اسلام میں خود کو یا کسی کو قتل کرنا حرام ہے، طاہر اشرفی کا کم عمر بچی کو خود کش حملے کے لیے تیار کرنے پر ردعمل
اشاعت کی تاریخ: 29th, December 2025 GMT
پاکستان علما کونسل کے چیئرمین علامہ طاہر اشرفی کا معصوم بچی کو دہشتگردی کے لیے استعمال کرنے کے گھناؤنے عزائم رکھنے والوں کے خلاف ردعمل سامنے آگیا۔
اپنے ایک ویڈیو پیغام میں انہوں نے کہاکہ سی ٹی ڈی نے جس طرح ایک معصوم بچی کو فتنہ الہندوستان کے مذموم عزائم کا نشانہ بننے سے بچایا، اس پر وہ خراج تحسین کے مستحق ہیں۔
سی ٹی ڈی بلوچستان نے جس طرح لڑکی کو فتنہ الہندوستان کے مزموم عزائم کا نشانہ بننے سے بچایا ہے وہ قابل تحسین ہے جس پر ملک کی سلامتی کے ادارے خراج تحسین کے مسحق ہیں ، اسلام میں اپنے آپ کو قتل کرنا یاکسی دوسرے شخص کو قتل کرنا حرام ہے ، علامہ طاہر محمود اشرفی pic.
— WE News (@WENewsPk) December 29, 2025
انہوں نے کہاکہ دہشتگردوں کے عزائم ناکام بنانے پر ملکی سلامتی کے اداروں، سی ٹی ڈی کے افسران اور دیگر کو خراج تحسین پیش کرتا ہوں۔
طاہر اشرفی نے کہاکہ اسلام میں اپنے آپ کو قتل کرنا یا کسی کو قتل کرنا حرام ہے، فتنہ الہندوستان اور فتنہ الخوارج کی جانب سے معصوم لوگوں کی ذہن سازی کرکے انہیں دہشتگردی پر مجبور کیا جاتا ہے۔
انہوں نے کہاکہ اب اس سے بڑی بزدلی کیا ہوگی کہ اپنی بہنوں، بیٹیوں، قوم کی بچیوں کو دہشتگردی کے لیے استعمال کیا جائے۔ ’اسلام، پاکستان، پاکستان کی روایات، بلوچ قوم کی روایات، مسلمانوں کی روایات، مسلمانوں کا دین اس کی اجازت نہیں دیتا۔‘
طاہر اشرفی نے کہاکہ میں سمجھتا ہوں جو لوگ ابھی تک کسی خوف کی وجہ سے فتنہ الہندوستان یا فتنہ الخوارج کے ساتھ کسی خوف کی وجہ سے ہیں ان کو چھوڑ دیں، کیوں کہ یہ لوگ پاکستان اور انسانیت کے دشمن ہیں۔
انہوں نے کہاکہ وہ حوا کی بیٹی جس کو اسلام عظمت دینے آیا، اور رسول اللہﷺ کے مقدس آنسو جس کے لیے بہے، اس کو اپنے مذموم مقاصد کے لیے استعمال کرنا اور دہشتگردی جیسے جرم کے لیے استعمال کرنا، اس سے بڑا جرم کوئی اور نہیں ہو سکتا۔
مزید پڑھیں: بی ایل اے بچوں کو ہتھیار بنانے لگا، کم عمر بلوچ بچی کو سوشل میڈیا کے ذریعے خودکش بمبار بنانے کی کوشش ناکام
ان کا مزید کہنا تھا کہ پاکستان انشااللہ قیامت کی صبح تک قائم رہےگا، اور دہشتگردوں کے عزائم ناکام ہوں گے۔ میں سمجھتا ہوں کہ جس انداز سے پاک فوج، ملکی سلامتی کے اداروں اور سی ٹی ڈی نے اس بچی کو محفوظ بنایا ہے ہمیں پاکستان کو بھی محفوظ بنانا ہے۔
واضح رہے کہ سکیورٹی اداروں نے کراچی کو بڑی تباہی سے بچاتے ہوئے دہشتگردوں کی جانب سے خودکش حملے لیے تیار کی گئی کم عمر طالبہ کو ریسکیو کرلیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان علما کونسل دہشتگردی طاہر اشرفی معصوم بچی وی نیوز
ذریعہ
ذریعہ: WE News
کلیدی لفظ: پاکستان علما کونسل دہشتگردی طاہر اشرفی معصوم بچی وی نیوز فتنہ الہندوستان کے لیے استعمال انہوں نے کہاکہ کو قتل کرنا طاہر اشرفی سی ٹی ڈی بچی کو
پڑھیں:
اسلام آباد میں مارکیٹوں اور دکانوں کے اوقات کار میں توسیع کی منظوری
دارالحکومت اسلام آباد میں مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے