رحیم یارخان: سگریٹ پیتے ہوئے شعلہ کپڑوں پر گرنے سے شخص بری طرح جھلس گیا
اشاعت کی تاریخ: 29th, December 2025 GMT
data-id="863a0a8" data-element_type="widget" data-widget_type="theme-post-content.default">
رحیم یارخان کے علاقے لیاقت پور کی بستی بھٹی میں افسوسناک واقعہ پیش آیا جہاں سگریٹ پیتے وقت ایک شعلہ اچانک کپڑوں پر گر گیا، جس کے باعث سگریٹ نوشی کرنے والا شخص شدید طور پر جھلس گیا۔
ریسکیو حکام کے مطابق 45 سالہ اقبال سگریٹ پی رہا تھا کہ اسی دوران سگریٹ کا جلتا ہوا شعلہ اس کے کپڑوں پر آ گرا، دیکھتے ہی دیکھتے کپڑوں میں آگ بھڑک اٹھی اور وہ بری طرح جھلس گیا۔
ریسکیو اہلکاروں نے اطلاع ملتے ہی موقع پر پہنچ کر زخمی شخص کو ابتدائی طبی امداد فراہم کی اور تشویشناک حالت کے باعث پہلے تحصیل اسپتال لیاقت پور منتقل کیا، جہاں سے بعد ازاں اسے شیخ زاید اسپتال رحیم یار خان ریفر کر دیا گیا۔
ریسکیو حکام کے مطابق متاثرہ شخص کا جسم تقریباً 30 فیصد تک جھلس چکا ہے اور اس کی حالت تشویشناک بتائی جا رہی ہے، جبکہ اسپتال میں اس کا علاج جاری ہے۔
.
ذریعہ
ذریعہ: Jasarat News
پڑھیں:
کاوا مینز والی بال چیمپئن شپ: قومی ٹیم نے دوسرے روز بنگلا دیش کو شکست دے دی
کاوا مینز والی بال چیمپئن شپ کے دوسرے روز بھی پاکستان کا جادو سر چڑھ کر بولا، قومی ٹیم نے بنگلادیش کو کسی بھی مرحلے پر سنبھلنے کا موقع نہ دیا اور مسلسل تین سیٹ جیت کر 0-3 سے شاندار فتح اپنے نام کر لی۔
پاکستان نے آغاز سے ہی جارحانہ کھیل پیش کرتے ہوئے پہلا سیٹ 16-25 سے جیتا، دوسرے سیٹ میں بھی سبز ہلالی پرچم بلند رکھا اور 17-25 سے کامیابی سمیٹی۔
تیسرے سیٹ میں بنگلادیش نے بھرپور مزاحمت کی، مگر پاکستانی کھلاڑیوں نے اعتماد اور مہارت کا شاندار مظاہرہ کرتے ہوئے 22-25 سے فتح حاصل کی اور میچ بغیر کوئی سیٹ گنوائے تین صفر سے اپنے نام کر لیا۔
قومی ٹیم کی یہ مسلسل دوسری فتح کاوا چیمپئن شپ میں پاکستان کے مضبوط عزائم کا واضح اعلان ہے جبکہ شاندار کارکردگی نے ٹائٹل کی دوڑ میں پاکستان کو مزید مضبوط امیدوار بنا دیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی