20روپےمانگنے پرمیاں نے بیوی کوقتل کرکےخودکشی کرلی
اشاعت کی تاریخ: 29th, December 2025 GMT
data-id="863a0a8" data-element_type="widget" data-widget_type="theme-post-content.default">
نئی دہلی: بھارت میں 20روپے مانگنے پر شوہر نے بیوی کو قتل کرکے خودکشی کرلی۔
یہ دل دہلا دینے والا واقعہ بھارت کی راجدھانی شہر دہلی میں پیش آیا۔ جہاں صرف 20 روپے نے ہنستا بستا گھر اجاڑ کر رکھ دیا۔
بھارتی میڈیا کے مطابق بیوی کے 20 روپے مانگنے پر شوہر اتنا برہم ہوا کہ اس کو چھت پر لے جا کر قتل کر دیا اور پھر خود ٹرین کے سامنے چھلانگ لگا کر اپنی زندگی کا خاتمہ کر لیا۔
خاتون کی شناخت مہندر کور (45 سال) اور کلونت سنگھ (48 سال) کے ناموں سے ہوئی۔
پولیس کا کہنا ہے کہ بیس روپے مانگنے پر میاں بیوی کے درمیان تنازع اتنا بڑھا کہ کلونت نے مہندر کور کو چھت پر لے جا کر قتل کر دیا اور پھر فرار ہو گیا۔
مقتولہ خاتون کے دیور کی شکایت پر پولیس وہاں پہنچی اور لاش تحویل میں لے کر پوسٹ مارٹم کے لیے اسپتال پہنچائی، جس میں قتل کی تصدیق ہوئی۔
ڈی سی پی پرشانت گوتم کے مطابق بدھ کی دوپہر تقریباً ڈھائی بجے شوہر، بیوی اور ان کا بڑا بیٹا گھر میں موجود تھے۔ 20 روپے مانگنے پر جوڑے کے درمیان جھگڑا ہوگیا۔
جھگڑا بڑھنے پر شوہر بیوی کو چھت پر لے گیا جہاں اس نے اسے قتل کر دیا۔ اس کے بعد وہ موقع سے فرار ہوگیا۔
کچھ دیر بعد بیٹا گھر واپس آیا تو اس نے اپنی ماں کو مردہ پایا۔ اس کے بعد اس نے پڑوسیوں کو بلایا اور لاش کو گراو ¿نڈ فلور پر رکھ دیا۔
دریں اثنا، راجستھان میں رہنے والے متوفی کلونت سنگھ کے چھوٹے بھائی کو اس واقعہ کا علم ہوا۔ اس نے تقریباً تین بجے پی سی آر کال کی اور پولیس کو مطلع کیا کہ اس کی بھابھی کی موت مشکوک حالات میں ہوئی ہے جبکہ اس کا بھائی گھر سے لاپتا ہے۔
اطلاع ملتے ہی وویک وہار تھانے کی پولیس اور اعلیٰ افسران جائے وقوع پر پہنچے۔ پوسٹ مارٹم رپورٹ میں قتل کی تصدیق ہوئی جس کے بعد قتل کا مقدمہ درج کرکے تفتیش شروع کردی گئی۔ اسی دوران پولیس کو اطلاع ملی کہ کلونت سنگھ قریبی ریلوے ٹریک پر موجود ہے۔
جب پولیس اور مقامی لوگ پہنچے تو کلونت سنگھ نے فرار ہونے کی کوشش کی اور آنے والی ٹرین کے سامنے چھلانگ لگا دی۔
اسے تشویشناک حالت میں جی ٹی بی اسپتال لے جایا گیا، جہاں ڈاکٹروں نے اسے مردہ قرار دے دیا۔ بتایا جاتا ہے کہ جوڑے نے حال ہی میں اپنی بیٹی کی شادی کی تھی اور بدھ کو بیٹی کے میکے آنے کی تیاری کر رہے تھے کہ یہ افسوسناک واقعہ پیش آیا۔
ویب ڈیسک
Faiz alam babar
ذریعہ
ذریعہ: Jasarat News
کلیدی لفظ: روپے مانگنے پر کلونت سنگھ قتل کر
پڑھیں:
طوفانی ہوائیں: موٹروے کے کئی مقامات پر ہیوی ٹریفک کا داخلہ بند
سٹی 42 : شدید آندھی اور طوفانی ہواؤں کے باعث موٹروے ایم-5 پر ہائی ٹرانسمیشن بجلی کی تاریں گر گئیں۔ حفاظتی اقدامات کے تحت روہڑی سے رحیم یار خان تک موٹروے پر ہیوی ٹریفک کا داخلہ بند کردیا گیا ہے۔
ترجمان موٹروے پولیس کے مطابق روہڑی اور پنوں عاقل سے شمالی سمت جانے والی ہیوی اور پبلک سروس گاڑیوں کا داخلہ روک دیا گیا ہے۔ موٹروے ایم-5 پر مقام 510 ساؤتھ باؤنڈ اور نارتھ باؤنڈ پر بجلی کی تاریں سڑک پر گرنے سے ٹریفک متاثر ہوئی ہے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
ترجمان موٹروے پولیس کا کہنا ہےکہ مسافروں کی حفاظت کے پیش نظر ٹریفک کو متبادل راستوں پر ڈائیورٹ کر دیا گیا۔ موٹروے پولیس کی جانب سے اقبال آباد اور گڈو کے مقامات پر متبادل راستوں کے ذریعے ٹریفک کو گزارا جا رہا ہے۔ ترجمان کا کہنا ہے کہ پنجاب سے سندھ جانے والے مسافر اقبال آباد سے بذریعہ رحیم یار خان قومی شاہراہ این-5 استعمال کر سکتے ہیں۔
ترجمان موٹروے پولیس کا کہنا ہےکہ موٹروے ایم-5 پر بجلی کی تاریں ہٹانے اور ٹریفک بحالی کے لیے اقدامات جاری ہیں ۔ سندھ سے پنجاب جانے والے مسافر رحیم یار خان سے قومی شاہراہ این-5 کے ذریعے موٹروے ایم-5 پر دوبارہ سفر جاری رکھ سکتے ہیں۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
موٹروے پولیس نے شہریوں سے غیر ضروری سفر سے گریز کرنے کی ہدایت کی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے