واشنگٹن دوبارہ سے لاطینی امریکہ پر تسلط چاہتا ہے، وینزویلا
اشاعت کی تاریخ: 29th, December 2025 GMT
اپنے ایک انٹرویو میں وینزویلا کے رکن پارلیمان کا کہنا تھا کہ امریکہ نے ہم سے منہ پھیر لیا تو اس وقت بین الاقوامی معاہدوں کے ذریعے روس اور چین ایک مختلف نقطہ نظر کے ساتھ اس خطے میں داخل ہوئے۔ اسلام ٹائمز۔ وینزویلا کے رکن پارلیمان "گیلبرٹو خیمنز" نے کہا کہ واشنگٹن، دوبارہ لاطینی امریکہ پر غلبہ حاصل کرنے کی کوشش کر رہا ہے۔ انہوں نے ان خیالات کا اظہار ریانووسٹی چینل کو انٹرویو دیتے ہوئے کیا۔ اس موقع پر انہوں نے کہا کہ بنیادی طور پر، چین و روس کے توسط سے لاطینی امریکہ اور کیریبین خطے میں نمایاں پیشرفت ہوئی۔ جب امریکہ نے ہم سے منہ پھیر لیا تو اس وقت بین الاقوامی معاہدوں کے ذریعے روس اور چین ایک مختلف نقطہ نظر کے ساتھ اس خطے میں داخل ہوئے۔ یہ دونوں ممالک، لاطینی امریکہ میں ترقی کو فروغ دینا چاہتے ہیں۔ لاطینی امریکہ کے دونوں ممالک سے تعلقات نہ صرف خودمختاری کے احترام پر مبنی ہیں بلکہ بین الاقوامی قوانین کی پاسداری پر بھی منتج ہیں۔ دوسری جانب امریکی وزارت خارجہ کے غلط اندازوں کے نتیجے میں، ایک بار پھر واشنگٹن نے اپنی توجہ لاطینی امریکہ کی جانب مبذول کر لی۔ یہ توجہ، ہمیشہ کی طرح امریکی جبر کی پالیسی یعنی جنگی جہازوں اور جارحیت کی صورت میں سامنے آئی۔ واشنگٹن ہمیشہ طاقت کی زبان میں بات کرتا ہے، اپنی مرضی کو اسلحے کے زور اور فوجی نقل و حرکت کے ذریعے مسلط کرنا چاہتا ہے، جو 1990ء کی دہائی میں خلیج فارس کی جنگ کی یاد دلاتا ہے۔
.
ذریعہ
ذریعہ: Islam Times
کلیدی لفظ: لاطینی امریکہ
پڑھیں:
پاکستان ڈی ایٹ ممالک کے ساتھ مضبوط معاشی شراکت داری قائم کرنا چاہتا ہے، عرفان سومرو
وزارت خارجہ کے ڈائریکٹر جنرل عرفان سومرو نے کہا ہے کہ تجارتی ڈپلومیسی حکومت پاکستان کی خارجہ پالیسی کا بنیادی ستون ہے اور پاکستان ڈی ایٹ ممالک کے ساتھ محض تجارتی حجم بڑھانے کا خواہاں نہیں بلکہ مضبوط اور پائیدار معاشی شراکت داری قائم کرنا چاہتا ہے۔
فیڈریشن ہاؤس کراچی میں فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے زیر اہتمام ڈی ایٹ چیمبرز آف کامرس اینڈ انڈسٹری (D-8 CCI) کی پاکستان نیشنل کمیٹی کے اجلاس سے خطاب کرتے ہوئے دائریکٹر جنرل وزارت خارجہ عرفان سومرو نے کہا کہ ڈی ایٹ کے قیام کو تین دہائیاں گزر چکی ہیں، اب وقت آ گیا ہے کہ اس وژن کو عملی اقدامات میں تبدیل کیا جائے۔
ان کا کہنا تھا کہ ڈی ایٹ ممالک کی مشترکہ معیشت تقریباً 5 ہزار ارب ڈالر پر مشتمل ہے اور ایک ارب سے زائد آبادی مشرق بعید سے افریقہ تک پھیلی ہوئی ہے، جو باہمی تجارت اور سرمایہ کاری کے بے شمار مواقع فراہم کرتی ہے۔
انہوں نے کہا کہ زراعت، معدنیات، سیاحت اور نوجوان افرادی قوت ڈی ایٹ ممالک کے اہم اثاثے ہیں، تاہم مختلف مفاہمتی یادداشتوں (ایم او یوز) پر مؤثر عمل درآمد نہ ہونے کے باعث رکن ممالک اپنی حقیقی معاشی صلاحیت سے بھرپور فائدہ نہیں اٹھا پا رہے۔
ڈی جی وزارت خارجہ کے مطابق پاکستان کی ڈی ایٹ ممالک کے ساتھ سالانہ تجارت تقریباً 11 ارب ڈالر ہے، جس میں 8 ارب ڈالر درآمدات جبکہ 2.8 ارب ڈالر برآمدات شامل ہیں، اس عدم توازن کو کم کرنے اور برآمدات میں اضافے کی ضرورت پر زور دیا۔
عرفان سومرو نے کہا کہ پاکستان کی بندرگاہیں اور نوجوان آبادی ملکی معیشت کے لیے قیمتی اثاثہ ہیں، کاروباری برادری پر زور دیتے ہوئے انہوں نے کہا کہ وہ پاکستانی سفارت خانوں کے ساتھ روابط بڑھائے تاکہ نئی منڈیوں تک رسائی اور سرمایہ کاری کے مواقع سے فائدہ اٹھایا جا سکے۔
انہوں نے کہا کہ حکومت بین الاقوامی معاہدے اور سازگار پالیسی فریم ورک فراہم کر سکتی ہے، تاہم تجارت اور سرمایہ کاری کو فروغ دینا نجی شعبے کی ذمہ داری ہے، اس سلسلے میں ایف پی سی سی آئی کا کردار انتہائی اہم ہے۔
ڈائریکٹر جنرل وزارت خارجہ نے خواتین اور نوجوان کاروباری افراد پر زور دیا کہ وہ علاقائی تجارت اور اقتصادی سرگرمیوں میں بھرپور کردار ادا کریں، پاکستان ڈی ایٹ ممالک کے ساتھ تعلقات کو مزید مضبوط بنانے کے لیے مکمل طور پر تیار ہے۔
اس موقع پر ایف پی سی سی آئی کے صدر عاطف اکرام شیخ نے قاہرہ میں منعقدہ چوتھی ڈی ایٹ ٹریڈ منسٹر کونسل کے فیصلوں کا خیرمقدم کرتے ہوئے استنبول میں ترکیہ کی تنظیم TOBB کی سرپرستی میں ڈی ایٹ چیمبرز کے مستقل سیکرٹریٹ کے قیام کو اہم پیش رفت قرار دیا۔
ڈی ایٹ سیکریٹری جنرل سہیل محمود نے اپنے خصوصی پیغام میں رکن ممالک پر زور دیا کہ وہ حلال معیشت، مالیاتی انضمام اور علاقائی تجارت کے مواقع سے بھرپور فائدہ اٹھائیں۔
ایف پی سی سی آئی کے سینئر نائب صدر ثاقب فیاض مگوں نے کہا کہ ڈی ایٹ ممالک کے درمیان اندرونی تجارت میں نمایاں اضافہ وقت کی اہم ضرورت ہے اور فیڈریشن پریفرینشل ٹریڈ ایگریمنٹ (پی ٹی اے) کو ناگزیر سمجھتی ہے۔
اجلاس میں انڈونیشیا، ترکیہ، ایران، مصر، ملائیشیا، نائجیریا، آذربائیجان اور بنگلہ دیش کے قونصل جنرلز، سینئر سفارت کاروں، ایف پی سی سی آئی کے نائب صدور امان پراچہ، آصف سخی، سابق صدر زبیر طفیل، سابق نائب صدور خالد تواب، حنیف گوہر، شبیر منشا، ناہید مسعود، نازلی عابد، ماہین خان اور دیگر کاروباری رہنماؤں نے بھی شرکت کی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار