میکسیکو میں ٹرین موڑ کاٹتے ہوئے پٹری سے اتر گئی، حادثے میں13 افراد ہلاک
اشاعت کی تاریخ: 29th, December 2025 GMT
data-id="863a0a8" data-element_type="widget" data-widget_type="theme-post-content.default">
میکسیکو کے جنوب مغربی صوبے اوساکا میں پیش آنے والے ٹرین حادثے کے نتیجے میں 13 افراد جان سے ہاتھ دھو بیٹھے جبکہ 98 مسافر زخمی ہو گئے۔
میڈیا رپورٹس کے مطابق یہ حادثہ اس وقت پیش آیا جب نزندا قصبے کے قریب ایک موڑ پر ٹرین بے قابو ہو کر پٹری سے اتر گئی۔ حادثے کے وقت ٹرین میں 241 مسافر اور 9 عملے کے افراد موجود تھے۔
زخمیوں میں سے 5 کی حالت نازک بتائی جا رہی ہے، جبکہ ریسکیو ٹیموں نے فوری کارروائی کرتے ہوئے باقی مسافروں کو بحفاظت ٹرین سے نکال کر محفوظ مقامات پر منتقل کر دیا۔
اوساکا کے گورنر نے واقعے پر گہرے رنج و غم کا اظہار کرتے ہوئے کہا کہ متاثرین کی امداد کے لیے ریاستی اور وفاقی ادارے مشترکہ طور پر کام کر رہے ہیں۔
حکام نے حادثے کی وجوہات جاننے کے لیے باقاعدہ تحقیقات کا آغاز کر دیا ہے۔
ذریعہ
ذریعہ: Jasarat News
پڑھیں:
کراچی، 7 سالہ بچی کے اغوا اور قتل میں ملوث ملزم مبینہ پولیس مقابلے میں ہلاک
کراچی کے علاقے کیماڑی سے 7 سالہ بچی کو اغوا اور زیادتی کے بعد قتل کرنے والا ملزم مبینہ پولیس مقابلے میں ہلاک ہوگیا۔
ایس ایس پی کیماڑی سنگھار ملک نے بتایا کہ جیکسن پولیس دعا کے اغوا، زیادتی کے بعد قتل کیس کی تفتیش میں مصروف تھی کہ تھانے کی حدود میں آنے والے ایک علاقے میں پولیس مقابلہ ہوا جس میں ملزم ہلاک ہوگیا۔
انہوں نے بتایا کہ سی سی ٹی وی فوٹیجز اور شواہد کی بنیاد پر مشتبہ شخص کی موجودگی کی اطلاع ملی تھی، پولیس ملزم کی گرفتاری کیلیے اسٹریٹ مبارک مسجد کے قریب پہنچی تو ملزم نے اہلکاروں پر فائرنگ کردی۔
مزید پڑھیںکیماڑی میں جھاڑیوں سے کمسن بچی کی لاش برآمد، مشکوک شخص کی ویڈیو سامنے آگئی
2 سالہ بچے آذان کے اغوا میں ملوث 3 ملزمان گرفتار، مرکزی ملزم والد کا دوست نکلا
ایس ایس پی کیماڑی کے مطابق جوابی فائرنگ میں ملزم مارا گیا جبکہ جائے وقوعہ سے شواہد تحویل میں لے کر قانونی و فرانزک کارروائی شروع کردی گئی ہے۔
سنگھار ملک کے مطابق ہلاک شخص کے کوائف اور بچی کے اغواء و قتل کیس سے ممکنہ تعلق کی جانچ جاری ہے جبکہ پولیس سرجن نے معصوم بچی دعا کے ساتھ زیادتی کی تصدیق کردی ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا