یوٹیوبر رجب بٹ پر کراچی سٹی کورٹ میں وکلا کا بدترین تشدد، کپڑے بھی پھاڑ دیے
اشاعت کی تاریخ: 29th, December 2025 GMT
یوٹیوبر رجب بٹ کے خلاف اسلامی شعائر کی توہین کے الزام میں درج مقدمے کی سماعت کے موقع پر سٹی کورٹ میں کشیدگی دیکھنے میں آئی، جہاں ان کی آمد پر دھکم پیل اور ہاتھا پائی کا واقعہ پیش آیا۔
صورتحال اس قدر بگڑ گئی کہ دھکم پیل کے دوران رجب بٹ کے کپڑے بھی پھٹ گئے، واقعے کے دوران رجب بٹ کے وکلا نے بیچ بچاؤ کی کوشش کی اور انہیں محفوظ طریقے سے عدالت کے احاطے سے نکالا۔
سٹی کورٹ میں پیش آنے والے اس واقعے کے باعث کچھ دیر کے لیے بدانتظامی کی کیفیت پیدا ہو گئی۔
یہ بھی پڑھیں: ناقابل ضمانت وارنٹ کے بعد سرنڈر، رجب بٹ عدالت پہنچ گئے
رجب بٹ کے خلاف تھانہ حیدری میں توہین مذہب اور اسلامی شعائر کی توہین کے الزامات کے تحت مقدمہ درج ہے، جس میں وہ پہلے ہی عبوری ضمانت پر ہیں۔
ایڈیشنل ڈسٹرکٹ اینڈ سیشن عدالت میں رجب بٹ کی درخواست ضمانت پر سماعت مقرر تھی، تاہم عدالت نے بغیر کسی کارروائی کے رجب بٹ کی عبوری ضمانت میں توسیع کرتے ہوئے سماعت 13 جنوری تک ملتوی کر دی۔
عدالتی ذرائع کے مطابق سماعت ملتوی کرنے کا فیصلہ موجودہ صورتحال کے پیش نظر کیا گیا، جبکہ آئندہ تاریخ پر درخواست ضمانت پر تفصیلی دلائل سنے جائیں گے۔
یوٹیوبر پر تشدد کس نے کیا؟ضمانت میں توسیع کے لیے وہ اپنے دوست ندیم نانی والا کے ہمراہ سٹی کورٹ کراچی پہنچےجہاں ان کی وکلا ٹیم بھی موجود تھی۔
عدالتی ذرائع کے مطابق رجب بٹ سٹی کورٹ آئے تو عبوری ضمانت میں توسیع کے لیے تھے لیکن ان کے ساتھ آج وہ ہوا جو شاید انہیں کبھی بھول نہ پائیں۔
عدالتی زرائع کے مطابق وکلا کی بڑی تعداد نے رجب بٹ کو شدید تشدد کا نشانہ بنایا اگر ایسا کہا جائے کہ رجب بٹ کو فٹبال بنایا گیا تو غلط نہ ہو گا اس دوران رجب بٹ کے کپڑے پھٹ چکے تھے اور ان کا خون بھی بہا۔
مزید پڑھیں: یوٹیوبر رجب بٹ کا بگ برادر کون ہے؟
ذرائع کے مطابق وکلا نے اس دوران کسی کو ویڈیو بنانے نہیں دی، مارپیٹ کے بعد انہیں کراچی بار لے جایا گیا جہاں ان کا حلیہ درست کرکے پھر میڈیا کو اورعام افراد کو ویڈیو بنانے دی گئی۔
وکلا کے مطابق رجب بٹ پہلے تو توہین مزہب کا مرتکب ہوئے اس کے بعد انہوں نے وکلا کو کیڑے مکوڑوں سے تشبیہ بھی دی۔
کراچی بار میں ہزاروں وکلا ہیں جو روزانہ عدالتوں میں پیش ہوتے ہیں ایسے الفاظ استعمال کرنے سے پہلے یہ تو سوچا جائے کہ کسی ایک وکیل کو بھی اشتعال آیا تو نتیجہ پھر یہ نکلتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تشدد رجب بٹ سٹی کورٹ کپڑے کراچی بار ندیم نانی والا وکلا یوٹیوبرز.
ذریعہ
ذریعہ: WE News
کلیدی لفظ: سٹی کورٹ کپڑے کراچی بار ندیم نانی والا وکلا یوٹیوبرز رجب بٹ کے سٹی کورٹ کے مطابق کے لیے
پڑھیں:
کراچی میں کھلے مین ہول میں گر کر 7 سالہ بچہ جاں بحق
شہر قائد کے علاقے مواچھ گوٹھ میں کھلے مین ہول میں گر کر 7 سالہ بچہ جاں بحق ہوگیا۔
ایکسپریس نیوز کے مطابق مواچھ گوٹھ کے نور شاہ محلے میں 7 سالہ بچہ کھلے مین ہول میں گرکر جاں بحق ہوا جس کی شناخت جہانگیر کے نام سے کی گئی۔
ایس ایچ او موچکو واقعے کی تصدیق کی اور بتایا کہ بچہ گھر کے قریب کھیلتے ہوئے کھلے مین ہول میں گرا۔
کھلے مین ہول میں گرکر بچے کی ہلاکت پر اہل خانہ شدت غم سے نڈھال ہوگئے اور واقعے کے بعد علاقہ مکینوں میں شدید اشتعال پھیل گیا۔
مواچھ گوٹھ میں کھلے مین ہول میں گرنے سے بچے کی ہلاکت کے بعد علاقہ مکینوں نے بچے کی میت رکھ کر احتجاج کیا اور حب ریور روڈ و ناردرن بائی پاس پر ٹریفک کو بند کردیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی