بھارتی لابنگ کے باوجود پاکستان کو امریکا میں سفارتی برتری، فیلڈ مارشل کا اہم کردار رہا، عالمی جریدے کی رپورٹ
اشاعت کی تاریخ: 28th, December 2025 GMT
معتبر عالمی جریدوں کے تازہ تجزیوں کے مطابق پاکستان نے سال 2025 میں عالمی سیاست اور سفارتکاری کے میدان میں ایک بار پھر اہم اور مؤثر کردار ادا کیا، جس میں عسکری قیادت، عملی تعاون اور اسٹریٹجک فیصلے کلیدی حیثیت رکھتے تھے۔
برطانوی اخبار دی ٹیلی گراف نے اپنی رپورٹ میں کہا ہے کہ فیلڈ مارشل سید عاصم منیر نے پاکستان کے لیے عسکری اور سفارتی محاذ دونوں پر فرنٹ فٹ پر کھیلتے ہوئے واشنگٹن میں اعتماد بحال کرنے میں اہم کردار ادا کیا۔
مزید پڑھیں: سال 2025 میں پاکستان کی سفارتی کامیابیاں، پاک بھارت تصادم سے پہلے اور بعد کا پاکستان مختلف کیسے؟
رپورٹ کے مطابق ایبی گیٹ حملے کے مرکزی ملزم کی فوری گرفتاری اور امریکا حوالگی پاک امریکا تعلقات میں ایک اہم موڑ ثابت ہوئی۔
اخبار نے مزید بتایا کہ امریکی صدر ڈونلڈ ٹرمپ نے امریکی کانگریس میں خطاب کے دوران دہشتگردی کے خلاف عملی تعاون پر پاکستان کا خصوصی شکریہ ادا کیا، جو دونوں ممالک کے تعلقات میں نمایاں بہتری کی علامت ہے۔
دی ٹیلی گراف کے مطابق، ٹرمپ کے پہلے دور کے تلخ تعلقات کے باوجود پاکستان نے واشنگٹن میں دوبارہ مضبوط سفارتی حیثیت حاصل کر لی۔
رپورٹ میں کہا گیا کہ بھارت کی شدید لابنگ کے باوجود اس بار پاکستان کو امریکا میں واضح سفارتی برتری حاصل رہی، اور اسے کئی ممالک کے مقابلے میں بہتر تجارتی ٹیرف رعایتیں بھی ملیں۔ وزیراعظم پاکستان اور فیلڈ مارشل عاصم منیر کو اوول آفس تک براہِ راست رسائی حاصل ہونا بھی اس پیش رفت کا حصہ ہے۔
دی ٹیلی گراف کے مطابق پاکستان کی جانب سے صدر ٹرمپ کو نوبیل امن انعام کے لیے نامزد کرنا ایک غیر معمولی مگر مؤثر سفارتی اقدام ثابت ہوا۔
وائٹ ہاؤس کی انسداد دہشتگردی ترجیحات میں داعش خراسان کے کمانڈر جعفر کی گرفتاری اور دو دن کے اندر امریکا حوالگی کو پاکستان کی سنجیدہ نیت کا واضح ثبوت قرار دیا گیا۔
اخبار میں مزید کہا گیا کہ پہلگام، کشمیر واقعے کے بعد خطے میں جنگ کا خطرہ بڑھ گیا تھا، تاہم پاکستان نے ذمہ دارانہ رویہ اختیار کرتے ہوئے غیر روایتی سفارتکاری کے ذریعے صورتحال کو سنبھالا۔
جون میں فیلڈ مارشل عاصم منیر اور صدر ٹرمپ کے درمیان نجی اور آف دی ریکارڈ ملاقات کو تعلقات میں تبدیلی کی علامت قرار دیا گیا ہے۔ اس ملاقات کے بعد صدر ٹرمپ نے فیلڈ مارشل عاصم منیر کی کھل کر تعریف کی اور غزہ سیز فائر کے موقع پر انہیں ’پسندیدہ فیلڈ مارشل‘ قرار دیا۔
رپورٹ کے مطابق پاکستان نے مشرق وسطیٰ میں ایک ذمہ دار اور مؤثر اسٹریٹجک پارٹنر کے طور پر اپنی شناخت مضبوط کی، جی سی سی ممالک کے ساتھ تعلقات کو قریب رکھا اور ایران کے ساتھ متوازن تعلقات قائم کیے، جسے عالمی تجزیہ کار پاکستان کے لیے سفارتی پلس قرار دیتے ہیں۔
مزید پڑھیں: ہماری سفارتی کامیابیوں پر بھارت میں ماتم ہو رہا ہے: وزیر خارجہ اسحاق ڈار کا طنز
دی ٹیلی گراف کے مطابق امریکا کے لیے اہم معدنیات کے مسئلے پر پاکستان کی جانب سے عملی حل پیش کیا گیا، جس کے نتیجے میں ستمبر میں 6 کھرب ڈالر مالیت کے معدنی ذخائر پر پاک امریکا تعاون کا ایم او یو دستخط ہوا، جسے عالمی سطح پر ایک بڑا سرپرائز قرار دیا گیا۔
رپورٹ کے مطابق پاکستان کی مؤثر سفارتکاری نے اسے واشنگٹن میں دوبارہ مرکزی حیثیت دلا دی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی صدر پاکستان ٹیلی گراف رپورٹ ڈونلڈ ٹرمپ سفارتی کامیابی شہباز شریف عاصم منیر عالمی جریدہ فیلڈ مارشل وزیراعظم پاکستان وی نیوز.
ذریعہ
ذریعہ: WE News
کلیدی لفظ: امریکی صدر پاکستان ٹیلی گراف رپورٹ ڈونلڈ ٹرمپ سفارتی کامیابی شہباز شریف عالمی جریدہ فیلڈ مارشل وزیراعظم پاکستان وی نیوز کے مطابق پاکستان دی ٹیلی گراف پاکستان نے فیلڈ مارشل پاکستان کی قرار دیا کے لیے
پڑھیں:
کراچی: واش روم میں بچے کی پیدائش، تحقیقاتی رپورٹ ڈائریکٹر جناح اسپتال کے حوالے
فائل فوٹو۔جناح اسپتال کراچی کے واش روم میں بچے کی پیدائش کے معاملے پر تین رکنی تحقیقاتی کمیٹی نے اپنی رپورٹ ایگزیکٹو ڈائریکٹرکو جمع کروا دی۔
جناح اسپتال کے ذرائع کے مطابق رپورٹ میں کہا گیا متاثرہ خاتون رات ساڑھے 9 بجے گائنی وارڈ میں آئی، گائنی وارڈ میں کسی نے بھی خاتون کو طبی امداد نہیں دی۔
جناح اسپتال کے ذرائع کے مطابق خاتون کا الٹرا ساؤنڈ نہیں کروایا گیا اور چہل قدمی کا مشورہ دیا گیا۔
جناح اسپتال کے ذرائع کے مطابق کنسلٹنٹ اور آر ایم او ڈیوٹی پر موجود نہیں تھے، مریضوں کے ساتھ آنے والے مرد گائنی وارڈ کے احاطےمیں موجود تھے۔
جناح اسپتال کے ذرائع کے مطابق میڈیکل آفسر کو محکمہ صحت بھیجنے اور ڈیوٹی پر موجود پوسٹ گریجویٹ ڈاکٹرز کی 3 ماہ مزید ٹریننگ کی تجویز ہے۔
جناح اسپتال کے ذرائع کے مطابق رپورٹ میں سیکیورٹی گارڈز کی ڈیوٹی پر بھی تحفظات کا اظہار کیا گیا۔ کمیٹی کی جانب سے بنائی گئی رپورٹ سیکریٹری اور وزیر صحت کو دے دی گئی۔
وزارت آئی ٹی نے 1.67 ارب روپے سے زاید کے فنڈز طلب کرلیے