احسن اقبال کے بعد شیر افضل مروت کو بھی لائیو پروگرام روکنا پڑا، ویڈیو کس کی وجہ سے بند کی گئی؟
اشاعت کی تاریخ: 29th, December 2025 GMT
وفاقی وزیر منصوبہ بندی احسن اقبال کے بعد رکن قومی اسمبلی شیر افضل مروت کی بھی ایک ویڈیو سوشل میڈیا پر تیزی سے وائرل ہو گئی۔ یہ ویڈیو اُس وقت سامنے آئی جب نجی ٹی وی کے ایک لائیو پروگرام کے دوران ایک دلچسپ صورتحال پیدا ہو گئی اور شیر افضل مروت کے بیٹے نے اچانک اسکرین پر آ کر رقص شروع کر دیا۔
پروگرام کے میزبان عادل نظامی رکن قومی اسمبلی شیر افضل مروت سے ملکی سیاسی صورتحال پر گفتگو کر رہے تھے کہ اسی دوران ان کا بیٹا سامنے آگیا اور ڈانس کرنے لگا۔ بچے کی اس حرکت کے باعث انٹرویو کو چند لمحوں کے لیے روکنا پڑا۔
یہ بھی پڑھیں: ’بند کرو اسے‘، لائیو پروگرام کے دوران وفاقی وزیر احسن اقبال کی ویڈیو کس نے بند کرائی؟
شیر افضل مروت نے مسکراتے ہوئے کہا کہ بیٹا میری توجہ ہٹا رہا تھا تو میں نے اس کی منت کی اور اسے واپس جانے کو کہا۔ پروگرام میں شریک مہمان سامعہ خان بھی اس منظر پر اپنی ہنسی نہ روک سکیں جبکہ میزبان عادل نظامی نے تبصرہ کرتے ہوئے کہا کہ آج کل اس نوعیت کی ویڈیوز عام ہو چکی ہیں بہتر ہے بچے کو کچھ فاصلے پر جا کر ڈانس کرنے دیا جائے۔
View this post on Instagram
A post shared by Pakistan Connect (@pakistanconnect)
واضح رہے کہ اس سے قبل وفاقی وزیر احسن اقبال کی بھی لائیو پروگرام کے دوران اسی نوعیت کی ایک ویڈیو سوشل میڈیا پر وائرل ہو چکی ہے۔ احسن اقبال ایک نجی ٹی وی چینل کے لائیو پروگرام میں گفتگو کر رہے تھے کہ اچانک ایک نامعلوم شخص وہاں آیا اور چیختے ہوئے کہا ’بند کرو اسے‘، جس کے فوراً بعد ویڈیو منقطع ہو گئی۔
ویڈیو سوشل میڈیا پر وائرل ہونے کے بعد صارفین کی جانب سے شدید تشویش کا اظہار کیا گیا اور سوال اٹھایا گیا کہ وہ شخص کون تھا جس نے لائیو پروگرام کے دوران احسن اقبال کو نشریات بند کرنے پر مجبور کیا۔ اس واقعے پر مختلف قیاس آرائیاں اور تبصرے بھی سامنے آئے۔
یہ بھی پڑھیں: فیض حمید نے آموں کے بہانے مجھے منشیات میں پھنسانے کی سازش کی تھی، جاوید لطیف کا دعویٰ
احسن اقبال نے خود بھی اس معاملے پر وضاحت جاری کرتے ہوئے کہا کہ تشویش کا اظہار کرنے والے تمام افراد کے پیغامات کا شکریہ۔ ان کے مطابق لائیو نشریات کے دوران مختصر خلل اس وقت پیش آیا جب قریب موجود ایک شخص کو یہ علم نہیں تھا کہ وہ براہِ راست آن ایئر ہیں اور وہاں کسی بات پر بحث ہو رہی تھی۔ انہوں نے کہا کہ وہ کچھ ہی دیر بعد دوبارہ انٹرویو میں شامل ہو گئے تھے اور امید ہے کہ اس معاملے کو بلاوجہ سیاسی رنگ نہیں دیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احسن اقبال شیر افضل مروت شیر افضل مروت ویڈیو وائرل.
ذریعہ
ذریعہ: WE News
کلیدی لفظ: احسن اقبال شیر افضل مروت شیر افضل مروت ویڈیو وائرل
پڑھیں:
بلاول کے پنجاب کے شہروں کی صورتحال پر سوالات، مریم اورنگزیب نے ویڈیو جاری کرکے جواب دیدیا
پیپلز پارٹی کے چیئرمین بلاول بھٹو کے سوالات پر پنجاب کی سینئر وزیر مریم اورنگزیب نے ویڈیو ثبوت کے ساتھ جواب دیدیے۔آزاد کشمیر کے انتخابی جلسے میں پنجاب کے شہروں کی صورتِ حال پر سوال اٹھاتے بلاول کو پنجاب کی سینئر وزیر مریم اورنگ زیب نے ویڈیو جاری کر کے جواب دیا۔ بلاول نے لاہور کے علاوہ پنجاب کے جن شہروں کے حالات پر سوال اٹھایا ، مریم اورنگزيب نے انہی شہروں کی ویڈیو شیرکردی۔مریم اورنگزيب نے پنجاب کے مختلف شہروں کی سڑکوں اور صفائی کی صورتِحال کی ویڈیو شیئر کی۔ وہاڑی اور قصور پر بلاول کے سوالوں کا جواب دیتے ہوئے وہاڑی اور قصور کی سڑکوں ، گلیوں اور صفائی کی صورتِ حال کی ویڈیو کے ساتھ دیا۔
رمضان میں سحر و افطار کے دوران لوڈشیڈنگ نہ کرنے کا حکم، گیس فراہمی کا بھی اعلان