش کا امکان ہے محکمہ موسمیات کے مطابق شام کے وقت درجہ حرات 28ڈگری ریکارڈ کیا گیا جبکہ شہر میں 11 کلومیٹر فی گھنٹہ کی رفتار سے ہوائیں چل رہی ہیں تاہم ہوا میں نمی کا تناسب 95 فیصد تک پہنچ چکا ہے، جس کے باعث موسم مرطوب مگر خوشگوار محسوس کیا جا رہا ہے.
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا