سندھ بلڈنگ، ڈپٹی ڈائریکٹر عمران رضوی کی سرپرستی میں تعمیراتی مافیا بے لگام
اشاعت کی تاریخ: 29th, December 2025 GMT
لیاقت آباد کی تنگ گلیوں میں پلاٹ نمبر 1/194اور 1/236تک غیرقانونی عمارتیں
شہری زندگیاں داؤ پر، غیرقانونی تعمیرات کا سلسلہ جاری، حکام اب تک خاموشی کیوں؟
سندھ بلڈنگ کنٹرول اتھارٹی کے ڈپٹی ڈائریکٹر عمران رضوی کی ملی بھگت سے تعمیراتی مافیا نے لیاقت آباد کے کئی پلاٹس پر غیرقانونی اور خطرناک عمارتیں کھڑی کر دی ہیں۔تصاویر میں درج پلاٹ نمبر 1/194اور 1/236 اس گٹھ جوڑ کا واضح ثبوت ہیں۔جرأت سروے ٹیم سے بات کرتے ہوئے مقامی ذرائع کے مطابق، ان کے علاوہ بھی متعدد پلاٹس پر بلند تعمیرات کی منظوری سرکاری افسران کی ملی بھگت سے دی جا رہی ہے ۔مقامی رہائشیوں کا کہنا ہے کہ بننے والی عمارتوں نے گلیوں کو تنگ کر دیا ہے ، ہنگامی صورت حال میں رسائی ناممکن ہو چکی ہے اور بنیادی سہولیات کا نظام مفلوج ہو رہا ہے ۔شہری منصوبہ بندی کے ماہرین نے خبردار کیا ہے کہ ان غیرقانونی تعمیرات سے نہ صرف زلزلے جیسے واقعات میں جانی نقصان کا خطرہ ہے ، بلکہ پورے علاقے کے انفرااسٹرکچر کو دیرپا نقصان پہنچ رہا ہے ۔ علاقہ مکینوں کا وزیر بلدیات سے مطالبہ ہے کہ تمام متاثرہ پلاٹس پر فوری تحقیقات کریں اور عمران رضوی سمیت ملوث افسران کے خلاف کارروائی یقینی بنائیں۔سوال یہ ہے کیا پلاٹ نمبروں کے باوجود قانون ان غیرقانونی تعمیرات تک پہنچ پائے گا،یا یہ مافیا اپنا کھیل جاری رکھے گی؟
.
ذریعہ
ذریعہ: Juraat
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا