پی ایس ایل 23 مارچ سے کرانے کی تجویز ہے، ملتان سلطانز پی سی بی خود آپریٹ کرے گا، محسن نقوی
اشاعت کی تاریخ: 28th, December 2025 GMT
data-id="863a0a8" data-element_type="widget" data-widget_type="theme-post-content.default">
لاہور : چیئرمین پاکستان کرکٹ بورڈ محسن نقوی نے کہا ہے کہ پاکستان سپر لیگ (پی ایس ایل) کو 26 مارچ کے بجائے 23 مارچ سے شروع کرنے کی تجویز دی گئی ہے، جس پر تمام فرنچائزز کی رضامندی کی صورت میں حتمی فیصلہ کیا جائے گا۔
لاہور میں پریس کانفرنس کرتے ہوئے محسن نقوی نے بتایا کہ پی ایس ایل کی تیاریاں زور و شور سے جاری ہیں اور 2 نئی ٹیموں کی بڈنگ کے لیے 10 پارٹیوں نے کوالیفائی کر لیا ہے۔ انہوں نے اعلان کیا کہ ملتان سلطانز کو اس سال پاکستان کرکٹ بورڈ خود آپریٹ کرے گا اور پی ایس ایل کے اختتام پر فرنچائز کی نیلامی کی جائے گی۔
چیئرمین پی سی بی کا کہنا تھا کہ علی ترین نے ملتان سلطانز کے لیے بھرپور کام کیا ہے، اگر وہ نئی ٹیم لینا چاہتے ہیں تو ان کا خیر مقدم کیا جائے گا۔ پیپر رولز پر عملدرآمد کے لیے ملتان سلطانز کو پی سی بی خود چلائے گا جبکہ ٹیم کے ہیڈ کا اعلان آئندہ 10 دن میں کر دیا جائے گا۔
محسن نقوی نے بتایا کہ وسیم اکرم کو پی ایس ایل کا برانڈ ایمبسڈر مقرر کر دیا گیا ہے اور ٹیموں کی نیلامی کے روز وہ آکشنر کے فرائض انجام دیں گے۔ انہوں نے کہا کہ پی ایس ایل کی دونوں نئی ٹیمیں اچھے مالی نمبرز کے ساتھ فروخت ہوں گی، جبکہ ایونٹ کے دوران راحت فتح علی خان کا کنسرٹ بھی منعقد ہوگا۔
انہوں نے قومی کرکٹ کے حوالے سے بات کرتے ہوئے کہا کہ عاقب جاوید کی شمولیت کے بعد پاکستان شاہینز اور انڈر 19 ٹیم پر خصوصی توجہ دی گئی ہے۔ انڈر 19 کا کیمپ ملتان میں لگا کر کھلاڑیوں کو تربیت دی گئی ہے، جس کے مثبت نتائج سامنے آئیں گے۔ ان کا کہنا تھا کہ پاکستان شاہینز اور قومی ٹیم مضبوط ہوں گی۔
محسن نقوی نے بتایا کہ آسٹریلیا کے خلاف فی الحال 3 میچز کی سیریز ہی ہوگی جبکہ ریڈ بال کوچ کے بارے میں فیصلہ ہونا باقی ہے۔ انہوں نے یہ بھی اعلان کیا کہ جاوید مغل 11 جنوری سے بطور فزیوتھراپسٹ پی سی بی کو جوائن کریں گے۔
چیئرمین پی سی بی کا کہنا تھا کہ یوتھ کرکٹ پر خصوصی فوکس ہے، حال ہی میں 450 اسکولز کا ٹورنامنٹ کرایا گیا، اور پی سی بی اسکول اور انڈر 19 کے بعد بھی کھلاڑیوں کا خیال رکھے گا تاکہ وہ ضائع نہ ہوں۔ انہوں نے کہا کہ مختلف اسپورٹس کو فروغ دینے کے لیے وفاقی وزیر اطلاعات سے بات کریں گے۔
بھارت کے حوالے سے بات کرتے ہوئے محسن نقوی نے کہا کہ بھارتی کھلاڑیوں کے رویے کے خلاف خط کا مسودہ تیار کر لیا گیا ہے۔ وزیر اعظم پاکستان بھی واضح کر چکے ہیں کہ سیاست کو کھیلوں میں نہیں لایا جانا چاہیے۔ ہمارا مؤقف شروع دن سے یہی ہے کہ کرکٹ اور سیاست الگ ہیں، اور بھارت کے ساتھ معاملات برابری کی سطح پر ہوں گے۔
ذریعہ
ذریعہ: Jasarat News
کلیدی لفظ: ملتان سلطانز محسن نقوی نے پی ایس ایل انہوں نے پی سی بی کہا کہ نے کہا کے لیے
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے